ລິ້ງ ສຳຫລັບເຂົ້າຫາ

ຈຳນວນຜູ້ເສຍຊີວິດ ໃນການໂຈມຕີ ທີ່ປາກິສຖານ ມີເພິ່ມຂຶ້ນ

  • ໄພສານ ວໍຣະຈັກ

ສ່ວນນຶ່ງຂອງພວກເຄາະຮ້າຍຈາກການໂຈມຕີທີ່ເມືອງ Quetta (7 ກັນຍາ 2011)

ເຈົ້າໜ້າທີ່ປາກິສຖານ ໄດ້ເພີ່ມຈຳນວນຜູ້ເສຍຊີວິດໃນການໂຈມຕີດ້ວຍລະເບີດສະລະຊີບທີ່
ເມືອງ Quetta ໃນມື້ວັນພຸດວານນີ້ ຂຶ້ນເປັນຢ່າງນ້ອຍ 26 ຄົນ.

ພວກຕາລີບານກ່າວວ່າ ຕົນເປັນຜູ້ທຳການໂຈມຕີ ເພື່ອຕ້ອບໂຕ້ຕໍ່ການຈັບກຸມຜູ້ນຳຄົນນຶ່ງ
ຂອງກຸ່ມກໍ່ການຮ້າຍອາລກາຍດາເມື່ອໄວໆມານີ້.

2 ຄົນໄດ້ທຳການໂຈມຕີສະລະຊີບ ຕໍ່ເຮືອນຂອງຮອງຜູ້ບັນຊາການກອງກຳລັງຣັກສາຊາຍ
ແດນແຂວງ Baluchistan. ຕຳຫຼວດເວົ້າວ່າ ຜູ້ໂຈມຕີຄົນທຳອິດ ໄດ້ບີບຄະນວນລະເບີດ
ທີ່ຫ້າງໄວ້ໃນລົດຂອງລາວ ໃຫ້ແຕກຂຶ້ນ ຢູ່ນອກບ້ານພັກ ຂອງພົນຈັດຕະວາ Farrukh
Shehzad ຂະນະທີ່ຜູ້ໂຈມຕີຄົນທີ 2 ໄດ້ບຸກເຂົ້າໄປໃນເຮືອນຂອງທ່ານແລະບີບຄະນວນ ລະເບີດທີ່ຫ້າງໄວ້ໃນໂຕລາວໃຫ້ແຕກຂຶ້ນ.

ນາຍພົນ Shehzad ໄດ້ຮັບບາດເຈັບ ແລະພັນລະຍາຂອງທ່ານໄດ້ເສຍຊີວິດໃນການໂຈມ
ຕີຄັ້ງນີ້. ມີອາລັກຂາຫຼາຍໆຄົນແລະລູກຂອງທ່ານຢ່າງນ້ອຍ 2 ຄົນຮວມຢູ່ໃນຈຳນວນພວກ
ທີ່ເສຍຊີວິດ. ມີຫລາຍ​ກວ່າ 80 ຄົນໄດ້ຮັບບາດເຈັບໃນການໂຈມຕີທັງສອງບັ້ນ.

ນາຍ Ehsanullah Ehsan ໂຄສົກຂອງກຸ່ມຕາລີບານກ່າວຕໍ່ບັນດາອົງການຂ່າວວ່າ ກຸ່ມ
ຫົວຮຸນແຮງດັ່ງກ່າວ ເປັນຜູ້ທຳການໂຈມຕີເພື່ອແກ້ແຄ້ຕໍ່ການຈັບກຸ່ມພີ່ນ້ອງຂອງພວກເຮົາ
(ສະມາຊິກກຸ່ມອາລກາຍດາ) ທີ່ເມືອງ Quetta.

ໃນມື້ວັນຈັນຜ່ານມານີ້ ກອງທັບປາກິສຖານປະກາດວ່າ ກອງພັນຮັກສາຄວາມສະຫງົບຊາຍ
ແດນໄດ້ຊ່ອຍໃນການຈັບກຸມຜູ້ນຳອະວຸໂສຂອງກຸ່ມກໍ່ການຮ້າຍອາລ າຍດາ ນາຍ Younis
al-Mauritani ແລະໜ່ວຍປະຕິບັດງານຂອງກຸ່ມອາລກາຍດາອີກ 2 ຄົນທີ່ Quetta ເມືອງ
ເອກຂອງແຂວງ Baluchistan.

XS
SM
MD
LG