ເຈົ້າໜ້າທີ່ປາກິສຖານກ່າວວ່າ ມືປືນກຸ່ມນຶ່ງ ໄດ້ຈູດລົດບັນ ທຸກລຳລຽງສໍາພາລະ ຂອງອົງການເນໂຕ້ ຢ່າງນ້ອຍ 20 ຄັນ ໃກ້ໆຊາຍແດນທີ່ຕິດກັບອັຟການິສຖານ.
ຕຳຫຼວດກ່າວວ່າ ມີຜູ້ນຶ່ງເສຍຊີວິດ ໃນການໂຈມຕີໃນວັນ ພຸດມື້ນີ້.
ໃນຮອບສັບປະດາຜ່ານມານີ້ ໄດ້ມີການໂຈມຕີເປັນລຳດັບ ມາທີ່ແນເປົ້າໝາຍໃສ່ລົດບັນທຸກລຳລຽງປັດໄຈ ໄປໃຫ້ ກຳລັງນາໆຊາດ ທີ່ພວມສູ້ລົບກັບພວກກະບົດທາລີບານ ຢູ່ໃນອັຟການິສຖານ. ພວກທາລີບານໄດ້ອ້າງເອົາຄວາມ ຮັບຜິດຊອບ ໃນການໂຈມຕີ 2 ຄັ້ງ.
ການໂຈມຕີເຫຼົ່ານີ້ໄດ້ເລີ້ມຂຶ້ນ ຫຼັງຈາກປາກິສຖານໄດ້ປິດ ດ່ານຂ້າມຊາຍແດນ Torkhum ໃນເຂດຊົນເຜົ່າ Khyber ລຸນຫຼັງການໂຈມຕີທາງອາກາດຂອງອົງການເນໂຕ້ ທີ່ທາງ ປາກິສຖານເວົ້າວ່າ ໄດ້ສັງຫານທະຫານຂອງຕົນ 3 ຄົນນັ້ນ.
ການໂຈມຕີ ໃນວັນພຸດມື້ນີ້ ມີຂຶ້ນໃກ້ໆເສັ້ນທາງລຳລຽງ ອີກສາຍນຶ່ງ.
