ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຊາວຄຣິສຕຽນ ນິກາຍ Orthodox ສະຫຼອງ ວັນອີສເຕີ


 ພະສັງຄະລາດ Kirill ນິກາຍ Orthodox (ກາງ) ທຳພິທີສາສະໜາ ສະຫຼອງວັນອີສເຕີ ທີ່ໂບດ Christ the Savior Cathedral ທີ່ມົສກູ, ຣັດເຊຍ, ວັນທີ 12 ເມສາ 2015.
ພະສັງຄະລາດ Kirill ນິກາຍ Orthodox (ກາງ) ທຳພິທີສາສະໜາ ສະຫຼອງວັນອີສເຕີ ທີ່ໂບດ Christ the Savior Cathedral ທີ່ມົສກູ, ຣັດເຊຍ, ວັນທີ 12 ເມສາ 2015.

ຊາວ​ຄຣິສຕຽນ ນິກາຍ Orthodox ​ໃນ​ທົ່ວ​ໂລກ​ ພາກັນ​ສະ​ເຫຼີ​ມ
ສະຫຼອງ​ ວັນ​ອີສ​ເຕີ ​ໃນ​ວັນ​ອາທິດ​ມື້​ນີ້.

ທີ່ຢູ​ເຄຣນ ປະທານາທິບໍດີ Petro Poroshenko ​ແລະ​ຄອບຄົວ
​ຂອງ​ທ່ານ ​ໄດ້​ເຂົ້າ​ຮ່ວມ​ໃນ​ພິທີສະຫຼອງ​ວັນ​ອີສ​ເຕີ ທີ່ໂບດ Volo
dymyrsky​ໃນ​ນະຄອນຫຼວງ Kyiv.

ພະ​ສັງຄະ​ລາດ Filaret ​ແຫ່ງ​ຢູ​ເຄຣນ ​ໄດ້​ໄຫວ​ວອນ​ເພື່ອ​ສັນຕິ
ພາບແລະ​ກ່າວ​ວ່າ “ພວກ​ເຮົາ​ມີ​ຄວາມ​ໝັ້ນ​ໃຈ​ຢ່າງ​ແຂງ​ແຮງ​
ວ່າ ພະ​ເຈົ້າ​ຈະ​ສົ່ງ​ໄຊ​ຊະນະ​ມາ​ໃຫ້​ພວກ​ເຮົາ ຜາບ​ແພ້​ພວກ​
ຮຸກ​ຮາ​ນ”
ຊຶ່ງ​ເປັນ​ການ​ເອີ່ຍ​ເຕື້ອງໃສ່ຣັດ​ເຊຍ ທີ່ໄດ້ຍຶດ​ເອົາ​
ແຫຼມ​ໄຄຣ​ເມຍຂອງ​ຢູ​ເຄຣນ ມາ​ຢູ່​ພາຍ​ໃຕ້​ການ​ປົກຄອງ​ຂອງ​ຕົນ​ນັ້ນ.

ທີ່ຣັດ​ເຊຍ ປະທານາທິບໍດີ Vladimir Putin ​ແລະ​ນາຍົກລັດຖະມົນຕີ Dmitry Medvedev
​ໄດ້​ເຂົ້າ​ຮ່ວ​ມ​ໃນ​ພິທີ​ທາງ​ສາສະໜາ ​ໃນ​ໂບດChrist the Savior ທີ່​ມົສກູ.

ວັນ​ອີສ​ເຕີ ໝາຍ​ເຖິງ​ວັນ​ທີ່​ຊາວ​ຄຣິສຕຽນ​ທັງ​ຫຼາຍ ພາກັນ​ເຊື່ອ​ວ່າ ພະ​ເຢຊູ ຟື້ນ​ຄືນ​ຊີບ ຫຼັງ​ຈາກ​ພະ​ອົງຖືກ​ທໍລະມານ​ກຶງ​ໃສ່​ໄມ້​ກາງ​ເຂນ ​ແລະ​ຖືກຝັງ​ໃນ​ຂຸມ​ຝັງ​ສົບ ​ມາ​ໄດ້​ກວ່າ 2 ພັນ
​ປີ ຜ່ານ​ມາ​ແລ້ວນັ້ນ.

ສ່ວນພວກ​ຊາວຄຣິສຕຽນ ນິກາຍ​ ​ກາ​ໂຕ​ລິກ ແລະໂປຣ​ແຕສຕັງ ​ໄດ້ພາກັນ​ສະຫຼອງ​ວັນ​ອີສ​ເຕີ ​ໃນ​ວັນ​ອາທິດ​ແລ້ວ​ນີ້ ອີງ​ຕາມ​ປະຕິທິນ Gregorian.

Orthodox Easter
please wait
Embed

No media source currently available

0:00 0:00:59 0:00

XS
SM
MD
LG