ຄລິກວີດີໂອເພື່ອອ່ານແລະຟັງລາຍງານພາສາອັງກິດຊ້າໆ ສໍາລັບທ່ານທີ່ຢາກຮຽນ
ພາສາອັງກິດ
ໃນເວລາບ່າຍສາມໂມງເຄິ່ງ ທີ່ໂຮງຮຽນປະຖົມ ເຣນັມ (Raynham) ໃນນະຄອນຫລວງ
ລອນດອນຂອງປະເທດອັງກິດ ນັກຮຽນພາກັນເຂົ້າຫ້ອງເພື່ອຈະຮຽນວິຊາເລກເພິ່ມຕື່ມ
ຫຼັງຈາກເລີກໂຮງຮຽນແລ້ວ.
ໃນອີກຟາກນຶ່ງຂອງໂລກ ທີ່ປະເທດອິນເດຍ ໄກອອກໄປຫລາຍພັນຫລັກກິໂລແມັດ ຜ່ານ
ຫ້າເຂດເວລາຕ່າງກັນ ພວກນາຍຄູສອນເລກຂອງນັກຮຽນເຫລົ່ານັ້ນ ກໍພາກັນມາຮອດ
ຫ້ອງສອນຄືກັນ.
(ສຽງນາຍຄູເວົ້າກັບເດກນ້ອຍທາງອິນເຕີແນັດ)
ນັກຮຽນແຕ່ລະຄົນມີຄູສອນທາງອິນເຕີແນັດຂອງຕົນຜູ້ນຶ່ງ. ພວກນັກຮຽນກໍມີຄອມພິວເຕີ້
ຄົນລະໜ່ວຍ. ເຂົາເຈົ້າເຮັດວຽກຮຽນຢູ່ໃນຈໍຄອມພີວເຕີຂອງເຂົາເຈົ້າ ແລະໃສ່ເຄື່ອງຟັງຫູ
ມີໄມໂຄໂຟນຢູ່ໃກ້ປາກ ເພື່ອລົມກັບຄູສອນຂອງຕົນ.
ນາຍ ອາລຕັສ ແບສສັນ (Altus Basson) ຄູສອນປະຈໍາຫ້ອງຂອງນັກຮຽນເຫລົ່ານັ້ນ
ກ່າວວ່າ ລາວໄດ້ເຫັນໝາກຜົນທີ່ດີຂຶ້ນໃນການຮຽນຂອງເດັກນ້ອຍ ຈາກການຮຽນເພິ້ມ
ຕື່ມຜ່ານທາງອິນເຕີແນັດນີ້.
"Children who struggle…”
ນາຍ ອາລຕັສ ແບສສັນ ເວົ້າວ່າ “ເດັກນ້ອຍຜູ້ທີ່ມີບໍ່ຄ່ອຍມີຄວາມຕັ້ງໃຈຮຽນໜັງສືຢູ່
ໃນຫ້ອງຮຽນນັ້ນ ສາມາດຕັ້ງໃຈຮຽນໄດ້ດີກວ່າໃນເວລາຮຽນທີ່ໃຊ້ແລັບທອ໊ບ
(laptop) ຫລືຄອມພີວເຕີໜ້າຕັກນັ້ນ”
ນາງນ້ອຍ ຊາເມຍ ອັບດູລ ກາເດຍ (Samia Abdul-Kadir) ອາຍຸ 9 ປີ ເວົ້າວ່ານາງ
ມັກຮຽນ online ຫລື ຜ່ານອິນທາງເຕີແນັດ.
"It helps me because…”
ນາງນອຍ ຊາເມຍ ອັບດູລ ກາເດຍ ບອກວ່າ:“ມັນຊ່ວຍຂ້ອຍເພາະວ່າບາງເທື່ອເວລາ
ພວກເຮົາຮຽນຢູ່ໃນຫ້ອງຮຽນ, ຂ້ອຍບໍ່ໄດ້ຍິນນາຍຄູເວົ້າປານໃດ ແລະຂ້ອຍກໍບໍ່ເຂົ້າ
ໃຈ, ແຕ່ວ່າຮຽນທາງອິນເຕີແນັດນີ້ ມັນຊ່ວຍໃຫ້ຮຽນໄດ້ດີກວ່າ.”
