ພວກທ່ານໝໍໄດ້ຜ່າຕັດເອົາກະສຸນປືນລູກນຶ່ງອອກຢ່າງສໍາເລັດ
ຜົນ ໃຫ້ແກ່ເດັກຍິງອາຍຸ 14 ປີ ທີ່ຖືກພວກຕາລີບັນຍິງ ຍ້ອນເວົ້າ ຕໍ່ຕ້ານກຸ່ມຫົວຮຸນແຮງດັ່ງກ່າວ ແລະປຸກລະດົມໃຫ້ມີການສົ່ງເສີມ
ການສຶກສາແກ່ຜູ້ຍິງ.
ນາງ Malala Yousufzai ແມ່ນຢູ່ໃນສະພາບທີ່ອັນຕະລາຍ
ລຸນຫລັງທີ່ພວກມືປືນ ໄດ້ຍິງໃສ່ຫົວແລະຄໍຂອງນາງ ໃນຂະນະທີ່ ກໍາລັງຂຶ້ນຂີ່ລົດເມນໍາສົ່ງນັກຮຽນ ໃນວັນອັງຄານ ວານນີ້ ຢູ່ໃນ
ເຂດຮ່ອມພູ Swat. ຍັງມີເດັກຍິງອີກສອງຄົນໄດ້ຮັບບາດເຈັບ ໃນເຫດດັ່ງ ກ່າວ.
ພວກທ່ານໝໍຢູ່ໂຮງໝໍທະຫານເມືອງ Peshawar ໄດ້ຜ່າຕັດ
ເອົາລູກປືນລູກນຶ່ງອອກຈາກ ຄໍຂອງນາງໃນເຊົ້າວັນພຸດມື້ນີ້ ລຸນຫລັງທີ່ນາງໄດ້ເລີ້ມມີອາການແຊກຊ້ອນ. ພວກເຂົາເຈົ້າ
ກ່າວວ່າ ອາການຂອງນາງກໍາລັງດີຂຶ້ນ ແຕ່ວ່ານາງຍັງບໍ່ທັນຮູ້ສຶກຕົວເທື່ອ.
ພວກຕາລີບັນ ໄດ້ອ້າງເອົາຄວາມຮັບຜິດຊອບຕໍ່ການຍິງດັ່ງກ່າວ. ໂຄສົກຂອງພວກຕາລີ ບັນກ່າວວ່າ ນາງ Yousufzai ໄດ້ “ສະໜັບສະໜຸນພວກຕາເວັນຕົກ, ອອກປາກອອກ ສຽງຕໍ່ຕ້ານພວກຕາລີບັນ ແລະເອີ້ນປະທານາທິບໍດີສະຫະລັດ ທ່ານບາຣັກ ໂອບາມາວ່າ ເປັນຜູ້ທີ່ນາງ ໃຫ້ການເຄົາລົບບູຊາຢ່າງຍິ່ງ.”
ນາງ Yousufzai ໄດ້ຖືກຮັບຮູ້ໂດຍປະຊາຄົມສາກົນ ວ່າເປັນຜູ້ບັນທຶກ ກ່ຽວກັບການກໍ່ ໂທດກຳທີ່ໂຫດຮ້າຍປ່າເຖື່ອນຂອງກຸ່ມຕາລີບັນ ຢູ່ໃນເຂດໃກ້ເຮືອນຂອງນາງ. ນາງຂຽນ ໂດ ໃຊ້ນາມແຝງວ່າ Gul Makai ຢູ່ໃນບົດຄວາມເຫັນຫຼືບລັອກ ໃນເວັບໄຊຂອງວິທະຍຸ BBC ຊຶ່ງນາງໄດ້ພັນລະນາເຖິງຊີວິດ ພາຍໃຕ້ການຄວບຄຸມຂອງພວກຕາລີບັນ ໃນປີ 2008 ແລະ 2009 ໃນເວລາທີ່ພວກຫົວຮຸນແຮງກຸ່ມນີ້ ໄດ້ດໍາເນີນການຕັດຫົວຄົນ ແລະ ຄວາມຮຸນແຮງອື່ນໆ ຢູ່ໃນເຂດທີ່ພວກເຂົາຄວບຄຸມ ຊຶ່ງເປັນພື້ນທີ່ສ່ວນໃຫຍ່ຂອງເຂດ ຮ່ອມພູ Swat ໃນແຂວງ Khyber Pakhtunkhwa.
