ລິ້ງ ສຳຫລັບເຂົ້າຫາ

ມີຄວາມຫວັງຂຶ້ນມາໃໝ່ ກ່ຽວກັບ ການປິ່ນປົວພະຍາດ ໂຣກມະເຮັງຮວຍໄຂ່ (ເບິ່ງວີດີໂອລາວ/ອັງກິດ)

  • Rosanne Skirble
  • ດາຣາ ບັກຄໍາ

ມີຄວາມຫວັງຂຶ້ນມາໃໝ່ ກ່ຽວກັບ ການປິ່ນປົວພະຍາດ ໂຣກມະເຮັງຮວຍໄຂ່ (ເບິ່ງວີດີໂອລາວ/ອັງກິດ)

ມີ​ການເອີ້ນ ໂຣກມະເຮັງຮວຍໄຂ່ວ່າ “ເພັດຊະຄາດງຽບ” ທັງນີ້ກໍເນື່ອງ​ຈາກວ່າ ພໍອາການ ຂອງພະຍາດ​ດັ່ງກ່າວປະກົດໃຫ້ເຫັນແລະຖືກ​ວິນິດ​​ໃສ ໂດຍທົ່ວໄປເລ້ວ ກໍມັກຈະຫລ້າສວຍ ເກີນກ່ວາ​ທີ່ຈະປິ່ນປົວໄດ້. ​ໃນ​ປີ​ກາຍນີ້ ມີ​ຜູ້ຍິງ 22 ພັນ​ຄົນຢູ່​ໃນ​ສະຫະລັດ ​ທີ່​ໄດ້​ຖືກ​ວິ​ນິດ ​​ໃສວ່າ ​ເປັນ​ພະຍາດ​ນີ້. ​ໃນ​ນັ້ນມີ 14 ພັນ​ຄົນ ​​ເສຍ​ຊີວິດ​ໄປແລ້ວ. ສ່ວນ​ຢູ່​ໃນ​ທົ່ວ​ໂລກ​ນັ້ນ ຄາດ​ຄະ​ເນກັນ​ວ່າມີ​ຄົນ​ເປັນ​ພະຍາດ​ນີ້ລາຍ​ໃໝ່ຫລາຍ​ກວ່າ ສອງ​ແສນ​ຄົນ ​ໃນ​ແຕ່ລະ​ປີ. ​ແລະ ​ອາການສະ​ແດງ​ອອກ​ຂອງ​ພະຍາດໃນ​ຄົນ​ກຸ່ມ​ນີ້ ​ແມ່ນໜ້າຢ້ານ​ກົວ. ຢ່າງ​ໃດ​ກໍ​ຕາມ ຜູ້​ສື່​ຂ່າວ ​​ວີ​ໂອ​ເອ Rosanne Skirble ລາຍ​ງານ​ວ່າ ປາກົດ​ວ່າ​ມີ​ຄວາມ​ຫວັງ​ຂຶ້ນ​ມາ​ໃໝ່ ກ່ຽວ​ກັບການ ​ປິ່ນປົວ​ພະ​ຍາດ​ນີ້ ຊຶ່ງດາ​ຣາຈະ​ນໍາ​ມາສະ​ເໜີທ່ານ​.

ເບິ່ງວິດິໂອລາຍງານຂ່າວພາສາລາວ

ຕອນ​ທີ່ນາຍ​ແພດກວດ​ພົບ​ວ່າ Sheila Connor ເປັນໂຣກມະເຮັງຮວຍໄຂ່ໃນປີ 2007
ນັ້ນກໍແມ່ນວ່າ ພະຍາດດັ່ງກ່າວໄດ້ເຖິງຂັ້ນທີ່ເປັນມາຫລາຍແລ້ວ. ນາງ Connor ໄດ້ຮັບ​
ການຜ່າຕັດ ແລະບໍາບັດທາງເຄມີ ຫລື chemotherapy. ແຕ່ວ່າ ພະຍາດ​ນັ້ນ​ກໍກັບຄືນ
ມາເປັນໃໝ່ອີກ ຮອດ 4 ​ເທື່ອໃນ​ໄລຍະເວລາ 4 ປີຕໍ່ມາ. Sheila Connor ເວົ້າວ່າ:

“​ໄລຍະທີ່​ມັນ​ເຊົາ​ເປັນ​ດົນ​ທີ່​ສຸດ ​ແມ່ນປະມານ 8 ​ເດືອນ.”

