ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ້າວ Bolt ຊະນະຫລຽນຄຳ ອັນທີສາມ ທີ່ ນະຄອນ Rio


ທ້າວ Usain Bolt ຈາກ Jamaica ສະຫລອງໄຊຊະນະຫລຽນ ຄຳ ຫັລງຈາກການແລ່ນປ່ຽນໄມ້ 400 ແມັດຕໍ່ກັນສີ່ຄົນ.
ທ້າວ Usain Bolt ຈາກ Jamaica ສະຫລອງໄຊຊະນະຫລຽນ ຄຳ ຫັລງຈາກການແລ່ນປ່ຽນໄມ້ 400 ແມັດຕໍ່ກັນສີ່ຄົນ.

ເປັນ​ເທື່ອ​ທີສາມຊ້ອນ​ ​ໃນ​ການ​ແຂ່ງຂັນ​ກິລາ​ໂອ​ລິ​ມປິກ​ລະດູ​ຮ້ອນ ດາລາ​ນັກ​ແລ່ນ​ໄວທີ່​ສຸດຈາ​ໄມ​ກາ ທ້າວ Usain Bolt ​ໄດ້​ຊະນະ​ສາມ​ຫລຽນ​ຄຳ ຫລັງ​ຈາກ​ແລ່ນ​ຕໍ່​ກັນ​ສີ່​ຄົນ ຜູ້​ລະ 100 ​ແມັດກັບ​ທິມຂອງ​ລາວ ​ໄດ້​ຄວ້າ​ເອົາໄຊຊະນະ​ໃນ​ຕອນ​ແລງ​ວັນ​ສຸກ​ວານ​ນີ້ ​ທີ່​ນະຄອນ Rio de Janeiro.

ທິມຂອງ​ຈາ​ໄມ​ກາ ບໍ່​ໄດ້​ທຳລາຍ​ສະຖິຕິໂລກ​ຂອງ​ຕົນ​ໃນ​ການ​ແຂ່ງຂັນດັ່ງກ່າວ ​ແຕ່​ໄດ້​ເສັດ​ສິ້ນ​ນຶ່ງສ່ວນ​ສາມວິນາ​ທີ ໜ້ອຍ​ກວ່າ​ທີ​ມຍີ່ປຸ່ນ​ ທີ່​ໄດ້​ຮັບ​ຫລຽນ​ເງິນ. ກາ​ນາ​ດາ​ໄດ້​ຮັບ​ຫລຽນ​ທອງ​ແດງ ຫລັງ​ຈາກ​ທີມສະຫະລັດ ​ໝົດ​ສິດ ຍ້ອນ​ປ່ຽນ​ໄມ້​ ​ຢູ່​ນອກ​ເຂດ​ທີ່ກຳນົດ​ໄວ້.

ນອກ​ນັ້ນ ທ້າວ Bolt ​ຍັງ​ຄອງ​ສະຖິຕິໂລກ ​ໃນ​ການ​ແລ່ນ​ໄວ​ທີ່ສຸດ 100 ​ແລະ 200 ​ແມັດ ໃນການ​ແຂ່ງຂັນ​ທີ່ນະຄອນ Rio ດັ່ງ​ທີ່​ລາວ​ໄດ້​ເຮັດ​ມາສອງ​ຄັ້ງໃນ​ກິລາໂອ​ລິ​ມປິກລະດູ​ຮ້ອນ ​ເທື່ອ​ກ່ອນ ພ້ອມ​ດ້ວຍ​ທີ​ມຈາ​ໄມ​ກາ ​ໃນ​ການ​ແລ່ນຕໍ່​ກັນ​ສີ່​ຄົນ ຜູ້​ລະ 100 ​ແມັດ.

