ພວກເຈົ້າໜ້າທີ່ປາກີສຖານກ່າວວ່າ ໄດ້ເກີດເຫດ ແກສ Methane ລະເບີດຫລາຍໆຄັ້ງຢູ່ໃນບໍ່ຖ່ານຫິນແຫ່ງນຶ່ງ ໃນເຂດຕາເວັນຕົກສຽງໃຕ້ຂອງປາກີສຖານ ເຮັດໃຫ້ມີຄົນງານບໍ່ຕິດຄ້າງຢູ່ຢ່າງນ້ອຍ 30 ຄົນ.
ພວກເຈົ້າໜ້າທີ່ກ່ຽວຂ້ອງກ່າວວ່າ ເຫດລະເບີດໄດ້ເກີດຂຶ້ນ
ໃນວັນອາທິດມື້ນີ້ ທີ່ບໍ່ຖ່ານຫິນແຫ່ງນຶ່ງ ທີ່ເປັນຂອງບໍລິສັດ
ພັດທະນາແຮ່ທາດປາກີສຖານຂອງລັດຖະບານ.
ບໍ່ຖ່ານຫິນທີ່ວ່ານີ້ ຕັ້ງຢູ່ໃນເຂດແຂວງ Baluchistan ຫ່າງ
ຈາກເມືອງຫລວງ Quetta ຂອງແຂວງ ອອກໄປ 35 ຫລັກກິໂລແມດ.
ການປະຕິບັດງານກູ້ໄພກໍາລັງດໍາເນີນໄປຢູ່.