ນຍ ຈີນຢ້ຽມຢາມປາກິສຖານ

ນາຍົກລັດຖະມົນຕີຈີນ ທ່ານ Wen Jiabao ພວມຢູ່ໃນ
ລະຫວ່າງການຢ້ຽມຢາມປາກິສຖານໃນວັນສຸກມື້ນີ້ ທີ່ແນ
ໃສ່ເພື່ອເສີມຂະຫຍາຍການຄ້າແລະເນັ້ນໃຫ້ເຫັນເຖິງການ
ມີຄວາມສຳພັນອັນໃກ້ຊິດ ຂອງຈີນກັບປາກິສຖານ.

ຈີນ ແລະປາກິສຖານ ມີແຜນການທີ່ຈະລົງນາມໃນຂໍ້ຕົກ
ລົງທຸລະກິດໃນມູນຄ່າ 20 ພັນລ້ານໂດລາໃນລະຫວ່າງ
ການຢ້ຽມຢາມ ເປັນເວລາ 3 ມື້ຂອງທ່ານ Wen. ນອກ
ນັ້ນແລ້ວ ທ່ານຍັງຈະໄດ້ພົບປະກັບນາຍົກລັດຖະມົນຕີປາ
ກິສຖານ ທ່ານ Yousuf Raza Gilani.

ຈີນມີຄວາມສຳພັນທີ່ດີກັບປາກິສຖານ ແລະເປັນທີ່ຄາດກັນວ່າ ທ່ານ Wen ຈະໄດ້ຮັບການ
ຕ້ອນຮັບຢ່າງອົບອຸ່ນ ທີ່ນະຄອນຫຼວງອິສລາມາບັດ.

ໃນໄລຍະສອງສາມມື້ຜ່ານມານີ້ນາຍົກລັດຖະມົນຕີຈີນໄດ້ທຳການຢ້ຽມຢາມປະເທດອິນເດຍ ເພື່ອພະຍາຍາມຂະຫຍາຍການຄ້າ ແລະຫຼຸດຜ່ອນຄວາມເຄັ່ງຕຶງທາງດ້ານການເມືອງທີ່ມີມາ
ເປັນເວລາຫຼາຍໆປີ ລະຫວ່າງປະເທດເສດຖະກິດຍັກໃຫຍ່ທັງສອງ.