ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປາກິສຖານ ເປີດສາກ ໂຈມຕີ ທີ່ໝັ້ນຂອງ ກຸ່ມຕາລີບານ ໃນເຂດ Waziristan ເໜືອ (ວີດີໂອ)


ທະຫານປາກິສຖານ ກຳລັງເດີນທາງໄປ ໃນລົດຄັນນຶ່ງ ມຸ້ງໜ້າ ໄປສູ່ເຂດ Waziristan ເໜືອ ຈາກເມືອງ Bannu, ວັນທີ 19 ມິຖຸນາ 2014.
ທະຫານປາກິສຖານ ກຳລັງເດີນທາງໄປ ໃນລົດຄັນນຶ່ງ ມຸ້ງໜ້າ ໄປສູ່ເຂດ Waziristan ເໜືອ ຈາກເມືອງ Bannu, ວັນທີ 19 ມິຖຸນາ 2014.

ກອງທັບ​ປາ​ກິ​ສຖານ ກ່າວ​ວ່າ ຕົນໄດ້ເປີດ​ສາກ​ທຳ​ການ​ໂຈມ​ຕີ
ທາງ​ພາກ​ພື້ນ​ດິນ ຕໍ່​ທີ່​ໝັ້ນ​ແຫ່ງ​ຕ່າງໆ​ຂອງ​ກຸ່ມ​ຕາ​ລີ​ບານ ​ໃກ້ໆ
​ກັບ​ຊາຍ​ແດນ​ອັຟກາ​ນິສຖານ ຫຼັງ​ຈາກ​ທຳ​ການ​ອົບ​ພະຍົບ
ພວກ​ປະຊາຊົນ​ໃນ​ທ້ອງ​ຖິ່ນ​ ປະມານ​ເຄິ່ງລ້ານ​ຄົນ ​ອອກ​ຈາກ
​ເຂດ​ດັ່ງກ່າວ ​ແລະ​ທຳ​ການ​ໂຈມ​ຕີ​ທາງ​ອາກາດ​ມາ​ໄດ້ 2 ສັບ
ປະດາ​ແລ້ວ​ນັ້ນ.

ກອງທັບ​ກ່າວ​ໃນ​ວັນ​ຈັນ​ມື​ນີ້ ວ່າ ຕົນ​ໄດ້​ເລີ້ມ​ທຳ​ການ​ເຂົ້າ​ກວດ
​ຄົ້ນ​ໃນ​ບ້ານ​ເຮືອນ​ແຕ່​ລະ​ຫຼັງໆ​ໄປໃນ​ເມືອງ Miran Shah ທີ່
ໝັ້ນ​ໃຫຍ່​ໃນເຂດ Waziristan ເໜືອ ຂອງ​ພວກ​ກຸ່ມ​ຫົວ​ຮຸນ
​ແຮງ​ຕ່າງໆ ທີ່​ປະຕິບັດ​ ງານ​ຢູ່​ໃນ​ປາ​ກິ​ສຖານ ​ແລະ​ໃນ​ອັຟການິສຖານ. ກອງທັບກ່າວ​
ຕື່ມ​ວ່າ ພວກ​ຫົວ​ຮຸນ​ແຮງ​ປະມານ 15ຄົນ​ເສຍ​ຊີວິດ ​ໃນ​ການ​ບຸກ​ໂຈມ​ຕີທາງ​ພາກ​ພື້ນ​ດິນ​ ບັ້ນທຳ​ອິດ​ນັ້ນ.

ນັບ​ແຕ່​ການ​ໂຈມ​ຕີ​ທາງ​ອາກາດ ​ໄດ້​ເລີ້ມ​ຂຶ້ນ​ໃນ​ວັນ​ທີ 15 ມິຖຸນາ​ເປັນ​ຕົ້ນມາ ກອງທັບ​ກ່າວ​ວ່າ ພວກ​ຕົນ​ໄດ້​ສັງຫານ​ພວກ​ທີ່​ສົງ​ໄສ​ວ່າ​ເປັນ​ພວກ​ກໍ່​ການ​ຮ້າຍ ຈຳນວນ​ຫຼາຍ​ກວ່າ 330 ຄົນ​ແຕ່ການ​ເຄື່ອນ​ໄຫວ​ຂອງ​ກອງທັບ ​ໄດ້​ບັງຄັບ​ໃຫ້​ປະຊາຊົນ​ຈຳນວນ​ເກືອບ​ເຄິ່ງລ້ານ ຊຶ່ງ​ສ່ວນ​ຫຼາຍ​ເປັນ​ພວກ​ແມ່ຍິງ ​ແລະ​ເດັກນ້ອຍ ຕ້ອງ​ຫລົບໜີ​ໄປ​ອາ​ໄສ​ຢູ່​ບ່ອນປອດ​ໄພ.

ສະຫະລັດ ປະກາດ​ໃນ​ສັບປະດາ​ຜ່ານ​ມາ​ນີ້​ວ່າ ຕົນ​ໄດ້​ໃຫ້ການ​ຊ່ອຍ​ເຫຼືອ​ຕື່ມ​ອີກ 8 ລ້ານ​ດອນ​ລາ ​ເພື່ອ​ຊ່ອຍ​ລັດຖະບານ​ປາ​ກິ​ສຖານ ຮັບ​ມື​ກັບ​ຄວາມ​ຕ້ອງການດ້ານ​ເຂົ້າປາ​ອາ
ຫານ​ແລະ​ອາຫານ​ບຳລຸງ​ອື່ນໆຂອງ ​ພວກ​ອົບ​ພະຍົບພາຍ​ໃນ​ປະ​ເທດ​ນັ້ນ.

ພວກ​ປະ​ເທດ​ພັນທະ​ມິດ​ຂອງ​ປາ​ກິ​ສຖານ ​ໂດຍ​ສະ​ເພາະ​ສະຫະລັດ ​ໄດ້​ຮຽກຮ້ອງໄປຍັງ​ລັດຖະບານປາ​ກິ​ສຖານ ​ມາໄດ້​ຫຼາຍ​ປີແລ້ວ​ ເພື່ອໃຫ້ກຳຈັດ​ພວກ​ທີ່​ໝັ້ນ​ແຫ່ງ​ຕ່າງໆ​ຂອງ​ກຸ່ມ​ຕາ​ລີ​ບານ ​ໃນ​ເຂດ Waziristan ​ເໜືອ​ນັ້ນ.

pakistanwaziristan30june14
please wait

No media source currently available

0:00 0:00:43 0:00

XS
SM
MD
LG