ນາຍົກລັດຖະມົນຕີ ປາກິສຖານ ທ່ານ Nawaz Sharif ກ່າວ
ໃນວັນອັງຄານມື້ນີ້ວ່າ ລັດຖະບານຂອງທ່ານຈະພະຍາຍາມທຸກ
ວິທີທາງເພື່ອໃຫ້ການຊ່ວຍເຫລືອ ແກ່ບັນດາຜູ້ໄດ້ຮັບຜົນກະທົບ
ຈາກແຜ່ນດິນໄຫວ ທີ່ມີຄວາມແຮງ 7.5 ຣິກເຕີ້ໃນວັນຈັນວານ
ນີ້ ແລະຈະປະກາດກ່ຽວກັບການບັນເທົາທຸກ ຫລັງຈາກພວກ
ເຈົ້າໜ້າທີ່ ໄດ້ຊັ່ງຊາເບິ່ງເປັນທີ່ຮຽບຮ້ອຍແລ້ວ.
ທ່ານ Sharif ໄດ້ຈັດກອງປະຊຸມເຈົ້າໜ້າທີ່ລະດັບສູງ ເພື່ອຮັບ
ຟັງລາຍງານກ່ຽວກັບຄວາມເສຍຫາຍ ແລະການຊ່ວຍເຫລືອ
ນັບແຕ່ໄດ້ເກີດແຜ່ນດິນໄຫວທີ່ແຂວງ Badakhshan ທາງ
ພາກເໜືອຂອງອັຟການິສຖານ ທີ່ມີປະຊາຊົນອາໄສຢູ່ ບໍ່ຫຼາຍນັ້ນ.
ທັງສອງລັດຖະບານ ໄດ້ລາຍງານວ່າ ມີຜູ້ເສຍຊີວິດທັງໝົດ 306 ຄົນ ແລະ 1,900 ຄົນ
ໄດ້ຮັບບາດເຈັບ.
ຈຳນວນຜູ້ເສຍຊີວິດແມ່ນຮ້າຍແຮງຢູ່ໃນແຂວງ Khyber Pakhtunkhwa ທາງ ພາກຕາ
ເວັນຕົກສຽງເໜືອຂອງປາກິສຖານ ບ່ອນທີ່ພວກເຈົ້າໜ້າທີ່ໄດ້ຢືນຢັນວ່າ ຢ່າງໜ້ອຍ 185
ຄົນໄດ້ເສຍຊີວິດ ແລະຫລາຍກວ່າ 1,450 ຄົນ ໄດ້ຮັບບາດເຈັບ. ອີກ 30 ຄົນໄດ້ເສຍຊີ
ວິດຢູ່ໃນເຂດຊົນເຜົ່າຂອງປະເທດ.
ທະຫານປາກິສຖານ ແລະບັນດາອົງການຊ່ວຍເຫລືອພົນລະເຮືອນ ຍັງສືບຕໍ່ໃຫ້ການ
ຊ່ວຍເຫລືອ ໃນວັນອັງຄານມື້ນີ້ ໂດຍການສົ່ງເຮືອບິນເຮລິຄອບເຕີ ຜ້າເຕັ້ນ ຜ້າຫົ່ມ
ແລະອາຫານ ໄປສູ່ເຂດທີ່ໄດ້ຮັບຜົນກະທົບຈາກແຜ່ນດິນໄຫວ.
ຫົວໜ້າບໍລິຫານ ອັຟການິສຖານ ທ່ານ Abdullah Abdullah ໄດ້ລາຍງານໃນວັນອັງ
ຄານມື້ນີ້ວ່າ 76 ຄົນໄດ້ເສຍຊີວິດ ຢູ່ໃນອັຟການິສຖານ ພ້ອມດ້ວຍ 268 ຄົນ ໄດ້ຮັບບາດເຈັບ. ທ່ານກ່າວວ່າ ຈຳນວນດັ່ງກ່າວອາດຈະເພີ້ມຂື້ນຕື່ມ.
ພວກທີ່ຕາຍໃນອັຟການິສຖານ ແມ່ນຮວມທັງເດັກນັກຮຽນຍິງ 12 ຄົນ ທີໄດ້ເສຍຊີວິດຈາກການຢຽບກັນຕາຍ ໃນຂະນະທີ່ເຂົາເຈົ້າພາກັນແລ່ນອອກຈາກຕຶກ ທີ່ສັ່ນສະເທືອນ ໃນແຂວງ Takhar.
ຜູ້ເຫັນເຫດການຄົນນຶ່ງ ຢູ່ເມືອງ Jalalabad ກ່າວຕໍ່ ວີໂອເອ ວ່າ ແຜ່ນດິນໄຫວໄດ້ເຮັດໃຫ້ຜູ້ຄົນພາກັນແລ່ນຊອກຫາບ່ອນກຳບັງ.
ລາວກ່າວວ່າ “ພວກເຮົາບໍ່ເຄີຍເຫັນແຜ່ນດິນໄຫວທີ່ຮ້າຍແຮງແບບນີ້. ຂ້າພະເຈົ້າຍັງນອນຢູ່ ເວລາ ຂ້າພະເຈົ້າ ຮູ້ສຶກແຜ່ນດິນສັ່ນສະເທືອນ. ຂ້າພະເຈົ້າ ແລ່ນອອກໄປທາງນອກ ເພື່ອຄວາມປອດໄພ.”
Dozens Dead as Earthquake Rocks Afghanistan, Pakistan
