ນາຍົກລັດຖະມົນຕີປາກິສຖານ ທ່ານ Yousuf Raza Gilani ໄດ້ຮຽກຮ້ອງປະຊາຊົນປາ
ກິສຖານໃຫ້ປຸ້ມລຸມກັນ ຊ່ອຍປະເທດຟື້ນຟູຈາກຝົນຕົກໜັກໃນລະດູມອນສູນ ທີ່ໄດ້ເອົາຊີ
ວິດປະຊາຊົນໄປແລ້ວຫລາຍກວ່າ 140 ຄົນແລະນໍ້າຖ້ວມເນື້ອທີ່ ປະມານ 1 ລ້ານ 6
ແສນເຮັກຕາ ໃນຫລາຍເຂດທາງພາກໃຕ້ຂອງປະເທດ.
ທ່ານ Gilani ໄດ້ທໍາການຮຽກຮ້ອງດັ່ງກ່າວ ທາງໂທລະພາບໃນແລງວັນເສົາວານນີ້ ຫລັງ
ຈາກຝົນໄດ້ກະໜໍ່າລົງຢ່າງໜັກໃນເມືອງກາຣາຈີ ເມືອງໃຫຍ່ທີ່ສຸດຂອງປະເທດ ເຮັດໃຫ້
ການສັນຈອນໄປມາຕິດຂັດແລະ ປະຊາຊົນໄດ້ຮັບບາດເຈັບຕ້ອງໄປປິ່ນປົວຢູ່ໂຮງໝໍ. ທ່ານ
Gilani ກ່າວວ່າ ລັດຖະບານຫວັງວ່າ ຈະຈັດຕັ້ງງົບປະມານຈໍານວນຫລາຍກວ່າ 80 ລ້ານ
ໂດລາໄວ້ຕ່າງຫາກ ເພື່ອໄປຊ່ອຍປະຊາຊົນໃນຂົງເຂດທີ່ຖືກກະທົບຢ່າງໜັກຈາກໄພນໍ້າ
ຖ້ວມ ເພື່ອສ້າງສາປະເທດຄືນໃໝ່ນັ້ນ ແຕ່ທ່ານກໍໄດ້ຮຽກຮ້ອງຂໍການຊ່ອຍເຫລືອຈາກ
ນາໆຊາດເຊ່ນກັນ.
ແຂວງ Sindh ເປັນແຂວງທີ່ໄດ້ຮັບຄວາມເສຍຫາຍໜັກກວ່າໝູ່. ລັດຖະບານປາກິສຖານ
ກ່າວວ່າ 22 ໃນຈໍານວນ 23 ຫົວເມືອງໃນແຂວງ Sindh ແລະບາງພາກສ່ວນຂອງ
ແຂວງ Baluchistan ທີ່ຢູ່ຕິດກັນນັ້ນ ແມ່ນຖືກນໍ້າຖ້ວມ.
ລາຍງານຂ່າວບັ້ນຫລ້າສຸດສະແດງວ່າ ປະຊາຊົນປະມານ 2 ແສນຄົນຕ້ອງການຄວາມ
ຊ່ອຍເຫລືອດ້ານມະນຸດສະທໍາໂດຍທັນທີ.
ສະຫະປະຊາຊາດກ່າວວ່າ ເຖິງແມ່ນລັດຖະບານໄດ້ທໍາການຮັບມືກັບໄພນໍ້າຖ້ວມຢ່າງທັນ
ທີກໍຕາມ ແຕ່ກໍຍັງຕ້ອງການຄວາມຊ່ອຍເຫລືອຢ່າງຫລວງຫລາຍຢູ່. ຖະແຫລງຂ່າວສະ
ບັບນຶ່ງຂອງສະຫະປະຊາຊາດ ໃນວັນເສົາວານນີ້ເວົ້າວ່າ ທາງອົງການສະຫະປະຊາຊາດ
ກໍໄດ້ທໍາການຕອບສະໜອງໃຫ້ການຊ່ອຍເຫລືອດ້ານມະນຸດສະທໍາຢ່າງຮີບດ່ວນຕໍ່ໄພຫາ
ຍະນະຄັ້ງນີ້ ຕາມຄໍາຮ້ອງຂໍຈາກລັດຖະບານກຸງອິສລາມາບັດ.
