ທ່າມກາງການໂຄສະນາຫາສຽງເພື່ອແຂ່ງຂັນເອົາຕຳແໜ່ງປະ
ທານາທິບໍດີສະຫະລັດ ທີ່ໄດ້ທ້າທາຍ ຕໍ່ແບບຢ່າງ ທີ່ເຄີຍມີມາ
ກອ່ນແລະຄວາມຄາດໝາຍໃນການໂຕ້ຖຽງກັນຢ່າງເຜັດຮ້ອນ
ກ່ຽວກັບເລື້ອງຄົນເຂົ້າເມືອງ ລະຫວ່າງຜູ້ສະມັກຂອງພັກຣີພັບ
ບລິກັນ ທີ່ມີຄະແນນສຽງນຳໜ້າ ທ່ານ Donald Trump ແລະ
ຜູ້ນຳຂອງສາສະໜາຄາໂທລິກ ພະສັນຕະປາປາ Francis ເວ
ລານີ້ກຳລັງຄອບງໍາການສົນທະນາຂອງຜູ້ຄົນ.
ໃນຂະນະທີ່ບິນກັບຄືນສູ່ນະຄອນ Rome ຫຼັງຈາກຢ້ຽມຢາມ
ເມັກຊິໂກແລ້ວນັ້ນ ນັກຂ່າວຄົນໜຶ່ງຖາມ ພະສັນຕະປາປາກ່ຽວ
ກັບແຜນຂອງທ່ານ Trump ທີ່ຈະສ້າງກຳແພງໃຫຍ່ຢູ່ຊາຍແດນ
ສະຫະລັດ ຕິດກັບ ເມັກຊິໂກ. ພະສັນຕະປາປາ ຊົງກ່າວວ່າ “ບຸກຄົນທີ່ຄິດພຽງແຕ່ການສ້າງກຳແພງ ຢູ່ບ່ອນໃດກໍຕາມ ແລະບໍ່ເຄີຍຄິດທີ່ຈະສ້າງຂົວນັ້ນ ບໍ່ແມ່ນຄຣິສຕຽນ.”
ຢູ່ໃນການໂຄສະນາຫາສຽງ ທີ່ລັດ South Carolina ໃນວັນພະຫັດວານນີ້ ມະຫາເສດຖີ Trump ໄດ້ຕອບຢ່າງວ່ອງໄວ ໂດຍກ່າວວ່າ ຄຳຖາມຂອງພະສັນຕະປາປາ ກ່ຽວກັບ
ຄວາມເຊື່ອຖືຂອງທ່ານນັ້ນ “ບໍ່ເປັນທີ່ໜ້ານັບຖື.” ຢູ່ໃນ ລາຍຕອບຄຳຖາມ ທີ່ມີການຖ່າຍ
ທອດທາງໂທລະພາບທົ່ວປະເທດ ຂອງພັກ ຣີພັບບລິກັນ ໃນຕອນແລງວັນພະຫັດວານນີ້ ໂດຍໂທລະພາບ CNN ທ່ານ Trump ປາກົດວ່າເອົາທ່າທີອ່ອນລົງ. ທ່ານ ກ່າວວ່າ ທ່ານມີຄວາມເຄົາລົບຫລາຍທີ່ສຸດຕໍ່ພະສັນຕະປາປາ ທີ່ພະສັນຕະປາປາ Francis ໄດ້ມີນິໃສໃຈຄໍຫລາຍຢ່າງ ແລະພະອົງອາດຈະໄດ້ຮັບຂໍ້ມູນທີ່ຜິດພາດ ກ່ຽວກັບແຜນຊາຍແດນຂອງລາວ.
‘
