ຮູບເງົາສີຂາວດໍາເລື່ອງ The Artist ໄດ້ຮັບລາງວັນຫລາຍກ່ວາໝູ່ໃນການປະກາດລາງວັນ
ຕຸກກະຕໍາຄໍາ ຫລື Oscar ຄັ້ງທີ 84 ໃນຄືນວັນອາທິດວານນີ້ ໂດຍໄດ້ຮັບລາງວັນຮູບເງົາ
ດີເດ່ນ, ຜູ້ກໍາກັບດີເດັ່ນ ແລະນັກສະແດງນໍາຍອດຍ້ຽມຝ່າຍຊາຍ.
ດາລາຊາວຝຣັ່ງ Jean Dujardin ໄດ້ຮັບລາງວັນນັກສະແດງນໍາຊາຍຍອດຍ້ຽມ ສໍາລັບ
ບົດບາດຂອງລາວ ໃນຮູບເງົາດັ່ງກ່າວ ທີ່ເປັນເລື່ອງລາວຂອງການຕໍ່ສູ້ຂອງນັກສະແດງ
ຮູບເງົາໃນສະໄໝຍຸກກືກ ຫລືບໍ່ມີສຽງນັ້ນ ໃນຂະນະທີ່ Michel Hazanavicius ໄດ້ຮັບ
ລາງວັນຜູ້ກໍາກັບດີເດ່ນ
ດາລາຍິງຊາວອາເມຣິກັນ Meryl Streep ໄດ້ຊະນະລາງວັນ Oscar ເປັນຄັ້ງທີ່ 3
ໃນຖານະນັກສະແດງນໍາຍິງຍອດຍ້ຽມ ໃນບົດບາດຂອງນາງທີ່ສະແດງ ເປັນອະດີດນາຍົກ
ລັດຖະມົນຕີອັງກິດທ່ ານນາງ Margaret Thatcher ໃນຮູບເງົາເລື່ອງ The Iron Lady.
Christopher Plummer ໄວ 82 ປີ ໄດ້ສ້າງປະຫວັດສາດ ໂດຍໄດ້ເປັນນັກສະແດງ
ທີ່ມີອາຍຸສູງສຸດ ທີ່ໄດ້ຮັບລາງວັນ Oscar ສໍາລັບນັກສະແດງປະກອບຍອດຍ້ຽມໃນຮູບ
ເງົາເລື່ອງ Beginners ທີ່ລາວຮັບບົດເປັນພໍ່ໝ້າຍສູງອາຍຸ ທີ່ບໍ່ອັບອາຍຕໍ່ການເປັນຄົນ
ທີ່ມັກມີເພດສໍາພັນຮ່ວມກັບຄົນເພດດຽວກັນ.
ສ່ວນດາລາຮູບເງົາຊາວຜິວດໍາ Octavia Spencer ໄດ້ຮັບໃຫ້ກຽດຈາກເພື່ອນຮ່ວມອາຊີບ
ທີ່ລຸກຢືນຕົບມືໃຫ້ນາງ ທີ່ໄດ້ຮັບລາງວັນນັກສະແດງປະກອບທີ່ຍອດຍ້ຽມໃນເລື່ອງ
The Help. ຊຶ່ງນາງເປັນຜູ້ນຶ່ງໃນສອງ ນັກສະແດງທີ່ຖືກສະເໜີຊື່ເຂົ້າແຂ່ງຂັນຈາກຮູບເງົາ
ເລື່ອງດັ່ງກ່າວ ຊຶ່ງເປັນເລື່ອງລາວຂອງຄົນຮັບ ໃຊ້ຊາວ African-American ຢູ່ໃນພາກໃຕ້
ຂອງສະຫະລັດ ທີ່ມີການແບ່ງ ແຍກຜີວພັນໃນຊຸມປີ 1960 ນັ້ນ.
