ວັນເສົາມື້ນີ້ ເປັນວັນໄວ້ອາໄລແຫ່ງຊາດ ໃນປາກິສຖານ ຫຼັງຈາກ
ທີ່ເກີດອຸບັດເຫດເຮລິຄອບເຕີ້ລຳໜຶ່ງຕົກ ໃນວັນສຸກວານນີ້ ທີ່ເຮັດ
ໃຫ້ມີ 7 ຄົນ ເສຍຊີວິດ ລວມທັງ ເອກອັກຄະລັດຖະທູດ ຟີລິບປິນ
ແລະ ນໍເວ ປະຈຳປາກິສຖານ ແລະ ພັນລະຍາຂອງເອກອັກຄະ-
ລັດຖະທູດ ມາເລເຊຍ ກັບ ອິນໂດເນເຊຍ. ພະນັກງານຈຸບິນ 3 ຄົນ
ກໍເສຍຊີວິດ ເຊັ່ນກັນ.
ບັນດາເຈົ້າໜ້າທີ່ກ່າວວ່າ ເວລານີ້ ສົບຂອງພວກກ່ຽວ ໄດ້ຖືກນຳ
ໄປຍັງຄ້າຍທະຫານອາກາດ Nur Khan ໃນເມືອງ Rawalpindi ແລ້ວ.
ເຈົ້າໜ້າທີ່ກ່າວອີກວ່າ ມີຢ່າງນ້ອຍ 17 ຄົນຢູ່ໃນເຮລິຄອບເຕີ້ລຳນັ້ນ ທີ່ໄດ້ຕົກລົງ ຂະນະທີ່
ກຳລັງຈະລົງຈອດ ໃນວັນສຸກວານນີ້ ຢູ່ເຂດຮ່ອມພູ Naltar ທາງພາກເໜືອ ຂອງປາກິສຖານ.
ເຮືອບິນເຮລິຄອບເຕີ ຕົກ ຢູ່ປາກິສຖານ ທູດຟີລິບປິນ ກັບທູດນໍເວ ເສຍຊີວິດ
ໂຄສົກຂອງກອງທັບປາກິສຖານ ພົນຕີ Asim Bajwal ກ່າວຜ່ານທາງ Twitter ວ່າ ລວມຢູ່
ໃນຈຳນວນຜູ້ລອດຊີວິດ ມີເອກອັກຄະລັດຖະທູດ ຈາກ ໂປແລນ ແລະ ເນເທີແລນ.
ພວກ Taliban ໃນປາກິສຖານ ໄດ້ອ້າງເອົາຄວາມຮັບຜິດຊອບ ສຳຫລັບການຕົກລົງ ຂອງ
ເຮລິຄອບເຕີ້ລຳນີ້ ໂດຍກ່າວວ່າ ຕົນໄດ້ແນເປົ້າໝາຍໃສ່ ນາຍົກລັດຖະມົນຕີ Nawaz Sharif.
ແຕ່ ລັດຖະມົນຕີປ້ອງກັນປະເທດ ປາກິສຖານ ທ່ານ Khawaj Asif ກ່າວວ່າ ການຕົກລົງ
ຂອງເຮລິຄອບເຕີ້ນັ້ນ “ແທ້ໆແລ້ວ ແມ່ນເກີດຂຶ້ນ ຍ້ອນບັນຫາທາງເຕັກນິກ ແລະ ບໍ່
ແມ່ນເປັນຍ້ອນ ການກະທຳໃດໆ ຂອງພວກກໍ່ການຮ້າຍເລີຍ.”
