ນາຍົກລັດຖະມົນຕີຈີນ ທ່ານເຫວິນ ເຈຍບາວ ສິ້ນສຸດການ
ຢ້ຽມຢາມປາກີສຖານ ເປັນເວລາສາມວັນຂອງທ່ານ ໃນວັນ ອາທິດມື້ນີ້.
ກ່ອນອອກຈາກປາກິສຖານ ທ່ານເຫວິນ ໄດ້ຖະແຫລງຕໍ່
ກອງປະຊຸມຮ່ວມຂອງສະພາແຫ່ງຊາດປາກິສຖານວ່າ ທ່າ
ທີຂອງຈີນແມ່ນໜັກແໜ້ນ ແລະແຈ້ງຂາວ ໃນເລື້ອງທີ່ວ່າ
ຈີນເຕັມໃຈທີ່ຈະປະຕິບັດງານກັບປາກີສຖານ ແລະປະຊາ
ຄົມນາໆຊາດ ເພື່ອດໍາເນີນຄວາມພະຍາຍາມແບບບໍ່ລົດລະ ເພື່ອຕໍ່ສູ້ກັບການກໍ່ການຮ້າຍນັ້ນ
ນາຍົກລັດຖະມົນຕີຈີນກ່າວວ່າ ອາການແລະຮາກເຫງົ້າຕ່າງໆ
ຂອງຂະບວນການກໍ່ການຮ້າຍນັ້ນ ແມ່ນຕ້ອງຖືກກໍາຈັດໃຫ້ໝົດສິ້ນໄປ. ເຂດຊາຍແດນທີ່ບໍ່
ມີການຍາມຮັກສາຂອງປາກີສຖານ ທີ່ຕິດກັບອັຟການິສຖານນັ້ນ ຖືວ່າເປັນເຂດລີ້ຊ່ອນຂອງ
ພວກຫົວຕໍ່ສູ້ຫລືພວກກໍ່ການຮ້າຍ.
ປາກີີສຖານແລະຈີນໄດ້ເຊັນຂໍ້ຕົກລົງດ້ານການຄ້າກັນຫລາຍສະບັບ ທີ່ຄິດເປັນມູນຄ່າຫລາຍ
ພັນລ້ານໂດລາ ໃນລະຫວ່າງການຢ້ຽມຢາມຂອງທ່ານ ເຫວິນ ເຈຍບາວ ໃນຄັ້ງນີ້.
ພວກເຈົ້າໜ້າທີ່ກ່າວວ່າ ຂໍ້ຕົກລົງກັນເຫລົ່ານີ້ແມ່ນແນໃສ່ການສົ່ງເສີມຊຸກຍູ້ການຮວ່ມມືກັນ
ໃນດ້ານພະລັງງານ. ນາຍົກລັດຖະມົນຕີປາກີສຖານ ທ່ານ Yusuf Raza Gilani ກ່າວ
ວ່າ ໃນການເຊັນສັນຍາເຫລົ່ານັ້ນ ລັດຖະບານ Islamabad ແມ່ນສະໜອງສິນຍ້ອມນໍ້າໃຈ
ໃຫ້ແກ່ຈີນ ເພື່ອຊຸກຍູ້ສົ່ງເສີມການລົງທຶນ ແລະການພັດທະນາໃນປະເທດຂອງທ່ານ.
ປາກີສຖານແລະຈີນໄດ້ພາກັນເອົາບາດກ້າວເພື່ອເສີມສ້າງມິດຕະພາບຂອງ ພວກເຂົາເຈົ້າ
ຂື້ນອີກ ໂດຍໄດ້ເຊັນສັນຍາດ້ານທຸລະກິດກັນ 22 ສະບັບ ທີ່ມີມູນຄ່າ 15 ພັນລ້ານໂດລາ.
