ພວກເຈົ້າໜ້າທີ່ໃນເຂດຕາເວັນຕົກສຽງເໜືອຂອງປາກິສຖານກ່າວວ່າ ພວກຫົວຮຸນແຮງໄດ້ ໂຈມຕີດ່ານກວດແຫ່ງນຶ່ງເມື່ອຕອນແລງວັນເສົາວານນີ້ ແລະໄດ້ສັງຫານເຈົ້າໜ້າທີ່ຮັກສາ
ຄວາມປອດໄພນຶ່ງຄົນ ແລະສະມາຊິກຂອງພວກທະຫານບ້ານທີ່ຕໍ່ຕ້ານກຸ່ມຕາລີບານ
ຢ່າງໜ້ອຍສອງຄົນ.
ພວກເຈົ້າໜ້າທີ່ກ່າວວ່າ ກໍາລັງຮັກສາຄວາມປອດໄພ ແລະພວກຊົນເຜົ່າທ້ອງຖິ່ນໄດ້ຍິງຕໍ່ສູ້
ຄືນ ແລະໄດ້ສັງຫານພວກຫົວຮຸນແຮງ 10 ຄົນ.
ຍັງບໍ່ມີກຸ່ມໃດອ້າງເອົາຄວາມຮັບຜິດຊອບໃນການໂຈມຕີຢູ່ໃນເຂດຊົນເຜົ່າ Khyber ນັ້ນ ແຕ່ແນວໃດກໍດີ ກຸ່ມຕາລີບານປາກິສຖານໄດ້ທໍາການໂຈມຕີພວກກໍາລັງຮັກສາຄວາມ ປອດ ໄພແລະຊົນເຜົ່າທີ່ຄັດຄ້ານພວກເຂົາຢູ່ ເລື້ອຍໆ.
ໃນແຫ່ງອື່ນໆຢູ່ພາກຕາເວັນຕົກສຽງເໜືອຂອງປາກີສຖານນັ້ນ ພວກເຈົ້າໜ້າທີ່ກ່າວວ່າ ເຮືອ ບິນໂດຣນ ບໍ່ມີຄົນຂັບຂອງສະຫະລັດລໍານຶ່ງໄດ້ຕົກລົງ ໃກ້ເຂດຊາຍແດນຕິດກັບອັຟການີສຖານ.
ພວກເຈົ້າໜ້າທີ່ກ່າວວ່າ ຍົນບໍ່ມີຄົນຂັບລໍາດັ່ງກ່າວຕົກລົງເມື່ອແລງວັນເສົາໃນໝູ່ບ້ານ Jangara ໃນເຂດ Waziristan ໃຕ້ຂອງພວກຊົນເຜົ່າ.
ພວກເຈົ້າໜ້າທີ່ສະຫະລັດ ບໍ່ຮັບຮູ້ຢ່າງເປີດເຜີຍເຖິງການໃຊ້ຍົນບໍ່ມີຄົນຂັບ ທໍາການໂຈມ ຕີຢູ່ໃນປາກິສຖານ ແຕ່ກໍໄດ້ຢືນຢັນໃນທາງສ່ວນຕົວກັບແຫລ່ງຂ່າວຕ່າງໆ ພວກຜູ້ນໍາ ປາກິສຖານ ປະນາມການໂຈມຕີຂອງຍົນໂດຣນວ່າ ຝ່າຝືນອະທິປະໄຕຂອງປະເທດຕົນ.