ນາງ Connor ​ໄດ້​ລອງ​ກິນ​ຢາຫລາຍໆຊະນິດ​ຕ່າງ​ກັນ. ຢາ​ບາງ​ຊະນິດ ກໍ​ໃຊ້​ການ​ໄດ້​ພຽງ
ໄລຍະ​ນຶ່ງ​ເທົ່າ​ນັ້ນ. ສ່ວນ​ຊະນິດ​ອື່ນ​ກໍ​ເຮັດ​ໃຫ້​ນາງ​ມີ ອາການ​ແຊກ​ຊ້ອນ. ​ຫວ່າງ​ໝໍ່ໆມານີ້
ນາງ​ໄດ້​ຢຸດ​ເຊົາ​ການ​ປິ່ນປົວ ​ແລະ​ກໍ​ບໍ່​ແນ່​ໃຈວ່າອາການຂອງ​ນາງ​ຈະ​ເປັນ​ແນວ​ໃດ​ໃນ​ອະນາ
ຄົດ​. Laura Shawver ຊຶ່ງ​ເປັນ​ນັກຄົ້ນຄວ້າດ້ານ​ໂຣກມະ​ເຮັງ, ນັກ​ພັດທະນາ​ຢາ​ເພື່ອ​ຂາຍ
ແລະ​ກໍ​ເປັນ​ຜູ້​ນຶ່ງທີ່ລອດຊີວິດ​ຈາກໂຣກ​ມະ​ເຮັງຮວຍໄຂ່ມາ​ໄດ້ 5 ປີ​ແລ້ວນັ້ນ ​ເວົ້າວ່າ ສະພາບ
​ການ​ແບບ​ນັ້ນແມ່ນ​ເປັນ​ຂອງ​ທໍາ​ມະ​ດາ.

“ພວກຜູ້ຍິງ​ທີ່ເປັນ​ໂຣກນີ້ ​ແມ່ນ​ຈະ​ໄດ້ຮັບ​ການ​ບໍາບັດ​ທາງ​ເຄມີ​ເປັນ ຫລາຍງວດ
​ລຽນຕິດ ລຽນຕໍ່ກັນ ຊຶ່ງ​ພາ​ໃຫ້ພວກ​ເຂົາ​ເຈົ້າ​ສູນ​ເສຍຄວາມ​ມີ​ຄຸນ​ນະພາ​ບຂອງ​
ຊີວິດ ແລະ​ໃນ​ທີ່​ສຸດພວກ​ເຂົາ​ເຈົ້າກໍ​ຕ້ອງຍອມຈໍານົນຕໍ່ພະຍາດນີ້.”

ອັດຕາການກັບ​ຄືນ​ມາຂອງໂຣກມະ​ເຮັງ​ຮວຍ​ໄຂ່ ຫລັງ​ຈາກ​ໄດ້​ຮັບ​ການ​ປິ່ນປົວ​ໄປແລ້ວ​ນັ້ນ
ແມ່ນ 75%. Laura Shawver ​ເວົ້າວ່າ ມັນ​ເປັນ​ພະຍາດ​ທີ່​ປົວ​ຍາກ​ຊະນິດ​ນຶ່ງ ​ເພາະວ່າ
ເນື້ອງອກ​ຂອງ​ພະຍາດ​ນີ້ ​ແຕ່​ລະ​ອັນແມ່ນ​ແຕກ​ຕ່າງ​ກັນ​ຫລາຍ ​ແລະ​ແຕ່​ລະ​ອັນ​ນັ້ນກໍ​ມີ
ປະຕິ​ກິລິຍາ​ໂຕ້​ຕອບ ຕ່າງ​ກັນ ​ຕໍ່ຢາແຕ່​ລະ​ຊະນິດທີ່​ມີໃຊ້​ປິ່ນປົວ​ນັ້ນ.

ສະຫລູບ​ແລ້ວ ມັນ​ເປັນ​ການ​ສຸ່ມເລືອກ​ເອົາ​ຢາ​ມາ​ປົວ ​ແລະໂດຍ​ສ່ວນ​ໃຫຍ່​ແລ້ວ
ຄົນ​ເຈັບ​ມັກ​ຈະໄດ້​ຮັບ​ພິດຮ້າຍຈາກ​ຢາໂດຍ​ບໍ່ໄດ້​ຮັບປະ​ໂຫຍ​ດອັນ​ໃດ
.”

