ພວກປະທ້ວງ ຕໍ່ຕ້ານລັດຖະບານປາກິສຖານຫລາຍພັນຄົນ ໄດ້
ເຂົ້າໄປເຖິງຕຶກສະພາທັງໆທີ່ລັດຖະບານໄດ້ພະຍາຍາມຫາທາງ
ຂັດຂວາງ ບໍ່ໃຫ້ພວກເຂົາເຈົ້າ ເຂົ້າໄປ.
ໃນຕອນເຊົ້າວັນພຸດມື້ນີ້ ພວກປະທ້ວງທີ່ມີເຄື່ອງຕັດໜາມຈັບແລະ
ມີລົດຍົກຢ່າງໜ້ອຍນຶ່ງຄັນສາມາດເລັດລອດຜ່ານສິ່ງກີດຂວາງທີ່
ເປັນຫີບຂົນສົ່ງເຄື່ອງ ທີ່ກຳລັງຮັກສາຄວາມປອດໄພປາກິສຖານ
ນຳເອົາມາຕັ້ງໄວ້ ເພື່ອປ້ອງກັນອັນທີ່ເອີ້ນ ວ່າ “ເຂດອັນຕະລາຍ”
ໃນນະຄອນອິສລາມາບັດ ນັ້ນກໍຄື ທີ່ຕັ້ງຕຶກສະພາ.
ຮວມຢູ່ໃນບັນດາພວກປະທ້ວງກໍມີພວກສະໜັບສະໜູນດາຣາກິ
ລາ cricket ທີ່ກາຍມາເປັນນັກການເມືອງ ທ່ານ Imran Khan ແລະນັກບວດຕໍ່ຕ້ານລັດ
ຖະບານ Tahir ul-Qadri ທີ່ຮຽກຮ້ອງໃຫ້ ນາຍົກລັດຖະມົນຕີ Nawaz Sharif ລາອອກຈາກຕໍາ ແໜ່ງ. ແຕ່ລັດຖະບານໄດ້ປະຕິເສດ ກ່ຽວກັບຄວາມເປັນໄປໄດ້ ທີ່ທ່ານ Sharifຈະລາອອກ.
ພວກປະທ້ວງຈາກທັງສອງກຸ່ມ ໄດ້ພາກັນໂຮມຊຸມນຸມຢູ່ທີ່ນະຄອນຫລວງເປັນເວລາຫຼາຍ ມື້ມາແລ້ວ.
ປາກິສຖານ ໄດ້ສົ່ງທະຫານ ຫລາຍຮ້ອຍຄົນ ແລະເຈົ້າໜ້າທີ່ ຮັກສາຄວາມປອດໄພຫຼາຍ
ເຖິງ 30,000 ຄົນໄປຍັງບໍລິເວນດັ່ງກ່າວໃນຂະນະທີ່ພວກປະທ້ວງພາກັນເຄື່ອນໄຫວເຂົ້າ
ໄປໃກ້ໆໃນວັນອັງຄານວານນີ້.