ຜົນ ໃຫ້ແກ່ເດັກຍິງອາຍຸ 14 ປີ ທີ່ຖືກພວກຕາລີບັນຍິງ ຍ້ອນເວົ້າ ຕໍ່ຕ້ານກຸ່ມຫົວຮຸນແຮງດັ່ງກ່າວ ແລະປຸກລະດົມໃຫ້ມີການສົ່ງເສີມ
ການສຶກສາແກ່ຜູ້ຍິງ.
ນາງ Malala Yousufzai ແມ່ນຢູ່ໃນສະພາບທີ່ອັນຕະລາຍ
ລຸນຫລັງທີ່ພວກມືປືນ ໄດ້ຍິງໃສ່ຫົວແລະຄໍຂອງນາງ ໃນຂະນະທີ່ ກໍາລັງຂຶ້ນຂີ່ລົດເມນໍາສົ່ງນັກຮຽນ ໃນວັນອັງຄານ ວານນີ້ ຢູ່ໃນ
ເຂດຮ່ອມພູ Swat. ຍັງມີເດັກຍິງອີກສອງຄົນໄດ້ຮັບບາດເຈັບ ໃນເຫດດັ່ງ ກ່າວ.
ພວກທ່ານໝໍຢູ່ໂຮງໝໍທະຫານເມືອງ Peshawar ໄດ້ຜ່າຕັດ
ເອົາລູກປືນລູກນຶ່ງອອກຈາກ ຄໍຂອງນາງໃນເຊົ້າວັນພຸດມື້ນີ້ ລຸນຫລັງທີ່ນາງໄດ້ເລີ້ມມີອາການແຊກຊ້ອນ. ພວກເຂົາເຈົ້າ
ກ່າວວ່າ ອາການຂອງນາງກໍາລັງດີຂຶ້ນ ແຕ່ວ່ານາງຍັງບໍ່ທັນຮູ້ສຶກຕົວເທື່ອ.
ພວກຕາລີບັນ ໄດ້ອ້າງເອົາຄວາມຮັບຜິດຊອບຕໍ່ການຍິງດັ່ງກ່າວ. ໂຄສົກຂອງພວກຕາລີ ບັນກ່າວວ່າ ນາງ Yousufzai ໄດ້ “ສະໜັບສະໜຸນພວກຕາເວັນຕົກ, ອອກປາກອອກ ສຽງຕໍ່ຕ້ານພວກຕາລີບັນ ແລະເອີ້ນປະທານາທິບໍດີສະຫະລັດ ທ່ານບາຣັກ ໂອບາມາວ່າ ເປັນຜູ້ທີ່ນາງ ໃຫ້ການເຄົາລົບບູຊາຢ່າງຍິ່ງ.”
ນາງ Yousufzai ໄດ້ຖືກຮັບຮູ້ໂດຍປະຊາຄົມສາກົນ ວ່າເປັນຜູ້ບັນທຶກ ກ່ຽວກັບການກໍ່ ໂທດກຳທີ່ໂຫດຮ້າຍປ່າເຖື່ອນຂອງກຸ່ມຕາລີບັນ ຢູ່ໃນເຂດໃກ້ເຮືອນຂອງນາງ. ນາງຂຽນ ໂດ ໃຊ້ນາມແຝງວ່າ Gul Makai ຢູ່ໃນບົດຄວາມເຫັນຫຼືບລັອກ ໃນເວັບໄຊຂອງວິທະຍຸ BBC ຊຶ່ງນາງໄດ້ພັນລະນາເຖິງຊີວິດ ພາຍໃຕ້ການຄວບຄຸມຂອງພວກຕາລີບັນ ໃນປີ 2008 ແລະ 2009 ໃນເວລາທີ່ພວກຫົວຮຸນແຮງກຸ່ມນີ້ ໄດ້ດໍາເນີນການຕັດຫົວຄົນ ແລະ ຄວາມຮຸນແຮງອື່ນໆ ຢູ່ໃນເຂດທີ່ພວກເຂົາຄວບຄຸມ ຊຶ່ງເປັນພື້ນທີ່ສ່ວນໃຫຍ່ຂອງເຂດ ຮ່ອມພູ Swat ໃນແຂວງ Khyber Pakhtunkhwa.
