ລິ້ງ ສຳຫລັບເຂົ້າຫາ

ປາກີສຖານສືບຫາຮ່ອງຮອຍ ຂອງຄົນອະເມຣິກັນ ທີ່ຖືກລັກພາໂຕໄປ

  • ສິງ ບູຣົມມະວົງ

ສື່ມວນຊົນປາກີສຖານຕິດຕາມນາຍຕໍາຫລວດຂັ້ນສູງທ່ານນຶ່ງຢູ່ ນອກເຮືອນຄົນອະເມຣິກັນ ທີ່ຖືກລັກພາໂຕໃນເມືອງ Lahore, ປ່າກີສຖານ ວັນທີ 13 ສິງຫາ 2011



















ໃນ​ວັນ​ອາທິດ​ມື້​ນີ້ ຕໍາຫລວດ​ປາ​ກີ​ສຖານ​ສືບ​ຕໍ່​ຊອກ​ຫາ​ຮ່ອງຮອຍ​ຂອງຄົນ​ອະ​ເມ​ຣິ​ກັນ​ຄົນ​ນຶ່ງ
ທີ່​ຖືກ​ພວກ​ຄົນ​ຮ້າຍ​ລັກພາ​ໂຕ​ໄປ​ໃນ​ວັນເສົາ​ວານ​ນີ້​ ​ໂດຍການ​ເອົາ​ປືນ​ຈີ້ຜູ້ກ່ຽວອອກໄປຈາກ
​ບ້ານ​ພັກ​ໃນ​ເມືອງ Lahore ​ໃນ​ພາກ​ຕາ​ເວັນ​ອອກ​ຂອງ​ປາ​ກີ​ສຖານ​ນັ້ນ.

ພວກ​ເຈົ້າ​ໜ້າ​ທີ່​ຕໍາຫລວດ​ກ່າວ​ວ່າ ​ເວລາ​ນີ້​ພວກ​ຄົນ​ຍາມ​ບ້ານ​ພັກ​ຂອງຜູ້​ທີ່​ໄດ້ຮັບ​ເຄາະ​ຮ້າຍ
ກໍາລັງ​ຖືກ​ສອບ​ປາກ​ຄໍາ​ຢູ່. ສະຖານທູດ​ສະຫະລັດ​ໄດ້​ບອກ​ຊື່​ຄົນ​ອະ​ເມ​ຣິກັນ​ຄົນ​ນີ້ ຊື່ War-
ren Weinstein ຊຶ່ງຢູ່​ໃນ​ໄວ 60 ປີ ແລະເປັນຜູ້ອໍານວຍການປະຈໍາປາກີສຖານ ຂອງບໍລິ
ສັດທີ່ປຶກສາດ້ານການພັດທະນາ J.E. Austin Associates ທີ່ມີຫ້ອງການຕັ້ງຢູ່ໃນສະ
ຫະລັດ.

ຍັງບໍ່ທັນມີໃຜກ່າວອ້າງເອົາຄວາມຮັບຜິດຊອບໃນການລັກພາໂຕຄັ້ງນີ້ເທື່ອ.

ຕໍາຫລວດປາກີສຖານກ່າວວ່າ ພວກຄົນຮ້າຍໄດ້​ເກ້​ຍກ່ອມໃຫ້ຄົນຍາມ ປະຕູບ້ານພັກຂອງ
ທ່ານ Weinstein ໄຂປະຕູບ້ານ ໃນເວລາເຊົ້າມືດ ໂດຍສະເໜີໃຫ້ເຂົ້າປາອາຫານແກ່ພວກ
ເຂົາເຈົ້າ ຊຶ່ງການສະແດງຄວາມໃຈກວ້າງ​ແບບ​ນີ້ເປັນຂອງທໍາມະດາໃນເດືອນຖືສີນຂອງຊາວ
ມຸສລິມ ຫລື Ramadan ຊຶ່ງເປັນຊ່ວງເວລາທີ່ຜູ້ຄົນພາກັນອົດອາຫານ​ບໍ່​ກິນເຂົ້າໃນຍາມ
ກາງ​ເວັນນັ້ນ.

ຫລັງຈາກນັ້ນ ພວກຄົນຮ້າຍກໍບັງຄັບໃຫ້ຄົນຂັບລົດຂອງທ່ານ Weinstein ​ໄປເຄາະປະຕູ
ຫ້ອງນອນຂອງທ່ານ ແລ້ວກໍລັກພາໂຕທ່ານໄປເວລາທ່ານ Weinstein ໄຂປະຕູອອກມາ.

ການລັກຈັບໂຕຜູ້ຄົນ​ໄປເພື່ອ​ຮຽກເອົາຄ່າໄຖ່ເປັນ​ເລື້ອງ​ປົກກະຕິໃນປາກີສຖານ ແຕ່ຕາມ
ທໍາມະດາ​ແລ້ວ ພວກຊາວຕ່າງດ້າວບໍ່ຄ່ອຍ​ໄດ້​ຕົກເປັນເປົ້າໝາຍ.

XS
SM
MD
LG