ປາກີສຖານແລະອິນເດຍໄດ້ກ່າວຫາ ກັນແລະກັນວ່າ ເປັນຜູ້ລິເລີ່ມກໍ່ເຫດການນອງເລືອດເມື່ອວັນອາທິດມື້ນີ້ ຢູ່ໃນເຂດຊາຍແດນແຄວ້ນ Kashmir ທີ່ເປັນຂໍ້ຂັດແຍ້ງກັນ ຕະຫຼອດມານັ້ນ.
ກອງທັບປາກີສຖານເວົ້າວ່າ ກໍາລັງທະຫານຈາກອິນເດຍໄດ້ບຸກລຸກຄ້າຍທະຫານແຫ່ງນຶ່ງຂອງປາກີສຖານ ຢູ່ເຂດຊາຍແດນແຄວ້ນແຄສເມຍ ແລະໄດ້ສັງຫານທະຫານປາກີສຖານຄົນນຶ່ງ ແລະອີກຄົນນຶ່ງບາດເຈັບສາຫັດ ແລະປາກີສຖານເວົ້າວ່າ ຝ່າຍຕົນໄດ້ຍິງຕອບຄືນ.
ທາງການອິນເດຍປະຕິເສດວ່າ ກໍາລັງຂອງຕົນບໍ່ໄດ້ລ່ວງລໍ້າຂ້າມຊາຍແດນເຂດດັ່ງກ່າວ ແລະກ່າວຫາປາກີສຖານວ່າ ເປັນຜູ້ເລີ່ມຍິງປືນຄົກ ລູກນຶ່ງໃສ່ໝູ່ບ້ານອິນເດຍແຫ່ງນຶ່ງ. ອິນເດຍເວົ້າວ່າ ທະຫານຂອງຕົນກໍຍິງ ຕອບໂຕ້ດ້ວຍປືນນ້ອຍ.
ທັງສອງຝ່າຍເຫັນພ້ອມນໍາກັນ ແຕ່ພຽງວ່າ ພວກຕົນໄດ້ຍິງໃສ່ກັນແລະ ກັນຊົ່ວໄລຍະນຶ່ງ ຂ້າມເສັ້ນທີ່ເອີ້ນວ່າ ເສ້ນຄວບຄຸມ ທີ່ແບ່ງແຍກຊາຍແດນລະຫວ່າງສອງປະເທດ ໃນ ແຄວ້ນແຄສເມຍທີ່ເປັນຂໍ້ຂັດແຍ້ງກັນມາຕະຫຼອດນັ້ນ. ແຄວ້ນແຄສເມຍໄດ້ເປັນຈຸດບ່ອນເກີດຄວາມຮຸນແຮງ ມາໄດ້ຫຼາຍສິບປີ ລະຫວ່າງສອງປະເທດເພື່ອນບ້ານນີ້. ສັນຍາຢຸດຍິງສະບັບ ນຶ່ງ ທີ່ເຊັນກັນເມື່ອປີ 2003 ນັ້ນ ໄດ້ຮັບການປະຕິບັດຕາມໂດຍສ່ວນໃຫຍ່ມາຕະຫຼອດ ໂດຍມີການປະທະກັນເລັກໆນ້ອຍໆເປັນບາງຄັ້ງບາງຄາວ ທີ່ທັງສອງຝ່າຍຕ່າງກໍຖິ້ມໂທດໃສ່ກັນແລະກັນ.
ແຄວ້ນແຄສເມຍ ຖືກອ້າງເອົາເປັນກໍາມະສິດໂດຍເຕັມໂດຍທັງອິນເດຍແລະປາກີສຖານ. ນັບຕັ້ງແຕ່ປີ 1989 ເປັນຕົ້ນມາ ກຸ່ມແບ່ງແຍກດິນ ແດນມຸສລິມຫຼາຍກຸ່ມໄດ້ທໍາການສູ້ລົບ ກັນ ເພື່ອໃຫ້ແຄວ້ນແຄສເມຍໄດ້ຮັບ ເອກະລາດຈາກອິນເດຍ ທີ່ມີພວກສາສະໜາຮິນດູເປັນສ່ວນໃຫຍ່ ຫຼືບໍ່ກໍໃຫ້ເຂົ້າຮ່ວມກັນປາກີສຖານ ທີ່ມີປະຊາກອນເປັນຊາວມຸສລິມເປັນສ່ວນໃຫຍ່ນັ້ນ.
ສອງປະເທດເພື່ອນບ້ານທີ່ມີອາວຸດນີວເຄຼຍນີ້ ໄດ້ທໍາສົງຄາມກັນມາສອງ ຄັ້ງ ຍ້ອນດິນແດນໃນເຂດພູເຂົາຫິມາໄລແຫ່ງນີ້ ນັບຕັ້ງແຕ່ໄດ້ຮັບເອກກະລາດຈາກອັງກິດໃນປີ 1947 ເປັນຕົ້ນມາ.
