ລິ້ງ ສຳຫລັບເຂົ້າຫາ

ເຈົ້າໜ້າທີ່ໃນພາກໃຕ້ປາກິສຖານກ່າວວ່າ ພວກຜູ້ຊາຍ ທີ່ມີປືນ ແລະລະເບີດມືເປັນອາວຸດໄດ້ໂຈມຕີໂຮງຮຽນແຫ່ງນຶ່ງ ຊຶ່ງພວກ ເຂົາໄດ້ສັງຫານທ່ານຄູ ແລະຍິງ ພວກເດັກນ້ອຍນັກຮຽນ ບາດ ເຈັບຢ່າງໜ້ອຍ 6 ຄົນ.

ເຈົ້າໜ້າທີ່ເວົ້າວ່າ ພວກເດັກນ້ອຍຊຶ່ງມີອາຍຸລະຫວ່າງ 5 ຫາ 10
ປີ ພວມໄປຮ່ວມພິທີມອບລາງວັນ ໃນວັນເສົາມື້ນີ້ ທີ່ໂຮງຮຽນໃນ
ເຂດເມືອງ Ittehad ໃນນະຄອນກາຣາຈີເວລາການໂຈມຕີເກີດ
ຂຶ້ນ.

ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີດັ່ງກ່າວນີ້ເທື່ອ.

ນະຄອນກາຣາຈີເປັນບ່ອນທີ່ມີການໂຈມຕີດ້ວຍລະເບີດແລະອາວຸດປືນຈຳນວນນຶ່ງ ໃນໄລ
ຍະບໍ່ເທົ່າໃດປີຜ່ານມານີ້ ຊຶ່ງສ່ວນໃຫຍ່ແລ້ວແມ່ນໄດ້ມີການຖິ້ມໂທດໃສ່ພວກຫົວຮຸນແຮງ.

ສ່ວນຢູ່ທີ່ພາກຕາເວັນຕົກສຽງເໜືອຂອງປາກິສຖານນັ້ນ ເຈົ້າໜ້າທີ່ກ່າວວ່າ ຜູ້ໂຈມຕີສະລະ ຊີບໄດ້ສັງຫານຕຳຫຼວດຄົນນຶ່ງແລະເຮັດໃຫ້ຄົນອື່ນໆໄດ້ຮັບບາດເຈັບອີກ 6 ຄົນ.

ເຈົ້າໜ້າທີ່ເວົ້າວ່າ ການໂຈມຕີໃນວັນເສົາມື້ນີ້ເກີດຂຶ້ນປະມານ 50 ຫຼັກກິໂລແມັດ ຫ່າງຈາກ Peshawar ເມືອງເອກຂອງແຂວງ Khyber Pakhtunkhwa ຊຶ່ງ ເປັນແຂວງທີ່ວຸ້ນວາຍມີ ຊາຍແດນຕິດກັບອັຟການິສຖານໄປທາງກໍ້າຕາເວັນອອກສຽງເໜືອ.

ຍັງບໍ່ທັນມີກຸ່ມໃດອ້າງເອົາຄວາມຮັບຜິດຊອບ ໃນການໂຈມຕີດັ່ງກ່າວນີ້ເທື່ອ ແຕ່ກຸ່ມຕາລີ ບານໃນປາກິສຖານ ເຄີຍວາງລະເບີດໂຈມຕີມາແລ້ວຫລາຍໆຄັ້ງ ຢູ່ທີ່ເມືອງ Peshawar ໂດຍແນເປົ້າໝາຍໃສ່ກຳລັງຮັກສາຄວາມສະຫງົບແລະພົນລະເຮືອນ.

ເມືອງ Peshawar ຕັ້ງຢູ່ຕິດກັບເຂດຊົນເຜົ່າເຄິ່ງປົກຄອງຕົນເອງຂອງປາກິສຖານຊຶ່ງເປັນ ບ່ອນຫຼົບລີ້ທີ່ສຳຄັນຂອງພວກຫົວຮຸນແຮງຕາລີບານໃນປະເທດປາກິສຖານ.
XS
SM
MD
LG