ທ່ານຍົງ ຈັນທະລັງສີ ເອກອັກຄະລັດຖະທູດລາວປະຈໍາ
ສະວີດເຊີແລນດ໌ ໄດ້ໃຫ້ການຢືນຢັນກັບວີໂອເອ ວ່າ ການ
ດໍາເນີນແຜນການເສີມສ້າງການປອງດອງ ລະຫວ່າງຄົນ
ລາວດ້ວຍກັນຂອງທາງການລາວໄດ້ຮັບການຕອບສະໜອງ
ເປັນຢ່າງດີຈາກຄົນລາວໃນຕ່າງປະເທດ ດັ່ງຈະເຫັນໄດ້ຢ່າງ
ຊັດເຈນຈາກການທີ່ປາກົດວ່າ ມີຄົນລາວຈາກຕ່າງປະເທດ
ຈໍານວນຫລາຍກວ່າໝື່ນຄົນ ທັງທີ່ຖືກເຊີນແລະສະມັກໃຈ
ດ້ວຍຕົນເອງ ເດີນທາງກັບຄືນໄປລາວເພື່ອເຂົ້າຮ່ວມໃນ
ການສະເຫລີມສະຫລອງການສະຖາປະນາວຽງຈັນເປັນ
ນະຄອນຫລວງຂອງລາວຄົບຮອບ 450 ປີ ໃນລະຫວ່າງ
ວັນທີ່ 15-21 ເດືອນພະຈິກທີ່ຜ່ານມານີ້ ດັ່ງທີ່ທ່ານຍົງໄດ້ໃຫ້ການຊີ້ແຈງໃນຕອນນຶ່ງວ່າ:
“ເຊື້ອເຊີນຢ່າງເປັນທາງການໃນເທື່ອນີ້ກໍມີຢູ່ລະຫວ່າງ 400 ແຕ່ວ່າມາແບບບໍ່ເປັນ ທາງການ ບໍ່ເປັນ ແຂກຫລືຜູ້ແທນນີ້ນັບເປັນໝື່ນເທື່ອນີ້ນີ້ເຫັນໄດ້ຈາກການທີ່ລັດຖະ ບານລາວໄດ້ປະກາດແບບວ່າບໍ່ ເກັບຫລືຍົກເວັ້ນຄ່າທໍານຽມໃນການອອກວີຊ້ານີ້ ບັນດາສະຖານທູດຕ່າງໆນີ້ແມ່ນແບບວ່າໄດ້ເພີ່ມທະວີ ວຽກງານໃນການອອກວິຊ້າ ທັງວັນທັງຄືນນີ້ມີຫລາຍບ່ອນ ຈຶ່ງຈະສາມາດຕອບສະໜອງຄວາມຮຽກຮ້ອງ ຕ້ອງ ການທີ່ເພີ່ມທະວີຂອງພວກເຂົາເຈົ້າໄດ້.”
ທາງການລາວໄດ້ຍົກເວັ້ນການເກັບຄ່າທໍານຽມວິຊ້າໃຫ້ກັບບັນດາຄົນລາວຈາກຕ່າງປະເທດ
ທຸກຄົນ ທີ່ຕ້ອງການຈະເດີນທາງກັບຄືນໄປລາວໃນໂອກາດການສະເຫລີມສະຫລອງນະຄອນ
ວຽງຈັນຄົບຮອບ 450 ດັ່ງກ່າວ. ກ່ອນໜ້ານີ້ ທ່ານຫຽມ ພົມມະຈັນ ລັດຖະມົນຕີ ຊ່ວຍວ່າ
ການຕ່າງປະເທດຂອງລາວ ກໍໄດ້ໃຫ້ການຢືນຢັນວ່າ ທາງການລາວຈະອໍານວຍຄວາມສະ
ດວກໃຫ້ແກ່ຄົນລາວຈາກຕ່າງປະເທດໃນທຸກດ້ານໃນໄລະຍະຕໍ່ໄປນີ້ ເຊັ່ນການແຕ່ງດອງ ລະຫວ່າງຄົນລາວທີ່ຢູ່ພາຍໃນປະເທດ ກັບຄົນລາວທີ່ຢູ່ນອກປະເທດ ຫລືວ່າຕ້ອງການມາຢູ່
ລາວຢ່າງຖາວອນນັ້ນ ຈະອໍານວຍຄວາມສະດວກໃນດ້ານນິຕິກໍາໃຫ້ໃນລັກສະນະທີ່ບໍ່ໃຫ້ສູນ
ເສຍຜົນປະໂຫຍດ ທີ່ມີຢູ່ໃນຕ່າງປະເທດແຕ່ຢ່າງໃດ ລວມທັງຍັງຈະມີກໍາມະສິດໃນບ່ອນຢູ່
ອາໃສໃນລາວ ດ້ວຍເປັນຕົ້ນ.