ເພື່ອນຂອງນາງນ້ອຍຊາເມຍ, ທ້າວ ອັບດູລ ຟາດິລ ບາດໍຣີ (Abdul-Fadil Badori) ກໍເວົ້າ ເປັນສຽງດຽວກັນ.
"Online, you can hear it, it’s…”
ທ້າວ ອັບດູລ ຟາດິລ ບາດໍຣີ ເວົ້າວ່າ“ຢູ່ໃນອິນເຕີແນັດ, ຂ້ອຍໄດ້ຍິນດີ, ແລະຂ້ອຍ
ກໍບໍ່ຕ້ອງຮຽນຮ່ວມກັບທຸກຄົນ, ແຕ່ລະຄົນມີຫົວຂໍ້ການຮຽນຕ່າງກັນ.”
ທອມ ຮູບເປີ (Tom Hooper) ແມ່ນຜູ້ລິເລີ້ມບໍລິສັດສອນວິຊາເພມຕື່ມທາງອິນເຕີແນັດນີ້.
ບໍລິສັດຂອງລາວຊື່ວ່າ ໄບຣສະປ໊າກ ເອດຸກເຄຊນ (BrightSpark Education).
"Children today feel very confident online...”
ທ່ານ ທອມ ຮູບເປີ ເວົ້າວ່າ: “ເດັກນ້ອຍທຸກມື້ນີ້ ຮູ້ສຶກມີຄວາມໝັ້ນໃຈຫລາຍໃນການ
ຮຽນຜ່ານທາງອິນເຕີແນັດນັ້ນ, ພວກເຂົາຮູ້ສຶກວ່າ ໂຕເອງໄດ້ພົວພັນແລະມີສ່ວນ
ນໍາການຮຽນ, ພວກເຂົາຮູ້ສຶກວ່າ ຕົນສາມາດຄວບຄຸມຈັງຫວະການຮຽນໄດ້. ແລະ
ນັ້ນກໍແມ່ນຜ່ານຜ່າການຕໍ່ສູ້ໄປໄດ້ເຄິ່ງນຶ່ງແລ້ວໃນເລື້ອງການສຶກສານີ້. ຄືປ່ອຍໃຫ້
ພວກເຂົາເປັນຜູ້ຄວບຄຸມສະພາບການຮຽນ, ເຮັດໃຫ້ພວກເຂົາຮູ້ສຶກໝັ້ນໃຈຂຶ້ນ
ແລະຮູ້ສຶກມ່ວນໃນການຮຽນຮູ້ແລ້ວທ່ານກໍຈະເຫັນພວກເຂົາເລີ້ມຮຽນໄດ້ດີຂຶ້ນ ແລະ
ຮັບເອົາຄວາມຮູ້ໄດ້.”
ຄ່າໃຊ້ຈ່າຍໃນການຮຽນວິຊາເພີ້ມທາງອອນລາຍນ໌ ແມ່ນໃນລະຫວ່າງ 20 ຫາ 25 ດອລລ່າ
ຕໍ່ຊົ່ວໂມງ ແລະຄ່າຄູສອນຫລືຊ່ວຍກວດວິຊາອອນລາຍນ໌ຄົນນຶ່ງໆ ແມ່ນເທົ່າກັບເຄິ່ງນຶ່ງຂອງ
ນາຍຄູທີ່ມາສອນໃຫ້ ແບບໜ້າຕໍ່ໜ້າ.
ແຕ່ມີບາງຄົນກ່າວວ່າ ການຮຽນທາງອິນເຕີແນັດແມ່ນບໍ່ພຽງພໍໃນການເຊື່ອມຕໍ່ລະຫວ່າງການ
ສອນ ໃສ່ກັບການຮຽນ. ທ່ານເຄວິນ ຄອັຕນີ (Kevin Courtney) ຮອງເລຂານຸການໃຫຍ່
ຂອງສະຫະພັນນາຍຄູຂອງອັງກິດ ໃຫ້ຄຳເຫັນວ່າ:
"We think there’s something that's..."