ນາງ Laura Shawver ທີ່ຈັດຕັ້ງມູນນິທິ Clarity Foundation ຂຶ້ນມາ ເພື່ອແກ້ໄຂບັນຫາໂຣກມະ​ເຮັງ​ຮວຍ​ໄຂ່ ໄດ້ຈັດການແລ່ນ ເພື່ອລະດົມທຶນເຂົ້າໃຊ້ໃນການສ້າງພາບປະກອບ​ລວມຂອງ​ເນື້ອ​ງອກ​ ຂອງຄົນເຈັບທີ່ເປັນ ໂຣກມະ​ເຮັງ​ຮວຍ​ໄຂ່ ຂຶ້ນໃນຕົ້ນເດືອນ ມັງກອນນີ້
ນາງ Laura Shawver ທີ່ຈັດຕັ້ງມູນນິທິ Clarity Foundation ຂຶ້ນມາ ເພື່ອແກ້ໄຂບັນຫາໂຣກມະ​ເຮັງ​ຮວຍ​ໄຂ່ ໄດ້ຈັດການແລ່ນ ເພື່ອລະດົມທຶນເຂົ້າໃຊ້ໃນການສ້າງພາບປະກອບ​ລວມຂອງ​ເນື້ອ​ງອກ​ ຂອງຄົນເຈັບທີ່ເປັນ ໂຣກມະ​ເຮັງ​ຮວຍ​ໄຂ່ ຂຶ້ນໃນຕົ້ນເດືອນ ມັງກອນນີ້

Laura Shawver ​ໄດ້​ເລີ້ມ
ຈັດຕັ້ງ ມູນ​ນິທິ Clarity
Foundation ​ຂຶ້ນມາ ເພື່ອ
ແກ້​ໄຂ​ບັນຫານີ້. ອົງການ
ທີ່​ບໍ່​ຫາ​ຜົນ​ກໍາ​ໄລ​ອັນ​ນີ້
ສະ​ໜອງພາບ​ປະກອບ​ລວມ
ຂອງ​ເນື້ອງອກຂອງພວກ
ຄົນ​ເຈັບ​ໃຫ້​ເຂົາ​ເຈົ້າ​ເບິ່ງ.
ມູນ​ນິທິ Clarity ​ປຽບທຽບ
ເນື້ອງອກ​ຂອງ​ພະຍາດມະ
ເຮັງຮວຍ​ໄຂ່ທີ່​ຕາຍ​ແລ້ວ​ນັ້ນ
ກັບ​ເນື້ອງອກ​ຂອງ​ມະ​ເຮັງ
ອື່ນໆ ຢູ່​ໃນ​ຖານ​ເກັບ​ຂໍ້​ມູນ
ຂອງ​ຕົນ.


ນອກ​ນີ້​ແລ້ວ ກໍຍັງກວດ​ຫາເຄື່ອງໝາຍທາງ​ຊີວະ​ພາບ ທີ່​ຊີ້​ໃຫ້​ເຫັນ​ວ່າ ​ເນື້ອງອກ​ນັ້ນໆ
ອາດ​ຈະ​ມີ​ປະຕິກິລິຍາ​ຕອບໂຕ້​ແນວ​ໃດຕໍ່ຢາ ບາງ​ຢ່າງທີ່​ໃຊ້​ບໍາບັດ​ທາງ​ເຄມີ ​ເພື່ອ​ຢັບຢັ້ງ
ການ​ເຕີບ​ໂຕ​ຂອງແຊ​ລ ຫລື ​ເນື້ອ​ເຫຍື່ອຢູ່​ໃນ​ໂຣກມະ​ເຮັງ​ປະ​ເພດ​ອື່ນ.

