ຈຳນວນຜູ້ປະທ້ວງ ທີ່ເມືອງ Ferguson ໃນພາກກາງຂອງ ສະ
ຫະລັດ ໄດ້ຫລຸດລົງ ໃນວັນພະຫັດວານນີ້ ຫຼັງຈາກກຳລັງພິທັກ
ຊາດໄດ້ຖອນອອກໄປ ຈາກເມືອງດັ່ງກ່າວ ທີ່ໄດ້ເກີດຄວາມບໍ່
ສະຫງົບ ມາໄດ້ 12 ມື້ແລ້ວ ລຸນຫຼັງທີ່ຕຳຫຼວດໄດ້ຍິງໜຸ່ມນ້ອຍ
ຜິວດຳທີ່ບໍ່ມີອາວຸດຄົນນຶ່ງຕາຍ.
ກຸ່ມນຶ່ງປະມານ 100 ຄົນ ພາກັນເດີນຂະບວນປະທ້ວງ ຢູ່ໃນ
ເມືອງດັ່ງກ່າວໃກ້ກັບບ່ອນທີ່ທ້າວ Michael Brown ໄດ້ຖືກ
ຍິງຈາກ ໂດຍເຈົ້າໜ້າທີ່ຕຳຫຼວດຜີວຂາວໃນວັນທີ 9 ເດືອນ
ນີ້. ເປັນຄືນທີສອງ ຕິດຕໍ່ກັນ ທີ່ບໍ່ມີການປະທະກັນທີ່ສຳຄັນ
ເກີດຂື້ນ ລະຫວ່າງຕຳຫລວດ ແລະ ພວກປະທ້ວງ ເຖິງແມ່ນ
ຕໍາ ຫລວດ ໄດ້ລາຍງານວ່າ ມີຜູ້ຖືກຈັບຫ້າຄົນ.
ພາບຫຼ້າສຸດ ຈາກ ມ. Ferguson
ໃນຕອນເຊົ້າວັນພະຫັດວານນີ້ ຜູ້ປົກຄອງລັດ Missouri ທ່ານ Jay Nixon ໄດ້ສັ່ງໃຫ້ກຳ
ລັງພິທັກຊາດຖອນອອກໄປ ເພາະວ່າ ສະຖານະການ “ໄດ້ດີຂື້ນຢ່າງຫຼວງຫລາຍ ໂດຍມີ
ເຫດການຕ່າງໆ ຫລຸດໜ້ອຍລົງ ທີ່ພວກຍຸຍົງ ຈາກພາຍນອກ ເຂົ້າແຊກແຊງລົບກວນ ຕໍ່
ພວກປະທ້ວງແບບສະຫງົບແລະມີການກໍ່ ຄວາມຮຸນແຮງຫລຸດລົງ.”
ມີຫຼາຍກວ່າ 150 ຄົນ ໄດ້ຖືກຈັບທີ່ເມືອງ Ferguson ນັບແຕ່ການປະທ້ວງ ໄດ້ເລີ້ມຂຶ້ນ
ສ່ວນໃຫຍ່ກໍແມ່ນບໍ່ເຊື່ອຟັງຄຳສັ່ງຂອງຕຳຫຼວດໃຫ້ແຍກຍ້າຍກັນໜີ.
ທີ່ນະຄອນຫລວງວໍຊິງຕັນ ລັດຖະມົນຕີ ກະຊວງຍຸຕິທໍາ ທ່ານ Eric Holder ໄດ້ໃຫ້ການ
ຄໍ້າປະກັນແກ່ພວກປະທ້ວງວ່າ ການສືບສວນຂອງລັດຖະບານກາງໃນເລື່ອງສິດທິພົນລະ
ເມືອງກ່ຽວກັບການຍິງທ້າວ Brown ຕາຍ ພວມດຳເນີນຢູ່.
ທ່ານ Holder ກ່າວວ່າ ການເດີນທາງເປັນເວລາສັ້ນໆ ໄປຍັງລັດ Missouri ກ່ອນໜ້າ
ນີ້ ເພື່ອໂອ້ລົມກັບປະຊາຊົນແລະບັນດາເຈົ້າໜ້າທີ່ຕຳຫລວດຢູ່ທີ່ນັ້ນ ໄດ້ເປັນຜົນຕໍ່ທ່ານ
ຄືກັບເຫດການຈຳນວນນຶ່ງ ທີ່ໄດ້ເກີດຂື້ນແກ່ທ່ານ ໃນນາມຫົວໜ້າກະຊວງຍຸຕິທຳ.
ທ່ານ Eric Holder ກ່່າວວ່າ “ໃນຂະນະທີ່ຂ້າພະເຈົ້າໄດ້ໄປເມືອງ Ferguson ເພື່ອໃຫ້
ການຄ້ຳປະກັນ ຄວາມຈິງແລ້ວ ເຂົາເຈົ້າໄດ້ໃຫ້ຄວາມຫວັງ ແກ່ຂ້າພະເຈົ້າ. ຄວາມໝັ້ນ
ໝາຍຂອງຂ້າພະເຈົ້າ ທີ່ມີຕໍ່ເຂົ້າເຈົ້ານັ້ນ ກໍຄື ຫລັງຈາກເລື້ອງໂສກເສົ້າ ທີ່ໄດ້ເກີດຂື້ນນີ້
ບໍ່ໄດ້ຮັບລະດັບຄວາມສົນໃຈ ໃນຂັ້ນນີ້ອີກແລ້ວ ກະຊວງຍຸຕິທຳ ກໍຍັງຈະຢືນຄຽງຄູ່ຢູ່ກັບ
ເມືອງ Ferguson.”
ທ່ານ Holder ກ່າວອີກວ່າ ມັນແຈ້ງຂາວທີ່ການຍິງ “ໄດ້ນຳເອົາຄວາມເຄັ່ງຕຶງ ທີ່ແຝງຢູ່
ໃຕ້ພື້ນຜິວນັ້ນປາກົດຕົວຂຶ້ນ” ຢູ່ໃນເມືອງບ່ອນທີ່ທ້າວ Michael Brow ໜຸ່ມນ້ອຍອາຍຸ
18 ປີ ໄດ້ເສຍຊີວິດໄປນັ້ນ.
ທ່ານ Holder ກ່າວວ່າ “ມີປະຫວັດສາດກ່ຽວກັບຄວາມເຄັ່ງຕຶງເຫຼົ່ານີ້ແລະປະຫວັດສາດ ດັ່ງກ່າວໄດ້ຫຸ່ມຮ້ອນຢູ່ໃນຫລາຍປະຊາຄົມ ບໍ່ພຽງແຕ່ເມືອງ Ferguson ທໍ່ນັ້ນ.”
