ທ່ານ Yousuf Raza Gilani ນາຍົກລັດຖະມົນຕີປາກີສຖານກ່າວວ່າ ປະເທດຂອງທ່ານ
ເບິ່ງຄືວ່າຈະສືບຕໍ່ ກັກລົດລໍາລຽງຂອງເນໂຕ້ບໍ່ໃຫ້ເຂົ້າໄປຍັງອັຟການີສຖານເປັນເວລາອີກ
ຫລາຍອາທິດຕໍ່ໜ້ານີ້.
ໃນການໃຫ້ສໍາພາດຂ່າວ BBC ນັ້ນ ທ່ານກິລານີ ຍັງບໍ່ຕັດສິນທີ່ຈະປິດເຂດນ່ານຟ້າຂອງ
ປາກີສຖານແກ່ສະຫະລັດເທື່ອ.
ເສັ້ນທາງລໍາລຽງສຳພາລະຕ່າງໆ ຖືກປິດລົງລຸນຫລັງຈາກເຫດການໂຈມຕີທາງອາກາດຂອງ
ກຸ່ມເນໂຕ້ເມື່ອວັນທີ່ 26 ເດືອນພະຈິກຜ່ານມາໃນປາກີສຖານ ທີ່ໄດ້ສັງຫານທະຫານປາ
ກີສຖານ 24 ຄົນໄປນັ້ນ.
ນາຍົກລັດຖະມົນຕີ ກິລານີ ກ່າວວ່າ ມັນມີ ຊ່ອງວ່າງທີ່ໜ້າເຊື່ອຖືຢູ່ລະຫວ່າງສະຫະລັດແລະ
ປາກີສຖານ ຊຶ່ງທ່ານກ່າວອີກວ່າ ປະເທດທັງສອງ ແມ່ນຈະຕ້ອງປັບປຸງຄວາມສໍາພັນໃຫ້ດີ
ຂຶ້ນ ແລະມີຄວາມໝັ້ນໃຈຕໍ່ກັນແລະ ກັນຫລາຍຂຶ້ນ.
ນອກນີ້ແລ້ວ ນາຍົກລັດຖະມົນຕີປາກິສຖານ ຍັງໄດ້ປະຕິເສດຕໍ່ຄໍາອ້າງທີ່ວ່າ ລັດຖະບານໄດ້
ພົວພັນໃນການເຈລະຈາສັນຕິພາບ ກັບກຸ່ມຕາລິບານທີ່ຢູ່ພາຍໃນປະເທດ ແຕ່ກໍເວົ້າຕື່ມວ່າ
ຜູ້ໃດກໍຕາມທີ່ປະນາມການກໍ່ຄວາມຮຸນແຮງນັ້ນ ສະຫະລັດຍອມຮັບໄດ້.
ທ່ານ Rehman Malik ລັດຖະມົນຕີກະຊວງພາຍໃນປາກີສຖານກ່າວວ່າ ລັດຖະບານຂອງ
ຕົນອາດພິດຈາລະນາ ເອົາທາງເລືອກເພື່ອເປີດການເຈ ລະຈາສັນຕິພາບກັບກຸ່ມຫົວຮຸນ
ແຮງ ໂດຍໃຫ້ພວກເຂົາເຈົ້າພາກັນລົງມາຈາກຄ້າຍປະຕິບັດການຂອງພວກເຂົາເຈົ້າຢູ່ເທິງພູ
ປະນາມການກໍ່ຄວາມຮຸນແຮງ ແລະຍອມວາງອາວຸດ ອີງຕາມປະເພນີຂອງພວກຊົນເຜົ່າ.
