ການສ້າງຮົ້ວແຕ່ພຽງຝ່າຍດຽວຂອງປາກິສຖານ ຢູ່ຕາມຊາຍແດນອັນກວ້າງໃຫຍ່ໄພ
ສານຂອງຕົນ ທີ່ຕິດກັບປະເທດ ອັຟການິສຖານ ທີ່ບໍ່ມີທາງອອກສູ່ທະເລ ໃນສັບປະດາ
ນີ້ ໄດ້ກໍ່ໃຫ້ເກີດການປະທະກັນ ທາງດ້ານທະຫານ ລະຫວ່າງ ສອງປະເທດເພື່ອນບ້ານ
ທີ່ບໍ່ຄ່ອຍໄວ້ເນື້ອເຊື່ອໃຈກັນ ແລະ ໄດ້ກະຕຸ້ນໃຫ້ ອິສລາມາບັດ ປິດດ່ານຂ້າມປະເທດ
ທີ່ມີຄົນເຂົ້າອອກຫຼາຍ ຢ່າງໜາແໜ້ນ ຢູ່ທາງພາກຕາ ເວັນຕົກສຽງໃຕ້ຂອງປະເທດ.
ການປິດດ່ານຂ້າມຊາຍແດນ ຈາມານ ຢ່າງກະທັນຫັນ ຂອງປາກິສຖານ ໄດ້ເຮັດໃຫ້
ພວກນັກເດີນທາງ ແລະ ລົດຂົນສົ່ງທີ່ບັນທຸກສິນຄ້າພານິດ ຫຼາຍຮ້ອຍຄັນ ຕົກຄ້າງ
ຢູ່ທັງສອງຟາກ.
ທາງການຂອງປາກິສຖານ ໃນວັນຈັນວານນີ້ ໄດ້ອະນຸຍາດໃຫ້ພວກຄົນຫຼາຍຮ້ອຍຄົນ
ທີ່ຕົກຄ້າງ ຍ່າງຂ້າມຊາຍແດນ ແຕ່ທາງການ ບໍ່ອະນຸຍາດໃຫ້ ຂະບວນລົດສິນຄ້າເດີນ
ທາງຕໍ່ໄປໄດ້ ໃນແຕ່ລະທິດທາງ.
ການປະທະກັນ ໄດ້ເກີດຂຶ້ນໃນຕອນບ່າຍຂອງ ວັນອາທິດ ຜ່ານມາ ຢູ່ໃກ້ໆ ກັບ ເມືອງ
ຊາຍແດນ ຈາມານ ໃນເວລາ ກຳລັງຮັກສາຄວາມສະຫງົບ ຂອງອັຟການິສຖານ ໄດ້
ເປີດສາກຍິງເຂົ້າໃສ່ ໜ່ວຍທະຫານຂອງປາກິສຖານ ທີ່ກຳລັງສ້າງຮົ້ວຢູ່ນັ້ນ ອີງຕາມ
ການຢືນຢັດຂອງບັນດາເຈົ້າໜ້າທີ່ ກອງທັບປາກິສຖານ.
ການຕໍ່ສູ້ກັນ ໃຊ້ເວລາປະມານ 8 ຊົ່ວໂມງ ອີງຕາມບັນດາເຈົ້າໜ້າທີ່ ຂອງ
ອັຟການິສຖານ.
ຫົວໜ້າໂຄສົກກອງທັບປາກິສຖານ ພົນຕີ ອາສິບ ກາຟູຣ ໄດ້ກ່າວບອກ ວີໂອເອ ປະຈຳ
ເມືອງຈາມານ ວ່າ ດ່ານຂ້າມຊາຍແດນ ໂດຍສ່ວນໃຫຍ່ ແມ່ນຍັງຄົງປິດຢູ່ ຊຶ່ງ ພົນຕີ
ອາສິບ ກາຟູຣ ກ່າວວ່າ “ການເກາະພິດ” ໂດຍກຳລັງຮັກສາຄວາມສະຫງົບ ຂອງ
ອັຟການິສຖານ ເປັນສາເຫດຂອງການຂັດແຍ້ງນີ້.