ຕໍາຫລວດປາກີສຖານກ່າວວ່າ ຢ່າງໜ້ອຍພວກຄົນຮ້າຍຜູ້ຊາຍ 8 ຄົນທີ່ປະກອບອາວຸດ
ໄດ້ລັກພາໂຕຄົນອາເມລຣິກັນຄົນນຶ່ງຈາກບ້ານພັກຂອງຜູ້ກ່ຽວ ໃນເມືອງ Lahore ໃນ
ພາກຕາເວັນອອກຂອງປາກີສຖານ.
ຕໍາຫລວດປາກີສຖານກ່າວວ່າ ພວກບຸກໂຈມຕີເຫລົ່ານີ້ໄດ້ມີອາວຸດເໜືອກວ່າພວກຄົນ
ຍາມແລະໄດ້ລັກພາໂຕຄົນອາເມລິກັນຄົນນີ້ໄປໃນເຊົ້າວັນເສົາມື້ນີ້ ທີ່ຕໍາຫລວດເວົ້າວ່າ
ຊາຍອາເມຣິກັນຄົນນີ້ມີອາຍຸຢູ່ໃນໄວ 60 ປີແລະເຮັດວຽກໃຫ້ບໍລິສັດເອກະຊົນແຫ່ງນຶ່ງ.
ບັນດາເຈົ້າໜ້າທີ່ສະຖານທູດສະຫະລັດໄດ້ຢືນຢັນການລັກພາໂຕຄົນຕ່າງປະເທດນີ້ວ່າ
ເປັນສັນຊາດອາເມຣິກັນ.
ຍັງບໍ່ມີຜູ້ໃດອ້າງເອົາຄວາມຮັບຜິດຊອບໃນການລັກພາໂຕຜູ້ຄົນຄັ້ງນີ້ເທື່ອ.
ການລັກພາໂຕຜູ້ຄົນເພື່ອຮຽກເອົາຄ່າໄຖ່ເປັນຂອງທໍາມະດາສາມັນໃນປາກີສຖານ ແຕ່
ຕາມທໍາມະດານັ້ນ ພວກຄົນຕ່າງປະເທດບໍ່ໄດ້ຕົກເປັນເປົ້າໝາຍ. ພວກນັກຕໍ່ສູ້ຫົວຮຸນ
ແຮງກຸ່ມຕາລີບັນປາກີສຖານກ່າວວ່າ ພວກເຂົ້າໄດ້ລັກພາໂຕຜົວເມັຍຄູ່ນຶ່ງມາຈາກປະເທດ
Switzerland ໃນຕົ້ນປີນີ້ ໃນພາກຕາເວັນຕົກສຽງໃຕ້ຂອງປາກີສຖານ.
ຄວາມຮູ້ສຶກຕໍ່ຕ້ານສະຫະລັດແມ່ນຢູ່ໃນລະດັບສູງໃນປາກີສຖານ. ຄວາມເຄັ່ງຕຶງໄດ້ເພີ່ມຂຶ້ນ
ລະຫວ່າງລັດຖະບານກຸງອີສລາມາບັດແລະກຸງວໍຊິງຕັນ ຫລັງຈາກການສັງຫານນາຍໂອຊາ
ມາ ບິນລາເດັນ ຜູ້ນໍາເຄືອຂ່າຍ al-Qaida ໃນການບຸກໂຈມຕີຂອງກໍາລັງສະຫະລັດໃນວັນທີ 2 ພຶດສະພາຜ່ານມານັ້ນ.
