ໄອຍະການສານສະຫະລັດ ເວົ້າວ່າ ໜຸ່ມຄົນ Oregon ຜູ້ນຶ່ງ ທີ່ມີເຊື້ອສາຍໂຊມາເລຍ
ໄດ້ຖືກຈັບກຸມໃນຂໍ້ຫາວາງແຜນກໍ່ການຮ້າຍໂດຍເອົາລູກລະເບີດໃສ່ລົດ ເພື່ອຈະໄປ
ວາງໃນພີທີໄຕ້ໄຟຕົ້ນຄຣິສມາສແຫ່ງນຶ່ງ ຢູ່ພາກຕາເວັນອອກສຽງເໜືອຂອງເມືອງ
ພອດແລນ, ລັດ Oregon, ໃນຄືນວັນສຸກ ວານນີ້.
ພວກເຈົ້າໜ້າທີ່ກ່າວວ່າ ທ້າວ Mohamed Osman Mohamud ອາຍຸ 19 ປີ ຖືກ
ພວກເຈົ້າໜ້າທີ່ຕຳຫລວດສັນຕິບານກາງຂອງສະຫະລັດ ຫລື FBI ຈັບໂຕໄວ້ ລຸນຫລັງ
ທີ່ລາວໄດ້ໝຸນເລກໂທລະສັບມືຖືຂອງລາວ ໂດຍຕັ້ງໃຈວ່າຈະຈຸດສະນວນລະເບີດ ແຕ່ບັງ
ເອີນຜັດເປັນການໂທໄປຫາ FBI ທີ່ຢູ່ໃນວົງການປະຕິບັດງານ.
ທ້າວ Mohamud ໃນເມື່ອກ່ອນໄດ້ຮັບວັດຖຸລະເບີດຈາກພວກເຈົ້າໜ້າທີ່ຕຳຫລວດລັບ
ທີ່ຮູ້ຈັກກ່ຽວກັບແຜນກໍ່ການຮ້າຍທີ່ຖືກກ່າວຫານີ້ຂອງລາວ ປີກາຍນີ້.
ໄອຍະການສານ ເວົ້າວ່າ ທ້າວ Mohamud ໄດ້ເປີດເຜີຍແຜນຂອງລາວໃຫ້ແກ່ພວກເຈົ້າ
ໜ້າທີ່ຕຳຫລວດລັບໂດຍບໍ່ຮູ້ຕົວ ຜ່ານທາງ ອີເມລ ໃນຫລາຍໆເດືອນກ່ອນໜ້ານີ້ ຍ້ອນ
ເຊື່ອວ່າລາວກຳລັງຕິດຕໍ່ກັບຜູ້ສົມຮູ້ຮ່ວມຄິດກັບລາວຢູ່ປາກິສຖານ.
ທ້າວ Mohamud ຈະປາກົດຕົວທີ່ສານກາງຂອງລັດຖະບານກາງ ຢູ່ເມືອງ ພອດແລນ ໃນ
ມື້ວັນຈັນທີ່ຈະມາເຖິງນີ້ ໃນກໍລະນີຟ້ອງຮ້ອງກ່ຽວກັບການກໍ່ອາຊະຍາກຳ ເພື່ອໃຊ້ອາວຸດທຳ
ລາຍລ້າງຜານປະຊາຊົນຂະໜານໃຫຍ່.
