ກຸ່ມທາລີບານຢູ່ໃນປາກີສຖານ ໄດ້ອ້າງເອົາຄວາມຮັບຜິດ
ຊອບ ສໍາລັບການໂຈມຕີຫລາຍໆບັ້ນເມື່ອໄວໆມານີ້ ຕໍ່ຂະ
ບວນລົດລຳລຽງສຳພາລະໄປໃຫ້ກອງກໍາລັງຂອງ NATO
ແລະສະຫະລັດ ໃນປາກີສຖານ ນັ້ນ.
ສາຂາປາກິສຖານຂອງກຸ່ມກໍ່ການຮ້າຍທາລີບານ ກ່າວໃນ
ວັນຈັນມື້ນີ້ວ່າ ພວກເຂົາຕັ້ງໃຈທີ່ຈະສືບຕໍ່ທໍາການໂຈມຕີ
ຈົນກວ່າຈະມີການຢຸດເຊົາຂະບວນລໍາລຽງສົ່ງຂອງດັ່ງກ່າວ.
ຕຳຫລວດເວົ້າວ່າ ມີຢ່າງນ້ອຍ 3 ຄົນຖືກຂ້າຕາຍແລະລົດ
ບັນທຸກນໍ້າມັນ ປະມານ 20 ຄັນໄດ້ຖືກຈູດເຜົາໃນການໂຈມຕີເທື່ອຫລ້າສຸດ ຢູ່ເທິງເສັ້ນທາງລຳລຽງທີ່ທາງການປາກີສ ຖານ ໄດ້ປິດລົງໃນວັນພະຫັດແລ້ວນີ້ ເພື່ອປະທ້ວງຕໍ່ການທີ່ອົງການ NATO ໄດ້ທໍາການໂຈມຕີ ທາງອາກາດຂ້າມ ຊາຍແດນເຂົ້າໄປນັ້ນ.
ປາກີສຖານກ່າວວ່າ ທະຫານ 3 ນາຍເສຍຊີວິດ ໃນການໂຈມຕີຂອງເນໂຕ້ ທີ່ແນໃສ
ພວກຫົວຕໍ່ສູ້ ທີ່ຫລົບໜີຈາກອັຟການິສຖານໄປນັ້ນ.
ຫົວໜ້າອົງການ NATO ທ່ານ Anders Fogh Rasmussen ໄດ້ສະແດງຄວາມຜິດ
ຫວັງແລະເສຍໃຈໃນການເສຍຊີວິດຂອງພວກທະຫານປາກີສຖານ ໃນການພົບປະກັນກັບ ລັດຖະມົນຕີການຕ່າງປະເທດປາກີສຖານ ທ່ານ Shah Mehmood Qureshi ທີ່ສໍານັກ ງານໃຫຍ່ຂອງເນໂຕ້ ໃນກຸງ Brussels ແລະທ່ານໄດ້ຮຽກຮ້ອງ ໃຫ້ທາງການປາກີສຖານ ເປີດເສ້ນທາງລຳລຽງຄືນໃໝ່ ໂດຍໄວທີ່ສຸດເທົ່າທີ່ຈະໄວໄດ້.
