ພວກທີ່ຄາດຫວັງວ່າຈະໄດ້ເປັນປະທານາທິບໍດີສະຫະລັດ ໄດ້ສະແດງປະຕິກິລິຍາ ຢ່າງແຮງ ໃນວັນຈັນວານນີ້ຕໍ່ການສັງຫານໝູ່ຢູ່ບາກະເທີຍ ໃນເມືອງ Orlando ລັດ Florida. ເຫດຮ້າຍໃນວັນອາທິດໄດ້ເຮັດໃຫ້ 49 ຄົນເສຍຊີວິດ ແລະອີກ 53 ຄົນໄດ້ຮັບບາດເຈັບ ແມ່ນເປັນການສັງຫານໝູ່ທີ່ຮ້າຍແຮງສຸດຢູ່ໃນປະຫວັດ ສາດສະຫະລັດ. ມືປືນ ທ້າວ Omar Mateen ເປັນຄົນອາເມຣິກັນ ແລະມີພໍ່ແມ່ທີ່ເປັນຊາວອັຟການິສຖານ.
ປະຕິກິລິຍາ ຕໍ່ການສັງຫານໝູ່ ຢູ່ Orlando
ໃນຄຳຖະແຫລງເທື່ອທຳອິດ ນັບແຕ່ໄດ້ເກີດການຍິງກັນ ຜູ້ທີ່ຈະຖືກສະເໜີຊື່ໃຫ້ເປັນຜູ້ສະໝັກປະທານາທິບໍດີ ພັກເດໂມແຄຣັດ ທ່ານນາງ Hillary Clinton ໄດ້ກ່າວຕໍ່ພວກສະໜັບສະໜູນທີ່ເມືອງ Cleveland ວ່່າ “ຜູ້ກໍ່ການຮ້າຍຢູ່ເມືອງ Orlando ອາດຕາຍໄປແລ້ວ ແຕ່ເຊື້ອໄວຣັສ ທີ່ຢູ່ໃນແນວຄິດຂອງລາວນັ້ນຍັງມີຊີວິດຢູ່.” ທ່ານນາງ Clinton ໄດ້ວາງວິທີການໄວ້ຫລາຍຢ່າງເພື່ອຕໍ່ສູ້ກັບການກໍ່ການຮ້າຍ. ແຜນການນີ້ອາດຈະລົບກວນກຸ່ມທັງຫລາຍ ໂດຍການແຊກຊຶມເຂົ້າໄປໃນຕາໜ່າງຄອມພິວເຕີຂອງພວກເຂົາ ເສີມຂະ ຫຍາຍການແບ່ງປັນຂໍ້ມູນສືບລັບ ລະຫວ່າງບັນດາພະແນກການທ້ອງຖິ່ນ ແລະລັດຖະ ບານກາງ ແລະຮ້ອງຂໍ ໃຫ້ບັນດາປະເທດພັນທະມິດໃນການຊ່ວຍເຫຼືອ “ປ້ອງກັນພວກຫົວ ຮຸນແຮງແລະ ການເກັບເກນ” ພວກທີ່ມີໂອກາດຈະເປັນພວກກໍ່ການຮ້າຍຢູ່ໃນສະຫະລັດ ແລະໃນຢູໂຣບ.
ໃນອັນທີ່ປາກົດວ່າເປັນການຕອບຕໍ່ຜູ້ທີ່ຈະຖືກສະເໜີຊື່ ເປັນຜູ້ສະໝັກປະທານາ ທິບໍດີ ພັກພັກຣີພັບບລິກກັນ ທ່ານ Donald Trump ທີ່ກ່າວຫາວ່າ ປະທານາທິບໍດີ Barack Obama ແລະສະມາຊິກພັກເດໂມແຄຣັດຄົນອື່ນໆ ທີ່ໄດ້ປະຕິເສດຕໍ່ການໃຊ້ຄໍາວ່າ “ຫົວຮຸນແຮງ” ເພື່ອກ່າວເຖິງພວກກໍ່ການຮ້າຍ ທີ່ນັບຖືສາ ສະໜາອິສລາມນັ້ນ ທ່ານນາງ Clinton ໄດ້ກ່າວກ່ອນໜ້ານີ້ ຕໍ່ໂທລະພາບ CNN ວ່າ ທ່ານນາງບໍ່ຢ້ານໃນການໃຊ້ຄຳດັ່ງກ່າວ ແຕ່ກໍກ່າວວ່າທ່ານນາງປະຕິເສດ “ທີ່ຈະລົງຄວາມເຫັນວ່າເປັນຜີສາງ ແລະຜູ້ນຳທີ່ ມີໂວຫານ ແລະປະກາດສົງຄາມຕໍ່ໝົດທັງສາສໜາ.” ໃນການກະທຳດັ່ງກ່າວ ທ່ານນາງກ່າວວ່າ “ເປັນ ເຄື່ອນໄຫວເພື່ອໃຫ້ເຂົ້າໄປຢູ່ໃນກຳມືຂອງ ISIS.”ຄຳວ່າ ISIS ແມ່ນຊື່ຫຍໍ້ຂອງກຸ່ມລັດອິສລາມ.
ທ່ານນາງ Clinton ຮຽກຮ້ອງຕໍ່ປະຊາຊົນໃຫ້ພາກັນຕິດຕໍ່ຫາຜູ້ນັບຖືນສາສະ ໜາອິສລາມ ຢູ່ໃນສະຫະລັດ “ເພື່ອຊ່ວຍໃຫ້ພວກເຮົາເອົາຊະນະການຂົ່ມຂູ່ດັ່ງກ່າວ.” ທ່ານນາງໄດ້ ກ່າວເຖິງຄວາມຈຳເປັນໃນ “ການປະຕິຮູບກ່ຽວກັບສາມັນສຳນຶກທີ່ມີເຫດຜົນ” ຂອງກົດໝາຍການເປັນເຈົ້າຂອງປືນ ຮວມທັງການຫ້າມຂາຍອາວຸດທີ່ສາມາດໃຊ້ໂຈມຕີໄດ້.