ທ່ານເຄວິນ ຄອັຕນີ ກ່າວວ່າ “ພວກເຮົາຄິດວ່າ ມີບາງສິ່ງບາງຢ່າງທີ່ສໍາຄັນແທ້ໆໃນ
ການເຊື່ອມຕໍ່ທາງດ້ານຈິດໃຈລະຫວ່າງນາຍຄູແລະເດັກນ້ອຍ, ບໍ່ວ່າຈະເປັນການ
ຮຽນໃນຫ້ອງນຶ່ງລວມກັນ ຫຼືວ່າ ຈະເປັນການຮຽນການສອນແບບນຶ່ງຕໍ່ນຶ່ງກໍຕາມ.
ເຈົ້າຕ້ອງການຄຳຕອບທີ່ໄວ ແລະພວກເຮົາບໍ່ເຊື່ອວາສິ່ງເຫລົ່ານີ້ຈະສາມາດເກີດ
ຂຶ້ນໄດ້ໃນການຮຽນຜ່ານການເຊື່ອມຕໍ່ທາງອິນເຕີແນັດນັ້ນ. ໃນຖານະທີ່ເປັນ “ປະ
ເທດທີ່ຮັ່ງມີທີ່ສຸດປະເທດນຶ່ງ, ພວກເຮົາຄິດວ່າ ພວກເຮົາມີເງິນພໍທີ່ຈະສາມາດ
ຈ້າງນາຍຄູທີ່ມີຄວາມຮູ້ສຶກຜູກພັນ ກັບນັກຮຽນຢ່າງແທ້ຈິງ.”
ບໍລິສັດ BrightSpark Education ກ່າວວ່າ ການຮຽນຜ່ານທາງອິນເຕີແນັດແມ່ນການ
ສອນເພີ້ມເພື່ອເສີມໃສ່ການສອນແບບປົກກະຕິໃນຫ້ອງຮຽນ ແລະວ່າ ການບໍລິການແບບ
ນີ້ຂອງຕົນ ບໍ່ມີຜົນກະທົບທີ່ເປັນໄພຂົ່ມຂູ່ຕໍ່ວຽກງານຂອງນາຍຄູ ຢູ່ໃນອັງກິດແຕ່ຢ່າງໃດ.
ພວກພໍ່ແມ່ນັກຮຽນບາງຄົນເວົ້າວ່າ ພວກເຂົາເຈົ້າມີຄວາມພໍໃຈນໍາຜົນຂອງການຮຽນການ
ສອນເລກແບບນີ້. ແລະເດັກນ້ອຍເດ້ ພວກເຂົາຄິດແນວໃດ?
"I love it!" "I love it!" "I hate maths!"
ເດັກນ້ອຍພາກັນເວົ້າວ່າ “ຂ້ອຍມັກການຮຽນແບບນີ້! ຂ້ອຍມັກມັນຫລາຍ!” ແຕ່ບາງ
ຄົນກໍເວົ້າວ່າ “ຂ້ອຍບໍ່ມັກເລກ!”
ສະຫລູບແລ້ວ ກໍແມ່ນວ່າ ວິຊາເລກ methematics ຫຼືທີ່ພວກຊາວອັງກິດເອີ້ນສັ້ນໆວ່າ
maths ນັ້ນ ຍັງບໍ່ແມ່ນວິຊາທີ່ນັກຮຽນທຸກຄົນມັກເທື່ອ ເຖິງແມ່ນວ່າພວກເຂົາຈະໄດ້ຮຽນຜ່ານເທັກໂນໂລຈີໃໝ່ຫຼ້າສຸດ ກໍຕາມ.
ແລະນັ້ນກໍແມ່ນລາຍງານການສຶກສາຂອງ VOA ພະແນກພາສາອັງກິດພິເສດ ຫຼື VOA
Special English ແລະທ່ານສາມາດເບິ່ງວີດີໂອການສອນເລກອອນລາຍນ໌ ຫລືທາງ
ອິນເຕີແນັດ ເປັນພາສາອັງກິດໄດ້ ໂດຍຄລິກຢູ່ບ່ອນວີດິໂອຂ້າງເທິງ.