ທ້າວ Bolt ທີ່​ໄດ້​ຮັບ​ເກົ້າ​ຫລຽນ​ຄຳ​ໃນ​ກິລາ​ແລ່ນ​ແລະ​ລານ ​ແມ່ນສະ​ເໝີ​ກັນ​ກັບ​ນັກ​ແລ່ນ​ອາ​ເມຣິກັນ ທ້າວ Carl Lewis ​ແລະ​ທ້າວ Finn Paavo Nurmi ນັກ​ແລ່ນ​ໄລຍະໄກ​ໃນ​ຕົ້ນ​ຊຸມ​ປີ 1900​. ສ່ວນ​ທ້າວ Lewis ​ແມ່ນໄດ້ແຂ່ງຂັນ​ໃນ​ຊຸມ​ປີ 1980 ​ແລະ 1990.

ຫລັງ​ຈາກ​ການ​ແຂ່ງຂັນ​ໃນ​ວັນ​ສຸກ​ວານ​ນີ້​ແລ້ວ ທ້າວ Bolt ຜູ້​ຈະ​ມີ​ອາຍຸ 30 ປີ​ໃນ​ວັນ​ອາທິດ​ມື້​ອຶ່ນນີ້ກ່າວ​ວ່າ "ຂ້າພະ​ເຈົ້າ​ຫວັງ​ວ່າ ຂ້າພ​ະ​ເຈົ້າ​ໄດ້​ຕັ້ງ​ຂີດໝາຍ​ໄວ້​ສູງ​ພຽງພໍ ທີ່​ບໍ່ມີ​ຜູ້​ໃດ​ສາມາດ​ເຮັດ​ໄດ້​ອີກ.”

ສ່ວນການ​ແລ່ນ​ປ່ຽນ​ໄມ້ຕໍ່​ກັນ​ສີ່​ຄົນຜູ້​ລະ 100 ​ແມັດ ຂອ​ງແມ່ຍິງ​ສະຫະລັດ ​ໄດ້​ຄວ້າ​ເອົາ​ຫລຽນ​ຄຳ​ໃນ​ຄືນ​ວັນສຸກ​ວານ​ນີ້ ​ໂດຍເອົາ​ຊະນະ​ທີ​ມ​ຈາ​ໄມ​ກາ. ສະມາຊິກ​ທິມອາ​ເມຣິກັນ ນາງ Allyson Felix ​ໄດ້​ກາຍ​ມາ​ເປັນ​ແມ່ຍິງ​ຄົນ​ທຳ​ອິດ ທີ່​ເປັນນັກ​ກິລາຊະນະ​ຫ້າ​ຫລຽນ​ຄຳ.

ບັນດານັກຂີ່ລົດຖີບຈາກແຖວຫລຸ່ມຂວາ ທ້າວ Anthony Dean ຈາກ Australia, Twan van Gendt ຈາກ Netherlands, Niek Kimmann ຈາກ Netherlands ແລະ Trent Jones ຈາກ New Zealand
ບັນດານັກຂີ່ລົດຖີບຈາກແຖວຫລຸ່ມຂວາ ທ້າວ Anthony Dean ຈາກ Australia, Twan van Gendt ຈາກ Netherlands, Niek Kimmann ຈາກ Netherlands ແລະ Trent Jones ຈາກ New Zealand

ນອກ​ນັ້ນ ​ໃນການ​ແຂ່ງຂັນເມື່ອ​ວັນ​ສຸກ​ວານ​ນີ້​ທີ່ນະຄອນ Rio ທີ​ມ​ໂປ​ໂລ​ແມ່ຍິງອາ​ເມຣິກັນ ກໍ​ໄດ້​ຊະນະ​ຫລຽນ​ຄຳ, ນັກ​ຂີ່​ລົດຖີບ BMX ອາ​ເມຣິກັນທ້າວ Connor Fields ​ແລະ​ນັກ​ຂີ່​ລົດຖີບ BMX ​ໂຄ​ລົມ​ເບຍ ນາງ Mariana Pajon ກໍ​ໄດ້​ຮັບ​ຫລຽນ​ຄຳ​ເຊັ່ນ​ກັນ.

