ທ່ານ Pervez Musharraf ອະດີດປະທານາທິບໍດີປາກີສຖານ ໄດ້ກັບຕ່າວຄືນບ້ານເປັນເທື່ອທໍາອິດໃນໄລຍະຫຼາຍກວ່າ 4 ປີ ເພື່ອປະກອບ ສ່ວນ ໃນການເລືອກຕັ້ງສະພາແຫ່ງຊາດ ທີ່ຈະມີຂຶ້ນໃນໄວໆນີ້. ທ່ານມູສຊາຣັຟ ເດີນທາງໄປເຖິງ Karachi ໃນວັນອາທິດມື້ນີ້.
ກຸ່ມຕາລິບານປາກີສຖານ ໄດ້ສັນຍາໄວ້ວ່າ ຈະສັງຫານທ່ານ
ມູສຊາຣັຟ ຖ້າຫາກ ທ່ານກັບຄືນໄປປາກີສຖານ. ໃນຮູບວີດີໂອ
ທີ່ນໍາອອກເຜີຍແຜ່ເມື່ອວັນເສົາວານນີ້ ຜູ້ຕາງໜ້າກຸ່ມຕາລິບານ
ຄົນນຶ່ງເວົ້າວ່າ ໜ່ວຍກ້າຕາຍໜ່ວຍນຶ່ງ ກໍາລັງຕຽມການເພື່ອ
ຈະທໍາການລອບສັງຫານ ທ່ານມູສຊາຣັຟ ແລ້ວ.
ໃນເວລາທີ່ທ່ານດໍາລົງຕໍາແໜ່ງປະທານາທິບໍດີປາກີສຖານນັ້ນ ທ່ານມູສຊາຣັຟ ໄດ້ສ້າງ ຄວາມໂກດແຄ້ນແກ່ກຸ່ມຕາລິບານ ດ້ວຍການຮັກສາຄວາມສໍາພັນອັນໃກ້ຊິດກັບສະຫະລັດ
ແລະສະໜັບສະໜຸນຄວາມພະຍາຍາມຂອງສະຫະລັດ ເພື່ອຕໍ່ສູ້ກັບກຸ່ມກໍ່ການຮ້າຍ.
ທ່ານ ມູສຊາຣັຟ ກ່າວໃນວັນອາທິດມື້ນີ້ ກ່ອນເຮືອບິນຂອງທ່ານຈະໄປເຖິງ Karachi ວ່າ ທ່ານໄດ້ຮັບອະນຸຍາດໃຫ້ປະກັນຕົວ ເພື່ອບໍ່ໃຫ້ຖືກຈັບກຸມເວລາກັບຕ່າວຄືນບ້ານ. ທ່ານມູສຊາຣັຟ ປະເຊີນກັບການຖືກຈັບກຸມ ໃນຂໍ້ຫາວ່າ ມີສ່ວນພົວພັນກັບການລອບສັງຫານ ອະດີດນາຍົກລັດ ຖະມົນຕີປາກີສຖານ ທ່ານນາງ Benazir Bhutto ໃນປີ 2007.
ທ່ານ ມູສຊາຣັຟ ປະຕິເສດວ່າ ທ່ານບໍ່ໄດ້ມີສ່ວນພົວພັນໃດໆກັບແຜນການລອບສັງ
ຫານ ທ່ານນາງ Benazir Bhutto.
(ເບິ່ງວີດີໂອ)
ກຸ່ມຕາລິບານປາກີສຖານ ໄດ້ສັນຍາໄວ້ວ່າ ຈະສັງຫານທ່ານ
ມູສຊາຣັຟ ຖ້າຫາກ ທ່ານກັບຄືນໄປປາກີສຖານ. ໃນຮູບວີດີໂອ
ທີ່ນໍາອອກເຜີຍແຜ່ເມື່ອວັນເສົາວານນີ້ ຜູ້ຕາງໜ້າກຸ່ມຕາລິບານ
ຄົນນຶ່ງເວົ້າວ່າ ໜ່ວຍກ້າຕາຍໜ່ວຍນຶ່ງ ກໍາລັງຕຽມການເພື່ອ
ຈະທໍາການລອບສັງຫານ ທ່ານມູສຊາຣັຟ ແລ້ວ.
ໃນເວລາທີ່ທ່ານດໍາລົງຕໍາແໜ່ງປະທານາທິບໍດີປາກີສຖານນັ້ນ ທ່ານມູສຊາຣັຟ ໄດ້ສ້າງ ຄວາມໂກດແຄ້ນແກ່ກຸ່ມຕາລິບານ ດ້ວຍການຮັກສາຄວາມສໍາພັນອັນໃກ້ຊິດກັບສະຫະລັດ
ແລະສະໜັບສະໜຸນຄວາມພະຍາຍາມຂອງສະຫະລັດ ເພື່ອຕໍ່ສູ້ກັບກຸ່ມກໍ່ການຮ້າຍ.
ທ່ານ ມູສຊາຣັຟ ກ່າວໃນວັນອາທິດມື້ນີ້ ກ່ອນເຮືອບິນຂອງທ່ານຈະໄປເຖິງ Karachi ວ່າ ທ່ານໄດ້ຮັບອະນຸຍາດໃຫ້ປະກັນຕົວ ເພື່ອບໍ່ໃຫ້ຖືກຈັບກຸມເວລາກັບຕ່າວຄືນບ້ານ. ທ່ານມູສຊາຣັຟ ປະເຊີນກັບການຖືກຈັບກຸມ ໃນຂໍ້ຫາວ່າ ມີສ່ວນພົວພັນກັບການລອບສັງຫານ ອະດີດນາຍົກລັດ ຖະມົນຕີປາກີສຖານ ທ່ານນາງ Benazir Bhutto ໃນປີ 2007.
ທ່ານ ມູສຊາຣັຟ ປະຕິເສດວ່າ ທ່ານບໍ່ໄດ້ມີສ່ວນພົວພັນໃດໆກັບແຜນການລອບສັງ
ຫານ ທ່ານນາງ Benazir Bhutto.
(ເບິ່ງວີດີໂອ)
