ຕໍາຫລວດໃນພາກຕາເວັນຕົກສຽງເໜືອຂອງປາກີສຖານກ່າວວ່າ ມືລະເບີດສະຫລະຊີບ
ຄົນນຶ່ງໄດ້ໂຈມຕີພິທີສົ່ງສະການແຫ່ງນຶ່ງ ໂດຍໄດ້ສັງຫານ 11 ຄົນ ແລະເຮັດໃຫ້ບາດເຈັບ
ອີກ 30 ຄົນ.
ຕໍາຫລວດກ່າວວ່າ ພວກເຂົາເຈົ້າເຊື່ອວ່າ ນັກການເມືອງ ນາຍ Khusdil Khan ອາດໄດ້
ເປັນເປົ້າໝາຍຂອງການໂຈມຕີສະຫລະຊີບໃນວັນອາທິດມື້ນີ້ ແຕ່ຜູ້ກ່ຽວບໍ່ໄດ້ຮັບບາດເຈັບ
ໃດໆ ນາຍ Khan ເປັນສະມາຊິກຄົນນຶ່ງຂອງພັກການເມືອງ Awami National Party
ຍັງບໍ່ມີຝ່າຍໃດອ້າງເອົາຄວາມຮັບຜິດຊອບໃນທັນທີນີ້ເທື່ອ ສໍາລັບການໂຈມຕີດັ່ງກ່າວ ທີ່
ເກີດຂຶ້ນຢູ່ເຂດຊານເມືອງ Peshawar ນັ້ນ.