ນັກເຄຶ່ອນໄຫວຝ່າຍຄ້ານຫຼາຍກວ່ານຶ່ງພັນຄົນໃນກຳປູເຈຍໄດ້ທໍາການເດີນຂະບວນປະທ້ວງຢູ່ນະຄອນຫຼວງພະນົມເປັນເມື່ອວັນພຸດວານນີ້ ເພື່ອທວງໃຫ້ປະຕິຮູບ ຄະນະກໍາມະການເລືອກຕັ້ງແຫ່ງຊາດກ່ອນໜ້າການປ່ອນບັດເລືອກຕັ້ງເອົາສະມາຊິກສະພາແຫ່ງຊາດ ໃນເດືອນກໍລະກົດຕໍ່ໜ້ານີ້.
ບັນດາຜູ້ນໍາຝ່າຍຄ້ານຈາກພັກກອບກູ້ແຫ່ງຊາດກໍາປູເຈຍຫຼື Cambodia National Rescue Party ເວົ້າວ່າ ພວກສະໜັບສະໜຸນບາງຄົນຈາກເຂດແຂວງຕ່າງໆນັ້ນ ໄດ້ຖືກຫ້າມບໍ່ໃຫ້ເຂົ້າໄປໃນເມືອງຫຼວງພະນົມເປັນ ເພື່ອຮ່ວມເດີນຂະບວນປະທ້ວງ.
ເຈົ້າໜ້າທີ່ຕໍາຫຼວດທີ່ໃສ່ເສື້ອກັນລູກປືນປະມານ 100 ຄົນ ພ້ອມດ້ວຍໄມ້ ຄ້ອນໄຟຟ້າ ແລະແຜ່ນກໍາບັງ ໄດ້ປິດລ້ອມພວກປະທ້ວງໃຫ້ຢູ່ແຕ່ພາຍໃນບໍລິເວນສວນເສລີພາບ ຫຼື Freedom Park. ບໍ່ມີລາຍງານວ່າໄດ້ເກີດປະທະກັບຕໍາຫຼວດ ຫຼືມີຜູ້ບາດເຈັບແຕ່ຢ່າງໃດ.
ພວກປະທ້ວງ ໄດ້ພາກັນເອົາໂບສີຂາວຄຽນຫົວ ແລະໄດ້ຮຽກຮ້ອງໃຫ້ທໍາ ການປ່ຽນແປງ ຄະນະກໍາມະການເລືອກຕັ້ງແຫ່ງຊາດ.
ທ່ານ Kem Sokha ຮອງປະທານຂອງພັກຝ່າຍຄ້ານໃໝ່ເວົ້າວ່າ ຖ້າປາດສະຈາກການປະຕິຮູບກ່ຽວກັບການເລືອກຕັ້ງທີ່ສະໜັບສະໜຸນໂດຍຝ່າຍຕາເວັນຕົກແລ້ວ ການເລືອກຕັ້ງໃນວັນທີ 27 ເດືອນກໍລະກົດນີ້ອາດ ຈະສ່ຽງເປັນການເລືອກຕັ້ງທີ່ບໍ່ຖືກຕ້ອງຕາມກົດໝາຍ. ທ່ານ Kem Sokha ປະຕິຍານວ່າ ຈະສືບຕໍ່ເດີນຂະບວນປະທ້ວງ ຖ້າຫາກວ່າຄະນະກໍາມະການເລືອກຕັ້ງແຫ່ງຊາດປະຕິເສດບໍ່ຍອມທໍາການປະຕິຮູບໃດໆ ທີ່ໄດ້ແນະນໍາໂດຍອົງການສະຫະປະຊາຊາດ ແລະອົງການຈັດຕັ້ງອື່ນໆນັ້ນ.
ນອກນີ້ແລ້ວພວກປະທ້ວງຍັງໄດ້ຍື່ນຄໍາຮ້ອງຮຽນຕໍ່ຜູ້ຕາງໜ້າຂອງຄະນະ ກໍາມະການເລືອກຕັ້ງແຫ່ງຊາດ.
ຜູ້ຕາງໜ້າ San Taing Sodoeun ເວົ້າວ່າ ຂ້າພະເຈົ້າສັນຍາວ່າ ຈະນໍາສົ່ງໜັງສືຮ້ອງຮຽນນີ້ໄປຫາຂັ້ນສູງ ເພື່ອພິດຈາລະນາທົບທວນ ແລະຕັດສິນ.
