ກຸ່ມປະເທດຜູ້ຜະລິດນ້ຳມັນ OPEC+ ໄດ້ຕົກລົງກັນໃນວັນອາທິດວານນີ້ ທີ່ຈະຂະຫຍາຍການຫຼຸດການຜະລິດຂອງຕົນລົງ ເພື່ອສະຫນັບສະຫນູນລາຄາ, ເນື່ອງ ຈາກວ່າຄວາມບໍ່ແນ່ນອນທາງດ້ານເສດຖະກິດ ແລະທາງດ້ານພູມສາດການ ເມືອງ ໄດ້ເກີດຂຶ້ນຢູ່ໃນຕະຫຼາດດັ່ງກ່າວ.
ກຸ່ມຜູ້ຜະລິດນໍ້າມັນ 12 ປະເທດ ແລະ ພັນທະມິດ 10 ປະເທດ ໄດ້ຕັດສິນໃຈ “ຂະຫຍາຍລະດັບການຜະລິດນ້ຳມັນດິບໂດຍລວມ... ເລີ້ມຕັ້ງແຕ່ວັນທີ 1 ມັງກອນ 2025 ໄປຈົນເຖິງວັນທີ 31 ທັນວາ 2025”, ອີງຕາມຖະແຫຼງການ ສະບັບນິ່ງຂອງພັນທະມິດດັ່ງກ່າວ.
ນອກຈາກນີ້, 8 ປະເທດ ກ່າວວ່າ ພວກເຂົາຍັງຈະຂະຫຍາຍການຫຼຸດການສະໜອງໂດຍສະໝັກໃຈຕາມຄຳຮຽກຮ້ອງຂອງ ຣີຢາດ (Riyadh) ເພື່ອສະໜັບສະໜູນຕະຫຼາດຕື່ມອີກຄື: ຊາອຸດີ ອາຣາເບຍ (Saudi Arabia), ຣັດເຊຍ (Russia), ອີຣກ (Iraq), ສະຫະລັດ ອາຣັບ ເອເມີເຣັສ (United Arab Emirates), ຄູເວດ (Kuwait), ກາຊັກສະຖານ (Kazakhstan), ອາລຈີເຣຍ (Algeria) ແລະ ໂອມານ (Oman).
ການຫຼຸດບາງສ່ວນເຫຼົ່ານັ້ນ ຈະດໍາເນີນໄປຈົນຮອດເດືອນກັນຍາ ກ່ອນທີ່ຈະ ຄ່ອຍໆຢຸດລົງ, ໃນຂະນະທີ່ການຫຼຸດອື່ນໆ ຈະຍັງຖືກຮັກສາໄວ້ຈົນຮອດເດືອນ ທັນວາ 2025.
ການຕັດສິນໃຈດັ່ງກ່າວ ມີຂຶ້ນພາຍຫຼັງກອງປະຊຸມທຸກໆຫົກເດືອນ ຂອງກຸ່ມປະ ເທດຜູ້ສົ່ງອອກນ້ຳມັນ (OPEC) ທີ່ນຳພາໂດຍ ຊາອຸດີ ອາຣາເບຍ ແລະພັນ ທະມິດ 10 ປະເທດ, ທີ່ນຳພາໂດຍຣັດເຊຍ.
ການຫຼຸດການສະຫນອງໃນກຸ່ມທັງຫມົດ ແມ່ນມີຈຳນວນປະມານສອງລ້ານ ຖັງຕໍ່ ມື້ ຫຼື bpd.
ນອກຈາກການຫຼຸດກຳລັງການຜະລິດໂດຍສະໝັກໃຈແລ້ວ, ປະຈຸບັນ, ບັນດາສະມາຊິກ OPEC+ ກຳລັງຫຼຸດປະລິມານການຜະລິດເກືອບ 6 ລ້ານຖັງຕໍ່ມື້ ເພື່ອຊຸກຍູ້ລາຄານ້ຳມັນທີ່ຕົກຕໍ່າລົງ.
ກຸ່ມ OPEC+ ຍັງໄດ້ຕົກລົງທີ່ຈະອະນຸຍາດໃຫ້ສະຫະລັດ ອາຣັບ ເອມີເຣັສ ເພີ່ມເປົ້າໝາຍການຜະລິດຕື່ມອີກ 300,000 ຖັງຕໍ່ມື້ ໃນປີໜ້າ, ອີງຕາມການ ກ່າວໃນຖະແຫຼງການສະບັນນຶ່ງ.
ຟໍຣັມສະແດງຄວາມຄິດເຫັນ