“ພວກເຮົາກໍາລັງພະຍາຍາມຊ່ວຍ ຈັດລໍາດັບຄວາມສໍາຄັນຂອງທາງເລືອກຕ່າງໆ
ສໍາລັບ​ການ​ປິ່ນປົວນັ້ນ. ຖ້າຫາກວ່າທາງເລືອກເຫລົ່ານັ້ນ ບໍ່ມີປະໂຫຍດສໍາລັບ
ບຸກຄົນນັ້ນ ພວກເຮົາກໍພະຍາຍາມຊ່ວຍໃນການຊອກຫາການທົດລອງ ທາງດ້ານ
ປິ່ນປົວໃນຄລີນິກ ທີ່ມີປະໂຫຍດຕໍ່ຜູ້ກ່ຽວ​. ​ໂດຍ​ພື້ນຖານ​ແລ້ວ ກໍ​ແມ່ນຫາ​ທາງ​ປິ່ນ
ປົວຄົນເຈັບນັ້ນ​ເອງ.”

ການສ້າງພາບປະກອບ​ລວມຂອງ​ເນື້ອ​ງອກ​ ໄດ້ກາຍເປັນມາດຕະຖານ ສໍາລັບປິ່ນປົວໂຣກ
ມະເຮັງຊະນິດອື່ນຢູ່ແລ້ວ. ວິທີນີ້ຫາກໍຖືກ​ນໍາ​ມາ​ໃຊ້ ສໍາລັບໂຣກມະ​ເຮັງ​ຮວຍ​ໄຂ່ ​ເມື່ອໝໍ່ໆ​ມາ
ນີ້ເອງ ໂດຍຜ່ານມູນ​ນິທິ Clarity. ເຖິງແມ່ນວ່າ ຂັ້ນຕອນການປິ່ນປົວແບບນີ້ ຍັງບໍ່ມີໃນ
ຕອນທີ່ ໂຣກມະ​ເຮັງ​ຮວຍ​ໄຂ່ຂອງນາງ Sheila Connor ກັບຄືນມາອີກ​ເທື່ອທໍາ​ອິດ​ນັ້ນກໍ​
ຕາມ ​ແຕ່ນາງກໍກ່າວວ່າ ມັນຈະຊ່ວຍໃຫ້ພວກຜູ້ອື່ນທໍາການ ຕັດສິນໃຈ​ແບບທີ່ອິງ​ໃສ່​ຂໍ້​ມູນ
​ອັນຖີ່ຖ້ວນ ​ໄດ້ຕັ້ງແຕ່ຫົວທີໃນການປິ່ນປົວ ພະຍາດຂອງພວກເຂົາເຈົ້ານັ້ນ.

“ຖ້າເຮົາຮູ້​ໄດ້​ວ່າ ເຮົາຈະຕອບ​ຮັບ​ຫລືບໍ່ຕອບ​ຮັບຕໍ່ຢາພວກນີ້ ເຮົາກໍ​ຈະສາມາດຫັນ
​ໄປທົດລອງວິທີອື່ນ ທົດ​ລອງໃຊ້ຢາມາດຕະຖານອື່ນ ແລະບາດ​ແລ້ວ ​ເຮົາກໍຮູ້ໄດ້ໂລດ
ວ່າ ​ເຮົາ​ຈໍາ​ເປັນ​ຕ້ອງ​ໄປ​ຮັບການປິ່ນປົວທົດລອງທາງຄລີ ນິກ.”

ນັ້ນກໍຄືວິທີ ທີ່ Laura Shawver ຕັ້ງໃຈຈະ​ເຮັດ​ເພື່ອ​ຈະປ່ຽນ​ແປງວິທີ ການປິ່ນປົວໂຣກມະ​
ເຮັງ​ຮວຍ​ໄຂ່: ກໍ​ຄື​ ປົວຄົນເຈັບເທື່ອລະຄົນໄປ. ນາງກ່າວວ່າ ວິທີການນີ້ບໍ່ພຽງແຕ່ສາມາດປັບ
ປຸງຄຸນນະພາບຊີວິດຂອງຜູ້ຍິງ ທີ່​ເປັນໂຣກມະ​ເຮັງ​ຮວຍ​ໄຂ່​ທີ່ກັບຄືນມາເປັນອີກເທົ່ານັ້ນ ມັນ
ຍັງອາດ​ຈະ​ພາໃຫ້ມີການພັດທະນາຢາໃໝ່ສະເພາະໃດນຶ່ງອີກ ສໍາລັບພະຍາດທີ່ກັນດານອັນນີ້.

ເບິ່ງວີດີໂອ ພາສາອັງກິດ:

XS
SM
MD
LG