ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ທ່ານ Qadri ຮຽກຮ້ອງ ໃຫ້ລັດຖະບານ ປາກິສຖານ ລາອອກ


ບັນດາຜູ້ສະໜັບສະໜູນ ນັກສອນສາສະໜາ Sufi, ທ່ານ Muhammad Tahirul Qadri ກໍາລັງຍົກຍ້າຍອອກຈາກ ເມືອງຫລວງ Islamabad.
ບັນດາຜູ້ສະໜັບສະໜູນ ນັກສອນສາສະໜາ Sufi, ທ່ານ Muhammad Tahirul Qadri ກໍາລັງຍົກຍ້າຍອອກຈາກ ເມືອງຫລວງ Islamabad.
ນັກ​ສອນ​ສາສະໜາ​ອິສລາມຄົນ​ນຶ່ງ ທີ່​ນໍາພາ​ການ​ປະ​ທ້ວງ​ໃນ​ນະ
ຄອນ​ຫລວງ​ຂອງປາ​ກິ​ສຖານອາທິດ​ນີ້ຮຽກຮ້ອງ​ໃຫ້ລັດຖະບານ
ລາ​ອອກ​ໂດຍ​ກ່າວ​ວ່າ ທ່ານໄດ້​ບັນລຸ​ການ​ຕົກລົງເພື່ອ​ຍຸ​ຕິ​ການ​
ປະ​ທ້ວງ​ເປັນ​ເວລາ​ສີ່​ມື້​ແລ້ວ.

ທ່ານ Muhammad Tahir-ul Qadri ​ໄດ້​ກ່າວ​ຕໍ່​ບັນດາ​ຜູ້​ສະ
ໜັບສະ ໜຸນ​ ໃນ​ກຸງ Islamabad ​ໃນ​ວັນ​ພະ​ຫັດ​ວານ​ນີ້ວ່າ ທ່ານ​ໄດ້​ບັນລຸ​ການ​ຕົກລົງ​ກັບ
ລັດຖະບານ​ແລ້ວ ອັນ​ທີ່​ເອີ້ນວ່າ “ຄຳ​ປະກາດ Islamabad” ທີ່ລົງ​ນາມ​ໂດຍ ນັກ​ສອນ
ສາສະໜາ​ອິສລາມນິກາຍ Sufi ຊາວ​ກາ​ນາ​ເຊື້ອສາຍ​ປາ​ກິ​ສຖານ​ແລະ ນາຍົກລັດຖະ
ມົນ​ຕີ Raja Pevez Ashraf ​ກ່າວ​ວ່າ ສະພາ​ແຫ່ງ​ຊາດ​ອາດ​ຈະ​ຖືກ​ຍຸບ ເພື່ອ​ເຫັນ​ແກ່​ການ​ສ້າງຕັ້ງລັດຖະບານ​ຊົ່ວຄາວ ບໍ່​ເທົ່າ ​ໃດ​ມື້ກ່ອນ​ທີ່ອາຍຸ​ຂອງ​ສະພາ​ຈະ​ສິ້ນສຸດ​ລົງ​ໃນ​ວັນ​ທີ 15 ​ເດືອນມີນາ.

ທ່ານ Qadri ກ່າວ​ວ່າ​ ມັນ​ຈະ​ອຳນວຍ​ໃຫ້​ມີເວລາ 90 ມື້ ກ່ອນ​ຈະເຖິງ​ວັນ​ປ່ອນ​ບັດ​ເລືອກ​ຕັ້ງສະມາ​ຊິກ​ສະພາຊຸດ​ໃໝ່​ເພື່ອ​ກວດ​ສອບ​ບັນດາ​ນັກ​ການ​ເມືອງ ທີ່​ຈະ​ເຂົ້າຮ່ວມ​ການ​ເລືອກ​ຕັ້ງ​ນັ້ນ.

ຜູ້​ສະໜັບສະໜຸນທ່ານ Qadri ຫຼາຍ​ສິບ​ພັນ​ຄົນ​ເລີ້ມພາກັນໄປ​ເຕົ້າ​ໂຮມ​ກັນ​ທີ່ນະຫລວງ ​ໃນ​ວັນ​ຈັນຜ່ານ​ມາ.

ໃນ​ຕອນເຊົ້າ​ຂອງ​ວັນ​ພະຫັດຜ່ານ​ມານີ້ທ່ານ Fasih Bokhari ຫົວໜ້າ​ ຫ້ອງການຕໍ່ຕ້ານ​ການ​ສໍ້​ລາດ​ບັງ​ຫລວງ​ຂອງປາ​ກິ​ສຖານ ​ກ່າວ​ຕໍ່ສານ​ສູງ​ສຸດ​ຂອງປາ​ກິ​ສຖານວ່າ ທ່ານບໍ່​ມີ​ຫລັກ​ຖານ​ພ່ຽງພໍ ທີ່​ຈະ​ຈັບ​ກຸມ ນາຍົກ ລັດຖະມົນຕີ Ashraf ​ໃນ​ຂໍ້​ຫາ​ສໍ້​ລາດ​ບັງ​ຫລວງ.

ກ່ຽວຂ້ອງກັນ

XS
SM
MD
LG