ນິຕິກໍາທີ່ສໍາຄັນອັນນຶ່ງທີ່ທາງການກະຊວງຕ່າງປະເທດຂອງລາວໄດ້ດໍາເນີນການຮ່າງ ແລະ
ຈັດທໍາໃຫ້ສຳເລັດຮຽບຮ້ອຍແລ້ວ ໂດຍຍັງຄົງລໍຖ້າພຽງການອະນຸມັດຈາກນາຍົກລັດຖະມົນ
ຕີຢ່າງເປັນທາງການເທົ່ານັ້ນ ໃນຂະນະນີ້ ກໍຄືດໍາລັດວ່າດ້ວຍການໃຫ້ສິດທິໃນການຖືຄອງ ແລະເປັນເຈົ້າຂອງທີ່ດິນໃນລາວແກ່ຄົນລາວໃນຕ່າງປະເທດທີ່ຕ້ອງ ການຈະເດີນທາງກັບຄືນ ມາຢູ່ໃນລາວຢ່າງຖາວອນ. ທາງດ້ານທ່ານຫລີ ບຸນຄໍ້າ ຫົວໜ້າກົມພົວພັນຄົນລາວ ໃນຕ່າງ ປະເທດ ກະຊວງການຕ່າງປະເທດຂອງລາວນັ້ນ ກໍໄດ້ຖະແຫລງຢືນຢັນວ່າຜົນຈາກການສຶກ ສາວິໄຈກ່ຽວກັບການ ສະໜັບສະໜຸນສົ່ງເສີມແລະອໍານວຍຄວາມສະດວກໃຫ້ຄົນລາວໃນຕ່າງ ປະເທດພາກັນເດີນທາງກັບຄືນມາລາວນັ້ນພົບ ວ່າຈະສົ່ງຜົນດີຢ່າງຍິ່ງຕໍ່ການພັດທະນາລາວ ໃຫ້ຈະເຣີນກ້າວໜ້າຢ່າງເທົ່າທັນກັບ ບັນດາປະເທດໃນພູມິພາກເອເຊຍຕາເວັນອອກສຽງໃຕ້ ດ້ວຍກັນ ແລະໃນພູມິພາກອື່ນໆຕໍ່ໄປ.
ທາງລັດຖະບານລາວໄດ້ປະກາດການດໍາເນີນນະໂຍບາຍດຶງດູດເອົາຄົນລາວໃນຕ່າງປະເທດ
ກັບຄືນມາລາວນັບແຕ່ ທ້າຍປີ 2009 ເປັນຕົ້ນມາດ້ວຍຫວັງວ່າຄົນລາວໃນຕ່າງປະເທດນັ້ນ
ຈະປະກອບສ່ວນຢ່າງສໍາຄັນເຂົ້າໃນການພັດທ ນາປະເທດລາວໃຫ້ມີຄວາມຈະເຣີນກ້າວໜ້າ
ຍິ່ງໆຂຶ້ນໄປ ເນື່ອງຈາກວ່າມີຄົນລາວໃນຕ່າງປະເທດຈໍານວນບໍ່ໜ້ອຍ ທີ່ມີຄວາມຮູ້ຄວາມສາ ມາດໃນວິທະຍາການສະໄໝໃໝ່ ລວມທັງຍັງກໍຍັງມີເງິນທຶນທີ່ສາມາດຈະນໍາເຂົ້າມາລົງທຶນ ໃນລາວໄດ້ຫລາຍຂຶ້ນນັບມື້ອີກດ້ວຍ.
