ໃນວັນສຸກມື້ນີ້ ນາຍົກລັດຖະມົນຕີປາກິສຖານທ່ານ Yousuf Raza Gilani ໄດ້ປະຕິເສດ
ບໍ່ຍອມລາອອກຈາກຕຳແໜ່ງນຶ່ງມື້ຫຼັງຈາກສານສູງສຸດຂອງປະເທດພົບເຫັນວ່າທ່ານມີຄວາມ
ຜິດໃນຖານໝິ່ນປະໝາດຕໍ່ສານ ທີ່ບໍ່ຍອມຟື້ນຄະດີການ ສໍ້ລາດບັງຫຼວງຂອງປະທານາທິບໍດີ
Asif Ali Zardari.
ທ່ານ Gilani ຖະແຫຼງຕໍ່ສະພາແຫ່ງຊາດໃນວັນສຸກມື້ນີ້ວ່າ ມີແຕ່ສະມາຊິກສະພາທໍ່ນັ້ນ ທີ່
ສາມາດປົດທ່ານອອກຈາກຕຳແໜ່ງໄດ້. ທ່ານເວົ້າວ່າ ຄວາມຜິດອັນດຽວທໍ່ນັ້ນຂອງທ່ານ ກໍ
ຄືປົກປ້ອງຄຸ້ມຄອງລັດຖະທຳມະນູນ.
ສານພຽງແຕ່ໄດ້ຕັດສິນລົງໂທດແບບເປັນສັນຍາລັກທໍ່ນັ້ນຕໍ່ທ່ານ Gilani ຊຶ່ງໄດ້ກັກຂັງທ່ານ
ບໍ່ຮອດນຶ່ງນາທີ ໂດຍບໍ່ໄດ້ໃຫ້ທ່ານຖືກໂທດຈຳຄຸກທີ່ອາດດົນເຖິງ 6 ເດືອນ. ແຕ່ຄຳຕັດສິນ
ຂອງສານ ໄດ້ພາໃຫ້ມີການປະທ້ວງຢ່າງກວ້າງຂວາງຢູ່ໃນທົ່ວປະເທດ ໃນລະຫວ່າງທີ່ພວກ
ເດີນຂະບວນພາກັນໂຫ່ຮ້ອງພ້ອມທັງຊູຮູບຂອງທ່ານຂຶ້ນແລະເວົ້າວ່າ ມັນເປັນເລື່ອງທີ່ໜ້າລະ
ອາຍທີ່ທ່ານຕ້ອງຖືກໂທດ.
ທະນາຍຄວາມຂອງທ່ານ Gilani ກ່າວວ່າ ລູກຄວາມຂອງທ່ານ ໄດ້ຮ້ອງຂໍ ໃຫ້ທ່ານຍື່ນອຸ
ທອນ ກ່ຽວກັບຄຳຕັດສິນດັ່ງກ່າວ. ທ່ານເວົ້າວ່າ ລູກຄວາມຂອງທ່ານ ໄດ້ຖືກພົບເຫັນວ່າມີ
ຄວາມຜິດໃນຂໍ້ຫາທີ່ທ່ານບໍ່ເຄີຍຖືກຟ້ອງ.