ລິ້ງ ສຳຫລັບເຂົ້າຫາ

ວັນເສົາ, ໒໕ ພຶດສະພາ ໒໐໒໔

ປາກິສຖານເປີດດ່ານຂ້າມຊາຍແດນ ໃຫ້ເນໂຕ້ຄືນແລ້ວ.


ລົດບັນທຸກຂອງປາກິສຖານ ທີ່ລໍາລຽງສໍາພາລະ ໄປໃຫ້ທະຫານເນໂຕ້ ໄດ້ເຂົ້າໄປໃນຊາຍແດນອັຟການິສຖານ ໂດຍຜ່ານດ່ານທີ່ເມືອງ Torkham, ໃນວັນອາທິດມື້ນີ້, ທີ 10 ຕຸລາ 2010.
ລົດບັນທຸກຂອງປາກິສຖານ ທີ່ລໍາລຽງສໍາພາລະ ໄປໃຫ້ທະຫານເນໂຕ້ ໄດ້ເຂົ້າໄປໃນຊາຍແດນອັຟການິສຖານ ໂດຍຜ່ານດ່ານທີ່ເມືອງ Torkham, ໃນວັນອາທິດມື້ນີ້, ທີ 10 ຕຸລາ 2010.

ປາກິສຖານ ໄດ້ປີດດ່ານຂ້າມຊາຍແດນ ໄປຍັງອັຟການິສຖານ ໃນວັນທີ 30 ກັນຍາ ຫລັງຈາກການໂຈມຕີຂອງເນໂຕ້ ສັງຫານທະຫານປາກິສຖານ 2 ຄົນ.

ປາກິສຖານໄດ້ປິດ ດ່ານຂ້າມຊາຍແດນ Torkham ທີ່ຢູ່​ໃນເຂດຊົນເຜົ່າ Khyber ​ໃນ​ພາກຕາເວັນຕົກສຽງເໜືອ ຂອງປະ​ເທດ ເມື່ອວັນທີ່ 30 ເດືອນກັນຍາ ຊຶ່ງເປັນມື້ດຽວ ກັນກັບທີ່ຍົນເຮລິຄອບເຕີຂອງເນໂຕ້ ໄດ້ຍິງລູກສອນໄຟ ໃສ່ຄ້າຍທະຫານປາກິສຖານ​ແຫ່ງ​ນຶ່ງ ທີ່ສົ່ງຜົນ​ເຮັດໃຫ້ ທະຫານປາກິສຖານເສຍຊີວິດສອງຄົນນັ້ນ.

ການສອບສວນເຫດການຮ່ວມລະຫວ່າງເນໂຕ້ ແລະລັດ ຖະບານປາກິສຖານ ພົບຫລັກຖານວ່າ ເປັນຄວາມເຂົ້າໃຈ ຜິດຂອງນັກບິນອາເມຣິກັນ ທີ່​ຄິດ​ວ່າ​ເປັນ​ຄ້າຍ​ຂອງພວກ ຫົວຮຸນແຮງ ຊຶ່ງສະຫະລັດກໍໄດ້ຂໍຂະມາໂທດ ສໍາລັບອຸບັດ ຕິເຫດອັນນີ້ແລ້ວ.

ການປິດຊາຍແດນໄດ້ເຮັດໃຫ້ລົດບັນທຸກຂອງ​ເນ​ໂຕ້ ຕ້ອງ ຕົກຄ້າງຢູ່ຕາມ​ເສ້ນ​ທາງ​ແຄບໆ​ທີ່​ເນ່ງ​ໄປ​ໃສ່​ດ່ານ​ນັ້ນ ຊຶ່ງ​ເປັນການ​ເຜີຍ​ແບ​ໃສ່ການໂຈມຕີຂອງພວກຫົວຮຸນແຮງ.

ຂະນະ​ດຽວ​ກັນ ພວກເຈົ້າໜ້າທີ່ສືບລັບໃນປາກິສຖານກ່າວວ່າ ​ເ​ຮືອບິນບໍ່ມີຄົນຂັບຂອງສະ ຫະລັດໄດ້ໂຈມຕີເຂດຊົນເຜົ່າ ​ໃນ​ພາກຕາເວັນຕົກສຽງເໜືອຂອງປາກິສຖານ ​ໃນ​ວັ​ນອາທິດ​ມື້​ນີ້ ສົ່ງຜົນໃຫ້ມີຜູ້ເສຍຊີວິດຢ່າງ​ນ້ອຍ 7 ຄົນ.

ພວກເຈົ້າໜ້າທີ່ກ່າວວ່າ ​ການໂຈມຕີ​ໄດ້ແນເປົ້າໃສ່ບ້ານຫລັງນຶ່ງໃນ​ເຂດ Waziristan ເໜືອ ທີ່ຮູ້ກັນວ່າເປັນບ່ອນຫລົບລີ້ຂອງກຸ່ມອາລຄາອີດາ ແລະພວກຫົວຮຸນແຮງຢູ່​ໃນເຂດຊາຍແດນ ອັຟການິສຖານນັ້ນ.

ກ່ອນ​ໜ້າ​ນັ້ນ ​ໃນ​ວັນ​ອາທິດ​ນີ້ ກຸ່ມ​ທາ​ລີ​ບານ​ໃນ​ປາ​ກິ​ສຖານ​ໄດ້​ກ່າວ​ອ້າງ​ວ່າ ພວກ​ຕົນ​ໄດ້​ຈູດ​ເຜົາ​ລົດ​ບັນທຸກ​ນໍ້າມັນ​ຂອງ​ເນ​ໂຕ້ 29 ຄັນ ​ໃນ​ເຂດ​ຕາ​ເວັນ​ຕົກ​ສຽງ​ໃຕ້​ຂອງ​ປາ​ກິ​ສຖານ ​ໃນ​ມື້ວານ​ນີ້ ​ແລະ​ເວົ້າ​ອີກ​ວ່າ ການ​ໂຈມ​ຕີ​ຈະ​ມີ​ຂຶ້ນ​ຕໍ່​ໄປ ຈົນ​ກ່ວາ​ສະຫະລັດ​ຈະ​ຢຸດ​ເຊົາທໍາ​ການ​ໂຈມ​ຕີ​ໃສ່ດິນ​ຂອງ​ປາ​ກິ​ສຖານ ​ໂດຍ​ເ​ຮື​ອບິນ​ບໍ່​ມີ​ຄົນ​ຂັບ​ນັ້ນ.

XS
SM
MD
LG