ກອງທັບປາກີສຖານເວົ້າວ່າ ກໍາລັງທະຫານຈາກອິນເດຍໄດ້ບຸກລຸກຄ້າຍທະຫານແຫ່ງນຶ່ງຂອງປາກີສຖານ ຢູ່ເຂດຊາຍແດນແຄວ້ນແຄສເມຍ ແລະໄດ້ສັງຫານທະຫານປາກີສຖານຄົນນຶ່ງ ແລະອີກຄົນນຶ່ງບາດເຈັບສາຫັດ ແລະປາກີສຖານເວົ້າວ່າ ຝ່າຍຕົນໄດ້ຍິງຕອບຄືນ.
ທາງການອິນເດຍປະຕິເສດວ່າ ກໍາລັງຂອງຕົນບໍ່ໄດ້ລ່ວງລໍ້າຂ້າມຊາຍແດນເຂດດັ່ງກ່າວ ແລະກ່າວຫາປາກີສຖານວ່າ ເປັນຜູ້ເລີ່ມຍິງປືນຄົກ ລູກນຶ່ງໃສ່ໝູ່ບ້ານອິນເດຍແຫ່ງນຶ່ງ. ອິນເດຍເວົ້າວ່າ ທະຫານຂອງຕົນກໍຍິງ ຕອບໂຕ້ດ້ວຍປືນນ້ອຍ.
ທັງສອງຝ່າຍເຫັນພ້ອມນໍາກັນ ແຕ່ພຽງວ່າ ພວກຕົນໄດ້ຍິງໃສ່ກັນແລະ ກັນຊົ່ວໄລຍະນຶ່ງ ຂ້າມເສັ້ນທີ່ເອີ້ນວ່າ ເສ້ນຄວບຄຸມ ທີ່ແບ່ງແຍກຊາຍແດນລະຫວ່າງສອງປະເທດ ໃນ ແຄວ້ນແຄສເມຍທີ່ເປັນຂໍ້ຂັດແຍ້ງກັນມາຕະຫຼອດນັ້ນ. ແຄວ້ນແຄສເມຍໄດ້ເປັນຈຸດບ່ອນເກີດຄວາມຮຸນແຮງ ມາໄດ້ຫຼາຍສິບປີ ລະຫວ່າງສອງປະເທດເພື່ອນບ້ານນີ້. ສັນຍາຢຸດຍິງສະບັບ ນຶ່ງ ທີ່ເຊັນກັນເມື່ອປີ 2003 ນັ້ນ ໄດ້ຮັບການປະຕິບັດຕາມໂດຍສ່ວນໃຫຍ່ມາຕະຫຼອດ ໂດຍມີການປະທະກັນເລັກໆນ້ອຍໆເປັນບາງຄັ້ງບາງຄາວ ທີ່ທັງສອງຝ່າຍຕ່າງກໍຖິ້ມໂທດໃສ່ກັນແລະກັນ.
ແຄວ້ນແຄສເມຍ ຖືກອ້າງເອົາເປັນກໍາມະສິດໂດຍເຕັມໂດຍທັງອິນເດຍແລະປາກີສຖານ. ນັບຕັ້ງແຕ່ປີ 1989 ເປັນຕົ້ນມາ ກຸ່ມແບ່ງແຍກດິນ ແດນມຸສລິມຫຼາຍກຸ່ມໄດ້ທໍາການສູ້ລົບ ກັນ ເພື່ອໃຫ້ແຄວ້ນແຄສເມຍໄດ້ຮັບ ເອກະລາດຈາກອິນເດຍ ທີ່ມີພວກສາສະໜາຮິນດູເປັນສ່ວນໃຫຍ່ ຫຼືບໍ່ກໍໃຫ້ເຂົ້າຮ່ວມກັນປາກີສຖານ ທີ່ມີປະຊາກອນເປັນຊາວມຸສລິມເປັນສ່ວນໃຫຍ່ນັ້ນ.
ສອງປະເທດເພື່ອນບ້ານທີ່ມີອາວຸດນີວເຄຼຍນີ້ ໄດ້ທໍາສົງຄາມກັນມາສອງ ຄັ້ງ ຍ້ອນດິນແດນໃນເຂດພູເຂົາຫິມາໄລແຫ່ງນີ້ ນັບຕັ້ງແຕ່ໄດ້ຮັບເອກກະລາດຈາກອັງກິດໃນປີ 1947 ເປັນຕົ້ນມາ.
