ນາຍົກລັດຖະມົນຕີປາກິສຖານ ທ່ານ Nawaz Sharif ໄດ້ປະຕິ
ຍານຕົນວ່າ ຈະເພີ້ມທະວີການປະຕິບັດງານປາບປາມພວກກໍ່ການ
ຮ້າຍ ຫລັງຈາກການໂຈມຕີດ້ວຍລະເບີດສະລະຊີບທີ່ຮ້າຍແຮງ
ໃນວັນອາທິດຜ່ານມານີ້ ຢູ່ນະຄອນ Lahore ທາງພາກຕາເວັນ
ອອກຂອງປະເທດ ທີ່ແນເປົ້າໝາຍໃສ່ພວກທີ່ນັບຖືສາສະໜາຄຣິສ
ທີ່ມີຢ່າງນ້ອຍ 72 ຄົນເສຍຊີວິດ ຊຶ່ງຮວມມີ ພວກເດັກນ້ອຍ 30 ຄົນ
ແລະບາດເຈັບອີກ 300 ຄົນ ໃນສວນສາທາລະນະທີ່ແອ ອັດໄປ
ດ້ວຍຜູ້ຄົນແຫ່ງນຶ່ງ.
ທ່ານ Sharif ໄດ້ກ່າວໃນຄຳປາໄສ ທາງໂທລະພາບຕໍ່ປະເທດ
ຊາດ ໃນວັນຈັນວານນີ້ ວ່າ “ຂ້າພະເຈົ້າຮູ້ດີວ່າ ພວກກໍ່ການ
ຮ້າຍ ແມ່ນແນເປົ້າໝາຍໃສ່ສະຖານທີ່ບອບບາງເຊັ່ນສະ ຖານທີ່ແລະສວນສາທາລະນະ ຊຶ່ງໄດ້ສັງຫານປະຊາຊົນຜູ້ບໍລິສຸດ ທີ່ພວມສິ້ນຫວັງຍ້ອນກອງກຳລັງຮັກສາຄວາມປອດໄພ ໄດ້ກີດກັນພວກເຂົາເຈົ້າບໍ່ໃຫ້ມີບ່ອນລີ້ຊ່ອນ ສະຖານທີ່ຝຶກແອບຕ່າງໆແລະໂຄງລ່າງພື້ນຖານ.” ທ່ານຍັງໄດ້ປະຕິຍານຕົນວ່າ ເປົ້າໝາຍນັ້ນແມ່ນການກຳຈັດໃຫ້ສິ້ນຊາກ“ພວກກໍ່ການຮ້າຍເຫລົ່ານີ້” ແລະຈະບໍ່ຢັບຢັ້ງໃດໆຕໍ່ການໂຈມຕີນີ້.
ໂຄສົກຂອງກອງທັບ ໄດ້ກ່າວໃນວັນຈັນວານນີ້ວ່າ ໜ່ວຍຮັກສາຄວາມປອດໄພທັງຫຼາຍ ໄດ້ປະຕິບັດງານຫຼາຍໆຄັ້ງ ອີງຕາມຂໍ້ມູນແລະການຈັບກຸມໃນຂັ້ນຕົ້ນ “ພວກທີ່ຕ້ອງສົງໄສເປັນຜູ້ກໍ່ການຮ້າຍແລະພວກທີ່ອຳນວຍຄວາມສະດວກຫຼາຍຄົນ” ຈາກຂົງເຂດໃນເມືອງຫຼວງຂອງແຂວງ ແລະອີກ 2 ເມືອງ ຄືເມືອງ Multan ແລະ Faisalabad ຂອງເເຂວງ Punjap ຊຶ່ງເປັນແຂວງທີ່ມີພົນລະເມືອງຫຼາຍທີ່ສຸດຂອງປະເທດນັ້ນ. ທ່ານບໍ່ໄດ້ໃຫ້ລາຍລະອຽດເພີ້ມ ຕື່ມແຕ່ຢ່າງໃດ.
ໂຄສົກຂອງກຸ່ມ Jamaatul Ahrar ທີ່ແຍກຕົວເອງ ອອກຈາກກຸ່ມຕາລີບານປາກິສຖານ
ນັ້ນ ໄດ້ອອກມາອ້າງເອົາຄວາມຮັບຜິດຊອບໃນການໂຈມຕີຄັ້ງນີ້ ຊຶ່ງໄດ້ກ່າວວ່າ ເປັນການໂຈມຕີຕໍ່ຊາວຄຣິສ.
ນາຍົກລັດຖະມົນຕີ Sharif ໄດ້ໄປຢ້ຽມຢາມນະຄອນ Lahor ໃນຕອນເຊົ້າຂອງວັນຈັນ
ວານນີ້ບ່ອນທີ່ີທ່ານໄດ້ເປັນປະທານຂອງກອງປະຊຸມບັນດາເຈົ້າໜ້າທີ່ຂັ້ນສູງສຸດຝ່າຍພົນ
ລະເຮືອນແລະເຈົ້າໜ້າທີ່ຮັກສາຄວາມປອດໄພ. ນາຍົກລັດຖະມົນຕີຍັງໄດ້ໄປຢ້ຽມຢາມໂຮງພະຍາບານ ບ່ອນທີ່ພວກເຄາະຮ້າຍໄດ້ຮັກສາຕົວນັ້ນ.
ໃນເວລາຕໍ່ມາ ກະຊວງການຕ່າງປະເທດ ໄດ້ຖະແຫຼງວ່າ ທ່ານ Sharif ໄດ້ຍົກເລີກແຜນ ການເດີນທາງຂອງທ່ານ ໃນການມາຢ້ຽມຢາມນະຄອນຫຼວງວໍຊີງຕັນ ເພື່ອເຂົ້າຮ່ວມກອງປະ ຊຸມສຸດຍອດວ່າດ້ວຍຄວາມປອດໄພດ້ານນິວເຄລຍ ໃນສັບປະດານີ້ ຍ້ອນມີການໂຈມຕີທີ່ນະຄອນ Lahore ນັ້ນ.
Pakistan Mourns Easter Suicide Bombing Victims
ເຊີນຊົມ: ພາບວີດີໂອຈາກການໂຈມຕີໃນນະຄອນ Lahore
