ວີໂອເອຂໍແຈ້ງຂ່າວອັນໜ້າເສົ້າສະຫຼົດໃຈ ມາຍັງທ່ານຜູ້ຟັງທັງຢູ່ໃກ້ແລະຢູ່ໄກຊາບທົ່ວເຖິງກັນ
ວ່າທ່ານອົງອາດ ພົງສະຫວັນ ອະດີດເຈົ້າໜ້າທີ່ຂອງວີໂອເອ ພະແນກພາສາລາວທີ່ອອກກິນ
ເບ້ຍບໍານານແລ້ວນັ້ນ ໄດ້ເຖິງແກ່ມໍລະນະກໍາທີ່ບ້ານພັກຂອງຜູ້ກ່ຽວທີ່ເມຶອງ Springfield
ລັດ Virginia ໃນຕອນເຊົ້າວັນພະຫັດ ທີ 20 ມັງກອນ ວານນີ້ ຮວມອາຍຸໄດ້ 70 ປີ.
ທ່ານອົງອາດເກີດທີ່ບ້ານຈູມຄ້ອງ ເມືອງແລະແຂວງຫຼວງພະບາງ ໃນພາກເໜືອຂອງປະເທດ
ລາວ. ທ່ານໄດ້ເຂົ້າເຮັດວຽກກັບວີໂອເອຫຼືວິທະຍຸສຽງອະເມຣິກາໃນປີ 1966 ຊຶ່ງທ່ານໄດ້ໄຕ່
ເຕົ້າຂຶ້ນມາຈົນເປັນບັນນາທິການຂອງພະແນກພາສາລາວ ແລະກໍາຕໍາແໜ່ງດັ່ງກ່າວຈົນຮອດ
ມື້ທ່ານອອກບຳນານໃນເດືອນມັງກອນປີ 2008 ຮວມເວລາໃນການຮັບໜ້າທີ່ການດົນເຖິງ 41 ປີ.
ພວກເຮົາຄະນະທີມງານຂອງວີໂອເອທັງໃນອະດີດແລະປັດຈຸບັນຂໍສະແດງຄວາມເສົ້າສະຫຼົດ
ໃຈເປັນທີ່ສຸດ ມາຍັງຄອບຄົວພົງສະຫວັນ ມານະທີ່ນີ້ດ້ວຍ.
ສຳລັບລາຍລະອຽດກ່ຽວກັບພິທີຊາປະນະກິດສົບນັ້ນ ກະລຸນາຕິດຕໍ່ໄດ້ທີ່ບ້ານພັກຂອງມື້
ລາງທ່ານອົງອາດ ຕາມເບີໂທລະສັບດັ່ງນີ້: 703-354-3012
