ບັນດາເຈົ້າໜ້າທີ່ ໃນພາກຕາເວັນຕົກສຽງເໜືອ ຂອງປາກິສຖານ
ກ່າວວ່າ ລະເບີດທີ່ວາງໃສ່ລົດຈັກຄັນນຶ່ງ ໄດ້ສັງຫານຢ່າງນ້ອຍ
ທະຫານຄົນນຶ່ງ ແລະ ເຮັດໃຫ້ອີກຄົນນຶ່ງໄດ້ຮັບບາດເຈັບ.
ເຈົ້າໜ້າທີ່ກ່າວອີກວ່າ ລະເບີດດັ່ງກ່າວ ແມ່ນບີບຄະນວນ ໃຫ້
ແຕກຂຶ້ນ ຈາກໄລຍະໄກ ໃນຂະນະທີ່ລົດ ຂອງກຳລັງຮັກສາ
ຄວາມປອດໄພ ໄດ້ຜ່ານກາຍໄປ.
ເຈົ້າໜ້າທີ່ກ່ຽວຂ້ອງກ່າວວ່າ ຍັງບໍ່ມີຜູ້ໃດ ອ້າງເອົາຄວາມຮັບ
ຜິດຊອບ ໃນການໂຈມຕີດ້ວຍລະເບີດ ໃນວັນສຸກມື້ນີ້ ທີ່ຄຸ້ມ
Mithra ຢູ່ທາງນອກເມືອງຂອງ Peshawar ຊຶ່ງເປັນເມືອງເອກ ຂອງແຂວງ Khyber Pakhtunkhwa.
ເມືອງ Peshawar ແມ່ນຕັ້ງຢູ່ໃກ້ກັບເຂດຊົນເຜົ່າ ເຄິ່ງປົກຄອງ ຂອງປາກິສຖານ.
ການໂຈມຕີ ມີຂຶ້ນ ໃນຂະນະທີ່ ກອງທັບປາກິສຖານ ສືບຕໍ່ບຸກໂຈມຕີເປົ້າໝາຍ ຂອງພວກ
ຕາລີບານ ແລະພວກຫົວຮຸນແຮງຕ່າງຊາດ ຢູ່ໃນເຂດຊົນເຜົ່າຕ່າງໆຂອງປາກິສຖານນັ້ນ.
ພວກຕາລີບານໃນປາກິສຖານ ໄດ້ໂຈມຕີດ້ວຍລະເບີດຫຼາຍໆບັ້ນ ໃນເມືອງ Peshawar
ທີ່ມີເປົ້າໝາຍແນໃສ່ ກອງກຳລັງຮັກສາຄວາມປອດໄພ ແລະພວກພົນລະເຮືອນ.
