ລິ້ງ ສຳຫລັບເຂົ້າຫາ

ເຈົ້າໜ້າທີ່ປາກິສຖານກ່າວວ່າ ການໂຈມຕີດ້ວຍລູກສອນໄຟ ທີ່ສົງໄສວ່າ ເປັນຂອງສະຫະລັດ ໄດ້ສັງຫານພວກຫົວຮຸນ ແຮງ ຢ່າງນ້ອຍ 8 ຄົນ ຮວມທັງຊາວເຢຍຣະມັນ 5 ຄົນ ໃນເຂດຊົນເຜົ່າ ທາງພາກຕາເວັນຕົກສຽງເໜືອຂອງປາກິສ ຖານ.

ເຈົ້າໜ້າທີ່ກ່າວວ່າ ເຮືອບິນບໍ່ມີຄົນຂັບ ໄດ້ຍິງລູກສອນໄຟ 2 ລູກ ໂຈມຕີຕຶກຫຼັງນຶ່ງ ທີ່ເມືອງ Mir Ali ໃນເຂດ Waziristan ເໜືອ ໃນຕອນເດິກຂອງຄືນວັນຈັນວານນີ້.

ເຂດພາກຕາເວັນຕົກສຽງເໜືອຂອງປາກິສຖານ ໄດ້ຖືກລະ ບຸວ່າ ເປັນ​ແຫ​ລ່ງວາງແຜນຂອງກຸ່ມກໍ່ການຮ້າຍ ທີ່ເປັນ ເຄືອຂ່າຍຂອງກຸ່ມອາລກາຍດາ ​ເພື່ອ​ທໍາ​ການໂຈມຕີ ຢູ່ຫົວ ເມືອງສຳຄັນໆ ໃນປະເທດອັງກິດ ຝຣັ່ງ ແລະເຢຍຣະ ມັນ. ໃນວັນຈັນວານນີ້ ສະວີເດັນ ໄດ້ຮ່ວມສົມທົບ ກັບ ປະເທດຍີ່ປຸ່ນ ອັງກິດ ແລະສະຫະລັດ ​ໃນ​ການອອກຄຳ ເຕືອນຕໍ່ປະຊາຊົນຂອງຕົນ ກ່ຽວກັບການໂຈມຕີຂອງພວກກໍ່ການຮ້າຍ ທີ່ອາດມີຂຶ້ນໃນ ຢູໂຣບ.

XS
SM
MD
LG