ອົງການຂ່າວຕ່າງໆໃນສະຫະລັດ ກ່າວວ່າ ປະທານອົງການຄຸ້ມ
ຄອງເຕະບານໂລກ ຫຼື FIFA ທ່ານ Sepp Blatter ກຳລັງຖືກ
ສືບສວນໃນສະຫະລັດທີ່ພົວ ພັນກັບຂ່າວສໍ້ໂກງນອງນັນ ກ່ຽວ
ກັບອົງການຄຸ້ມຄອງເຕະບານໂລກ.
ລາຍງານຂ່າວແຈ້ງວ່າ ທ່ານ Blatter ອາຍຸ 79 ປີ ໄດ້ເປັນເປົ້າ
ໝາຍ ຂອງການສືບສວນໂດຍໄອຍະການລັດຖະບານກາງ
ແລະເຈົ້າໜ້າທີ່ສັນຕິບານກາງ FBI ໄດ້ມີຂື້ນບໍ່ເທົ່າໃດຊົ່ວໂມງ
ຫລັງຈາກທ່ານໄດ້ລາອອກຈາກໜ້າທີ່ຢ່າງກະ ທັນຫັນ ໃນລະ
ຫວ່າງກອງປະຊຸມນັກຂ່າວທີ່ນະຄອນ Zurich. ທ່ານ Blatter
ທີ່ຫາກໍ່ໄດ້ຮັບເລືອກໃໝ່ໆເປັນສະໄໝທີຫ້າ ເພື່ອເຂົ້າຮັບຕຳແໜ່ງເປັນປະທານ ອົງການຄຸ້ມຄອງເຕະບານໂລກ ໃນວັນສຸກແລ້ວນີ້ຮັບຮູ້ວ່າ ທ່ານບໍ່ໄດ້ “ຮັບສິດ ອຳນາດຈາກກິລາ
ເຕະບານໂລກທັງໝົດ ບັນດາແຟນໆ ພວກນັກເຕະບານ ສະໂມສອນຕ່າງໆ ຜູ້ຄົນທີ່ມີຊີ
ວິດຢູ່ ຫາຍໃຈ ແລະຮັກກິລາເຕະບານ ຫລາຍເທົ່າກັບພວກເຮົາປະຕິບັດຢູ່ອົງການ FIFA.”
ທ່ານຍອມຮັບວ່າ “ອົງການ FIFA ຈຳເປັນຕ້ອງໄດ້ມີການປ່ຽນແປງໂຄງສ້າງ ໃໝ່ຢ່າງ
ເລິກເຊິ່ງ” ແລະໄດ້ໃຫ້ຄຳໜັ້ນສັນຍາ ຄວາມໝັ້ນໝາຍຂອງທ່ານ ກໍ ແມ່ນເປົ້າໝາຍດັ່ງກ່າວ.
ບັນດາຜູ້ໃຫ້ຄວາມອຸບປະຖໍາເປັນມູນຄ່າຫຼາຍໆລ້ານໂດລາ ແກ່ອົງການ FIFA ຈຳນວນ
ນຶ່ງ ໄດ້ສັນລະເສີນການຕັດສິນໃຈຂອງທ່ານ Blatter ໃນການລາອອກ. ບໍລິສັດຜະລິດ
ເຄື່ອງດື່ມ Coca-Cola ກ່າວວ່າ ມັນເປັນ “ບາດກ້າວໃນ ທາງບວກ ເພື່ອເຫັນແກ່ກິລາເຕະບານ ແລະ ບັນດາແຟນໆ.”
ທ່ານ Chung Mong-joon ທາຍາດບໍລິສັດພັນລ້ານ Hyandai ຂອງເກົາຫລີໃຕ້ ແລະ
ອະດີດສະມາຊິກ ຄະນະກຳມະການບໍລິຫານອົງການ FIFA ໄດ້ປະກາດ ໃນວັນພຸດມື້ນີ້
ທີ່ນະຄອນໂຊລວ່າ ທ່ານກຳລັງພິຈາລະນາທີ່ຈະລົງສະໝັກແລ່ນ ເປັນປະທານອົງການ
FIFA.
