ລິ້ງ ສຳຫລັບເຂົ້າຫາ

site logo
ວັນເສົາ, 28 ພຶດສະພາ 2022

ນ້ອງຊາຍ ທ່ານໝໍ Afridi ຂໍໃຫ້ສານ ພິຈາລະນາ ຄະດີອ້າຍລາວ ຄືນໃໝ່ (ວີດີໂອ)


ນາຍ Jamil Afridi, ນ້ອງຊາຍຂອງທ່ານໝໍ Shakil Afridi ແຫ່ງປາກິສ ຖານ ຈັດກອງປະຊຸມນັກຂ່າວຂຶ້ນທີ່ເມືອງ Peshawar, ປາກິສຖານ. ວັນທີ 29 ພຶດສະພາ 2012.



















ນ້ອງ​ຊາຍ​ຂອງ​ທ່ານໝໍ​ປາ​ກິ​ສຖານ​ຄົນ​ນຶ່ງ​ ທີ່​ຖືກ​ຕິດ​ຄຸກ​ຍ້ອນ​ຜູ້ກ່ຽວຊ່ອຍ​ສະຫະລັດ​ຕິດຕາມ
​ຫາ​ໂຕ​ນາຍ​ໂອຊາ​ມາ ບິນ ລາ​ເດັນ ກ່າວວ່າ ອ້າຍ​ຂອງ​ລາວ​ບໍ່​ມີ​ຄວາມ​ຜິດ​ຫຍັງ. ລາວ​ຄວນ​ຈະ​
ໄດ້​ຮັບ​ການ​ພິຈາລະ​ນາຄະ​ດີ​ຄືນ​ໃໝ່.

ທ້າວ Jamil Afridi ກ່າວ​ຕໍ່​ບັນດາ​ນັກ​ຂ່າວ​ທີ່​ເມືອງ Peshawar ໃນ​ວັນ​ຈັນ​ມື້ວານ​ນີ້​ວ່າ ອ້າຍ​ຂອງ​ລາວ​ບໍ່​ໄດ້​ຮັບ​ການ​ດໍາ​ເນີນ​ຄະດີ​ທີ່ຍຸຕິ​ທໍາ ​ແລະ​ຈະ​ທໍາ​ການຂໍ​ອຸທອນ​ຕໍ່​ຄໍາ​ຕັດສິນ​ຂອງ​ສານ​ນັ້ນ ຊຶ່ງ​ລາວກ່າວ​ຕໍ່​ໄປ​ວ່າ ພວກ​ນັກ​ການ​ເມືອງ​ປາ​ກິ​ສຖານ​ໄດ້​ໃຫ້ທ່ານໝໍ Shakil ​ເປັນ​ຜູ້​ຮັບ​ເຄາະ​ຫຼື​ແພະຮັບ​ບາບ​ ​ແລະລາວ​ຮຽກຮ້ອງ​ໃຫ້ຫົວໜ້າ​ສານ​ຍຸຕິ​ທໍາ​ຂອງ​ປາ​ກິ​ສຖານ​ໃຫ້​ຄວາມ​ສະດວກ​ແກ່​ການດໍາ​ເນີນ​ຂັ້ນ​ຕອນ​ຂອງ​ຄໍາ​ອຸທອນ​ນີ້.

​ໃນ​ການ​ໃຫ້​ສໍາພາດ​ກັບ​ວິທະຍຸ Deewa ຂອງ​ວີ​ໂອ​ເອ​ໃນ​ວັນ​ຈັນວານ​ນີ້ ທ້າວ Jamil Afridi ໄດ້​ສະ​ແດງ​ຄວາມ​ເປັນ​ຫ່ວງ​ອອກ​ມາ​ກ່ຽວ​ກັບການ​ຄຸມ​ຂັງ​ອ້າຍ​ຂອງ​ລາວ ​ແລະ​ກ່າວ​ວ່າ ທ່ານໝໍ Shakil ຄວນຈະ​ໄດ້​ຮັບ​ການ​ປົກປັກ​ຄຸ້ມ​ຄອງ​ຢູ່​ໃນ​ຄຸກ​. ນອກ​ນັ້ນ​ລາວ​ຍັງ​ກ່າວ​ຕື່ມວ່າ ລາວ​ຄວນ​ຈະ​ໄດ້​ຮັບ​ໂອກາດ​ໃຫ້​ໄປ​ພົບ​ປະ​ກັບ​ອ້າຍ​ຂອງ​ລາວ​ນໍາ.

ສານ​ຊົນ​ເຜົ່າ​ແຫ່ງ​ນຶ່ງ​ໃນ​ພາກ​ຕາ​ເວັນ​ຕົກ​ສຽງ​ເໜືອ​ຂອງ​ປາ​ກິ​ສຖານ​ໄດ້​ຕັດສິນ​ວ່າ ​ທ່ານໝໍ Shakil Afridi ມີ​ຄວາມ​ຜິດ​ແທ້​ໃນ​ຂໍ້​ຫາ​ຖານ​ເປັນຄົນ​ທໍລະ​ຍົດ ​ຫຼື​ຜູ້​ຂາຍ​ຊາດ. ທ່ານໝໍ Shakil Afridi ຖືກ​ກ່າວ​ຫາ​ວ່າ ເປັນ​ຜູ້ຈັດ​ການ​ສັກ​ຢາ​ວັກ​ຊີ​ນ​ປອມຂຶ້ນ ເພື່ອ​ຊ່ອຍ​ອົງການສືບລັບ CIA ຂອງ​ສະຫະລັດ​ໄດ້​ຮັບ​ຕົວຢ່າງ DNA ຂອງ​ນາຍ​ໂອຊາມາ ບິນ​ລາ​ເດັນ ມື້​ລາງ​ຜູ້​ນໍາ​ເຄືອ​ຂ່າຍ​ອານ​ກາ​ອິດາ​ ແລະພວກສະມາຊິກ​ຄອບ​ຄົວ​ຂອງ​ລາວ​ເພື່ອ​ຢືນຢັນ​ວ່າ ນາຍ​ໂອຊາ​ມາ ບິນ​ລາ​ເດັນ​ ຢູ່​ໃນ​ເຮືອນ​ຫຼັງນຶ່ງ​ທີ່ເມືອງ Abbottabad ຂອງ​ປາ​ກິ​ສຖານ​ນັ້ນ.

XS
SM
MD
LG