![ພາບ ການໂຮມຊຸມນຸມ ຂອງພັກ ກອບກູ້ແຫ່ງຊາດ ກຳປູເຈຍ]()
Photo Gallery:
ບັນດາຜູ້ນໍາຝ່າຍຄ້ານຈາກພັກກອບກູ້ແຫ່ງຊາດກໍາປູເຈຍຫຼື Cambodia National Rescue Party ເວົ້າວ່າ ພວກສະໜັບສະໜຸນບາງຄົນຈາກເຂດແຂວງຕ່າງໆນັ້ນ ໄດ້ຖືກຫ້າມບໍ່ໃຫ້ເຂົ້າໄປໃນເມືອງຫຼວງພະນົມເປັນ ເພື່ອຮ່ວມເດີນຂະບວນປະທ້ວງ.
ເຈົ້າໜ້າທີ່ຕໍາຫຼວດທີ່ໃສ່ເສື້ອກັນລູກປືນປະມານ 100 ຄົນ ພ້ອມດ້ວຍໄມ້ ຄ້ອນໄຟຟ້າ ແລະແຜ່ນກໍາບັງ ໄດ້ປິດລ້ອມພວກປະທ້ວງໃຫ້ຢູ່ແຕ່ພາຍໃນບໍລິເວນສວນເສລີພາບ ຫຼື Freedom Park. ບໍ່ມີລາຍງານວ່າໄດ້ເກີດປະທະກັບຕໍາຫຼວດ ຫຼືມີຜູ້ບາດເຈັບແຕ່ຢ່າງໃດ.
ພວກປະທ້ວງ ໄດ້ພາກັນເອົາໂບສີຂາວຄຽນຫົວ ແລະໄດ້ຮຽກຮ້ອງໃຫ້ທໍາ ການປ່ຽນແປງ ຄະນະກໍາມະການເລືອກຕັ້ງແຫ່ງຊາດ.
ທ່ານ Kem Sokha ຮອງປະທານຂອງພັກຝ່າຍຄ້ານໃໝ່ເວົ້າວ່າ ຖ້າປາດສະຈາກການປະຕິຮູບກ່ຽວກັບການເລືອກຕັ້ງທີ່ສະໜັບສະໜຸນໂດຍຝ່າຍຕາເວັນຕົກແລ້ວ ການເລືອກຕັ້ງໃນວັນທີ 27 ເດືອນກໍລະກົດນີ້ອາດ ຈະສ່ຽງເປັນການເລືອກຕັ້ງທີ່ບໍ່ຖືກຕ້ອງຕາມກົດໝາຍ. ທ່ານ Kem Sokha ປະຕິຍານວ່າ ຈະສືບຕໍ່ເດີນຂະບວນປະທ້ວງ ຖ້າຫາກວ່າຄະນະກໍາມະການເລືອກຕັ້ງແຫ່ງຊາດປະຕິເສດບໍ່ຍອມທໍາການປະຕິຮູບໃດໆ ທີ່ໄດ້ແນະນໍາໂດຍອົງການສະຫະປະຊາຊາດ ແລະອົງການຈັດຕັ້ງອື່ນໆນັ້ນ.
ນອກນີ້ແລ້ວພວກປະທ້ວງຍັງໄດ້ຍື່ນຄໍາຮ້ອງຮຽນຕໍ່ຜູ້ຕາງໜ້າຂອງຄະນະ ກໍາມະການເລືອກຕັ້ງແຫ່ງຊາດ.
ຜູ້ຕາງໜ້າ San Taing Sodoeun ເວົ້າວ່າ ຂ້າພະເຈົ້າສັນຍາວ່າ ຈະນໍາສົ່ງໜັງສືຮ້ອງຮຽນນີ້ໄປຫາຂັ້ນສູງ ເພື່ອພິດຈາລະນາທົບທວນ ແລະຕັດສິນ.
ພາບ ການໂຮມຊຸມນຸມ ຂອງພັກ ກອບກູ້ແຫ່ງຊາດ ກຳປູເຈຍ
Cambodia National Rescue Party's Rally
