ທ່ານ Yusuf Raza Gilani ນາຍົກລັດຖະມົນຕີປາກິສຖານໄດ້ຍື່ນຄໍາອຸທອນຕໍ່ສານສູງສຸດ ທີ່ຮຽກໂຕທ່ານໃຫ້ໄປສານ ເພື່ອປະເຊີນໜ້າກັບຂໍ້ກ່າວຫາຖານໝິ່ນປະໝາດສານນັ້ນ.
ຂໍ້ຫາຖານໝິ່ນປະໝາດສານຕໍ່ທ່ານ Gilani ນັ້ນແມ່ນສືບເນື່ອງມາຈາກຄໍາສັ່ງຂອງສານສູງສຸດກ່ອນໜ້ານີ້ ທີ່ສັ່ງໃຫ້ນາຍົກລັດຖະມົນຕີໄຂຄືນພວກຄະດີຟ້ອງຮ້ອງໃນຂໍ້ຫາສໍ້ລາດບັງຫລວງຕໍ່ປະຊາຊົນຫຼາຍພັນຄົນ ຮວມທັງປະທານາທິບໍດີ Asif Ali Zardari ນໍານັ້ນ.
ອາທິດແລ້ວນີ້ ສານສູງສຸດໄດ້ສັ່ງໃຫ້ທ່ານ Gilani ໄປປະກົດໂຕຢູ່ຕໍ່ໜ້າສານໃນວັນທີ
13 ກຸມພານີ້ ເພື່ອປະເຊີນໜ້າກັບຂໍ້ກ່າວຫາເຫລົ່ານີ້. ທ່ານ Aitzar Ahsan ທະນາຍ
ຄວາມຂອງນາຍົກລັດຖະມົນຕີ ກ່າວວ່າ ທ່ານ Gilani ໄດ້ຍື່ນຄໍາອຸທອນຕໍ່ສານໃນວັນ
ພຸດມື້ນີ້.
ຖ້າຖືກຕັດສິນວ່າມີຄວາມຜິດແທ້ນັ້ນ ນາຍົກລັດຖະມົນຕີ Gilani ກໍສາມາດສູນເສຍຕໍາ
ແໜ່ງຂອງທ່ານ ແລະເຂົ້າຄຸກໄດ້.
ຂໍ້ກ່າວຫາສໍ້ລາດບັງຫລວງຕໍ່ປະທານາທິບໍດີ Zardari ແລະພວກເຈົ້າໜ້າທີ່ປາກິສຖານ
ອື່ນໆ ໄດ້ເລີ້ມມາຕັ້ງແຕ່ໃນຊຸມປີ 1990 ແລະໄດ້ຮັບການໃຫ້ອໄພໂທດ ພາຍໃຕ້ດຳລັດ
ນຶ່ງທີ່ເປັນບັນຫາໂຕ້ແຍ້ງກັນໃນປີ 2007. ແຕ່ສານສູງສຸດຂອງປາກີສຖານໄດ້ລົບລ້າງ
ການໃຫ້ອະໄພໂທດດັ່ງກ່າວ ທີ່ເອີ້ນກັນທົ່ວໄປວ່າ ກົດໝາຍວ່າດ້ວຍຄວາມປອງດອງຊາດ
ສະບັບ ປີ 2009 ນັ້ນ ແລະໄດ້ສັ່ງໃຫ້ລັດຖະບານໄຂຄະດີເຫລົ່ານີ້ຄືນ.
ນາຍົກລັດຖະມົນຕີ Gilani ບໍ່ຍອມປະຕິບັດຕາມຄໍາຕັດສິນຂອງສານ ໂດຍກ່າວວ່າ ລັດ
ຖະທໍາມະນູນຂອງປະເທດ ບໍ່ອະນຸຍາດໃຫ້ທ່ານເລີ້ມດໍາເນີນການທາງກົດໝາຍໃດໆຕໍ່
ທ່ານ Zardari ຕາບໃດທີ່ທ່ານ Zardari ຍັງເປັນປະທານາທິບໍດີຂອງປະເທດຢູ່.