ເຈົ້າໜ້ທີ່ປາກິສຖານກ່າວ ໃນວັນພຸດວານນີ້ວ່າ ແມ່ຍິງອັຟການິສຖານຄົນນຶ່ງ ທີ່ມີຊື່ສຽງຍ້ອນເຄີຍເປັນປົກໃຫ້ໜ້າວາລະສານ National Geographic ໄດ້ຖືກເນລະເທດໄປ
ຍັງປະເທດຂອງນາງ.
ແມ່ຍິງອັຟການິສຖານ ທີ່ມີຕາສີຂຽວ ຊື່ນາງ Shartat Gulla ຊຶ່ງໄດ້ກາຍເປັນ ສັນຍາລັກ ໃນການເຮັດສົງຄາມ ໂດຍປະເທດຂອງນາງ ຍ້ອນໄດ້ເປັນໜ້າປົກ ໃນປີ 1985 ນັ້ນ ຖືກພົບເຫັນວ່າ ມີຄວາມຜິດ ໃນຂໍ້ຫາໃຊ້ເອກກະສານປະຈຳຕົວປອມ.
ເຈົ້າໜ້າທີ່ກ່າວວ່າ ນາງແລະລູກ 4 ຄົນໄດ້ຖືກສົ່ງຂ້າມຊາຍແດນ ໃນເວລາປະມານ 2 ໂມງເຄິ່ງຕອນເຊົ້າ ຫລັງຈາກອອກໂຮງໝໍແລ້ວ ບ່ອນທີ່ນາງໄດ້ຮັບການປິ່ນປົວຍ້ອນເປັນໂຣກ ຕັບ Heppatitis C.
ທ່ານ Fayaz Khan ເຈົ້າໜ້າທີ່ລັດຖະບານທ້ອງຖິ່ນກ່າວວ່າ ນາງ Gulla ໄດ້ ສະແດງຄວາມບໍ່ພໍໃຈ ແລະກ່າວຕື່ມວ່າ ນາງໄດ້ຫລຽວກັບຄືນໄປ ປາກິສຖານ ແລະຫວັງວ່າປະຊາຊົນທີ່ອາໄສຢູ່ໃນປາກິສຖານ ຈະມີແຕ່ຄວາມໂຊກດີ.
ນາງກ່າວຕໍ່ອົງການຂ່າວ AFP ໃນອາທິດແລ້ວນີ້ວ່າ ອັຟການິສຖານເປັນພຽງ ແຕ່ບ່ອນເກີດຂອງຂ້ອຍ ແຕ່ປາກິສຖານແມ່ນເປັນທີ່ຢູ່ຂອງຂ້ອຍ ແລະຂ້ອຍຖືສະເໝີວ່າມັນເປັນ
ປະເທດຂອງຂ້ອຍ ແລະນາງາກ່າວຕື່ມວ່າ ນາງຮູ້ສຶກເສຍໃຈ ກ່ຽວກັບການຕັດສິນຂອງສານ.
ປະທານາທິບໍດີອັຟການິສຖານ ທ່ານ Ashraf Ghani ໄດ້ສະແດງຄວາມຍິນດີ ກັບແມ່ຍິງຄົນນີ້ ແລະກ່າວວ່າ ລັດຖະບານຈະມອບຫ້ອງແຖວໃຫ້ແກ່ນາງ Gulla ເພື່ອຮັບປະກັນວ່າ ນາງຈະດຳລົງຊີວິດ ແບບມີກຽດສັກສີ ແລະດ້ວຍຄວາມປອດໄພ ທີ່ບ້ານເກີດເມືອງນອນ ຂອງນາງ.
