ເປັນເທື່ອທີເຈັດ ແລະເທື່ອສຸດທ້າຍ ຂອງການເປັນປະທານາທິ
ບໍດີ ທ່ານ Barack Obma ທີ່ຈະຢືນຢູ່ຕໍ່ໜ້າລັດຖະສະພາ ແລະ
ປະຊາຊົນອາເມຣິກັນ ເພື່ອກ່າວເຖິງວິໄສທັດຂອງທ່ານ ບໍ່ພໍພຽງ
ແຕ່ສຳລັບໃນຊຸມເດືອນທີ່ຍັງເຫລືອຢູ່ໃນການດຳລົງຕຳແໜ່ງ
ຂອງທ່ານ ແຕ່ເພື່ອອະນາຄົດຂອງສະຫະລັດ.
ປະທານາທິບໍດີ ໂອບາມາ ກ່າວທີ່ທຳນຽບຂາວຜ່ານທາງ ວີດີໂອ
ທຳນຽບຂາວ ນຳອອກເຜີຍແຜ່ ວ່າ “ບໍ່ພໍພຽງແຕ່ຄວາມກ້າວໜ້າ
ຢ່າງໜ້າສັນລະເສີນ ທີ່ພວກເຮົາໄດ້ປະຕິບັດ ບໍ່ພຽງແຕ່ສິ່ງທີ່
ຂ້າພະເຈົ້າຕ້ອງການຢາກໃຫ້ເສັດສີ້ນໃນປີຕໍ່ໄປ ແຕ່ສິ່ງທີ່ພວກ
ເຮົາຕ້ອງການປະຕິບັດຮ່ວມກັນໃນຊຸມປີຕໍ່ໜ້າ. ຫລາຍສິ່ງໃຫຍ່ໆ
ທີ່ຈະໃຫ້ການຄໍ້າປະກັນ ພ້ອມທັງແຂງແຮງຂື້ນກວ່າເກົ່າ ດີຂື້ນກວ່າເກົ່າ ສຳລັບສະຫະລັດ
ອາເມຣິກາ ທີ່ອຸດົມຮັ່ງມີຫລາຍຂື້ນແກ່ພວກລູກເຕົ້າຂອງເຮົາ.’
ຢູ່ໃນ ວີດີໂອ ທ່ານ Obama ກ່າວວ່າ “ທ່ານບໍ່ເຄີຍມີຄວາມຫວັງໄປໃນໃນແງ່ດີໄປກ່ວາ
ນີ້ມາກ່ອນ ກ່ຽວກັບເສັ້ນທາງຂອງສະຫະລັດ ທີ່ມີຢູ່ໃນຂະນະນີ້. ມັນເປັນແງ່ດີ ບໍ່ພໍພຽງ
ແຕ່ງົບປະມານປີ 2016 ແຕ່ຍັງສຳລັບຫລາຍປີຂ້າງໜ້າ ທີ່ບັນດາເຈົ້າໜ້າທີ່ ທຳນຽບຂາວ
ກ່າວວ່າ ຈະເປັນການສະແດງທີ່ສຳຄັນ ເວລາປະທານາທິບໍດີ ລາຍງານຕໍ່ປະເທດຊາດ
ເປັນຄັ້ງສຸດທ້າຍໃນວັນອັງຄານມື້ນີ້.
ໂຄສົກທຳນຽບຂາວ ທ່ານ Josh Earnest ກ່າວວ່າ “ສະຫະລັດ ອາເມຣິກາ ໄດ້ຟື້ນໂຕ
ຄືນ ຈາກເສດຖະກິດຕົກຕໍ່າທີ່ຮ້າຍແຮງສຸດ ນັບແຕ່ໄດ້ເກີດສະພາບ ເສດຖະກິດປັ່ນປ່ວນ
ທີ່ຮ້າຍແຮງສຸດຫຼື Great Depression ແລະພວກເຮົາທຸກຄົນເຫັນເສດຖະກິດທີ່ຂື້ນລົງ
ໃນບັນດາປະເທດຕ່າງໆຢູ່ທົ່ວໂລກ ແລະຄວາມແຂງແຮງຂອງເສດຖະກິດສະຫະລັດ ທີ່ຢືນຢູ່ກົງກັນຂ້າມກັບຄວາມບໍ່ໝັ້ນຄົງດັ່ງກ່າວນັ້ນ.”