ລິ້ງ ສຳຫລັບເຂົ້າຫາ

ວັນອັງຄານ, ໑໙ ມີນາ ໒໐໒໔

ປາກິສຖານ ປະກາດ ແຕ່ງຕັ້ງ ນຍ ຄົນໃໝ່


ທ່ານ Raja Pervez Ashraf ອະດີດລັດຖະມົນຕີກະຊວງນໍ້າແລະພະລັງງານ ທີ່ຖືກສະເໜີຊື່ເປັນນາຍົກລັດຖະມົນຕີ ຄົນໃໝ່ຂອງປາກິສຖານ (22 ມິຖຸນາ 2012)
ທ່ານ Raja Pervez Ashraf ອະດີດລັດຖະມົນຕີກະຊວງນໍ້າແລະພະລັງງານ ທີ່ຖືກສະເໜີຊື່ເປັນນາຍົກລັດຖະມົນຕີ ຄົນໃໝ່ຂອງປາກິສຖານ (22 ມິຖຸນາ 2012)

ພັກ​ລັດຖະບານຂອງ​ປາ​ກິ​ສຖານໄດ້​ສະ​ເໜີ​ໃຫ້ອະດີດ​ລັດຖະມົນ​ຕີກະຊວງນໍ້າແລະ​ພະລັງງານ
ທ່າ​ນ Raja Pervez Ashraf ເພື່ອ​ໃຫ້​ເຂົ້າຮັບ​ຕຳ​ແໜ່​ງ​ ແທນນາຍົກລັດຖະມົນ​ຕີ Yousuf
Raza Gilani ທີ່​ໄດ້​ຖືກ​ຂັບ​ໄລ່​ອອກ​ຈາກ​ໜ້າ​ທີ່​ນັ້ນ.​

ທ່ານ Ashraf ​ໄດ້​ຖືກ​ກ່າວ​ຫາ​ວ່າ ​ສໍ້​ລາດ​ບັງ​ຫຼວງ ​ໃນ​ລະຫວ່າງ​ທີ່​ທ່ານ​ກຳ​ຕຳ​ແໜ່​ງ​ຢູ່​ທີ່ກະ​
ຊວງ​ນໍ້າແລະພະ​ລັງ​ງານ ​ແຕ່​ກໍ​ຄາດ​ວ່າ ການ​ແຕ່ງຕັ້ງທ່ານຈະ​ໄດ້ຮັບ​ການ​ອະນຸມັດຍ້ອນ​ວ່າ
ພັກ​ປະຊາຊົນປາ​ກິ​ສຖານ ​ແລະ​ບັນດາ​ພັກ ທີ່ຮ່ວມ​ຢູ່​ໃນ​ຄະນະ​ລັດຖະບານ​ປະສົມ ​ກໍາສຽງ
​ສ່ວນ​ຫຼາຍຢູ່​ໃນ​ສະພາ​ແຫ່ງ​ຊາດ. ສະພາປາກິ​ສຖານ​ປະຊຸມ​ກັນ​ໃນວັນ​ສຸກມື້​ນີ້ ​ເພື່ອ​ເລືອກ
​ເອົານາຍົກລັດຖະມົນ​ຕີ​ຄົນ​ໃໝ່.

​ໃນ​ມື້ວານ​ນີ້ ພັກ​ປະຊາຊົນ​ປາ​ກິ​ສຖານ​ໄດ້​ສະ​ເໜີ​ແຕ່ງຕັ້ງລັດຖະມົນຕີແຜ່ນແພທ່າ​ນ Makh-
doom Shahabuddin ໃຫ້ເຂົ້າກຳ​ຕຳ​ແໜ່​ງ ເປັນນາຍົກລັດຖະມົນ​ຕີປາ​ກິ​ສຖານ. ​ແຕ່​ແນວ​
ໃດ​ກໍ​ຕາມ ຜູ້​ພິພາກສາ​ຄົນ​ນຶ່ງຂອງປາ​ກິ​ສະຖານ ​ໄດ້​ອອກໝາຍ​ຈັບ ທ່ານ Shahabuddin ​
ໃນ​ມື້ວານ​ນີ້ທີ່ພົວພັນ​ກັບຂ່າວ​ນອງ​ນັນ​ໃນການ​ນໍາ​ເຂົ້າ​ຢາ ephedrine ​ແບບ​ຜິດ​ກົດໝາຍ​
ໃນ​ຂະນະ​ທີ່​ທ່ານ​ເປັນ​ລັດຖະມົນ ຕີ​ສາທາລະນະ​ສຸກຢູ່​ນັ້ນ.

ນາຍົກລັດຖະມົນ​ຕີ​ຄົນ​ໃໝ່​ຂອງປາ​ກິ​ສຖານແມ່ນ​ຈະ​ມີໜ້າ​ທີ່ໆ​ຊໍ້າ​ຊາກບໍ່​ສຳຄັນລ​ະຫວ່າງປະ
ທານາທິບໍດີ Asif Ali Zardari ​ແລະສານ​ສູງ​ສຸດ​ຂອງ​ປະ​ເທດທີ່​ໄດ້​ປະກາດ​ວ່າທ່ານ Gilani
ບໍ່​ສາມາດ​ທີ່​ຈະກໍາ​ໜ້າ​ທີ່​ໄດ້​ຕໍ່​ໄປ​ອີກ​ ໃນ​ວັນ​ອັງຄານຜ່ານ​ມາເພາະວ່າໄດ້​ມີ​ການ​ຕັດສິນ​ໂທດ​
ກ່ອນ​ໜ້ານີ້. ສານເຫັນ​ວ່າ​ທ່າ​ນມີ​ຄວາມ​ຜິດຖານໝິ່ນປະໝາດ ​ໃນ​ວັນ​ທີ່ 26 ເດືອນ​ເມສາທີ່
ໄດ້ປະຕິ​ເສດ​ຄໍາ​ສັ່ງ ​ຂອງ​ສານ ໃຫ້ສອບ​ຖາມ​ເຈົ້າ​ໜ້າ​ທີ່ສວິສທຳ​ການສືບສວນ​ກ່ຽວ​ກັບກາ​ນ
ກ່າວຫາ​ສໍ້ລາດ​ບັງ​ຫຼວງ​ຕໍ່ປະທານາທິບໍດີ Zardari.

ມີ​ທ່າ​ທາງ​ວ່າ ນາຍົກລັດຖະມົນຕີຄົນ​ໃໝ່​ຈະ​ປະ​ເຊີນ​ກັບ​ຄວາມ​ກົດ​ດັນໃນ​ທຳນອງດຽວ​ກັນ
ນີ້​ເພື່ອ​ໃຫ້​ທຳ​ການ​ສືບສວນ​ປະທານາທິບໍດີ.

XS
SM
MD
LG