ການແຂ່ງຂັນກິລາແບັດມິນຕັນແມ່ຍິງ ນາງ Carolina Marin ຈາກສະເປນ ສະຫລອງຫລັງຈາກຊະນະ ນາງ V. Sindhu Pusarla ຈາກອິນເດຍ.
ການແຂ່ງຂັນກິລາແບັດມິນຕັນແມ່ຍິງ ນາງ Carolina Marin ຈາກສະເປນ ສະຫລອງຫລັງຈາກຊະນະ ນາງ V. Sindhu Pusarla ຈາກອິນເດຍ.

ທີ​ມ polo ແມ່ຍິງ​ສະຫະລັດ ​ໄດ້​ຊະ​ນະ​ອີ​ຕາ​ລີ ​ໃນ​ວັນ​ສຸກ​ວານ​ນີ້​ດ້ວຍ​ຄະ​ແນນ 12-5 ​ໃນ​ການ​ແຂ່ງຂັນ​ໂອ​ລິ​ມປິກ​ຮອບ​ສຸດ​ທ້າຍ ​ເຮັດ​ໃຫ້​ເຂົາ​ເຈົ້າ​ໄດ້​ຮັບ​ໄຊຊະນະຕິດ​ຕໍ່​ກັນເຖິງ 22 ​ເກ​ມ​ຊ້ອນ. ທີ​ມ​ແມ່ຍິງ​ສະຫະລັດ ຍັງ​ໄດ່້​ຮັບ​ຫລຽນ​ຄຳ​ໃນ​ປີ 2012 ທີ່​ເຮັດ​ໃຫ້​ເຂົາ​ເຈົ້າ​ເປັນ
ທີ​ມທີ່​ໄດ້ຊະນະ​ຫຼຽນຄຳສອງ​ຄັ້ງ ພຽງ​ທີ​ມດຽວ​ເທົ່າ​ນັ້ນ ​ນັບ​ແຕ່​ໄດ້ເລີ້ມ​ແຂ່ງຂັນກິລາ​ດັ່ງກ່າວ ​ໃນ​ປີ 2000.

ທ້າວ Usain Bolt ຈາກ Jamaica ສະຫລອງໄຊຊະນະການແລ່ນປ່ຽນໄມ້ 400 ແມັດແລ່ນຕໍ່ກັນສີ່ຄົນ
ທ້າວ Usain Bolt ຈາກ Jamaica ສະຫລອງໄຊຊະນະການແລ່ນປ່ຽນໄມ້ 400 ແມັດແລ່ນຕໍ່ກັນສີ່ຄົນ

ທ້າວ Connor Fields ​ໄດ້​ກາຍ​ມາ​ເປັນຜູ້​ຊະນະຫລຽນ​ຄຳ ​ສະຫະລັດ​ຄົນ​ທຳ​ອິດ ​ໃນການແຂ່ງຂັນຂີ່​ລົດຖີບ BMX ຊຶ່ງ​ໄດ້​ໂຍນ​ລົດຖີບຂອງ​ລາວ​ລົງ ​ແລ້ວ​ເຕັ້ນ​ຢູ່​ໃນ​ອ້ອມກອດ ທີ​ມ ຂອງລາວຫລັງ​ຈາກ​ໄດ້​ຜ່ານ​ເສັ້ນໄຊ. ​ເວລາ​ຖາມ​ເຖິງ​ຄວາມ​ຮູ້ສຶຶກຂອງ​ລາວ ທ້າວ Fields ກ່າວ​ວ່າ “ຂ້າພ​ະ​ເຈົ້າ​ບໍ່​ຮູ້​ຈະ​ອະທິບາຍ​ຢ່າງ​ໃດ. ມັນ​ເປັນ​ເວລາ​ແຫ່ງຄວາ​ມຝັນ ທີ່​ຂ້າພ​ະ​ເຈົ້າ​ໄດ້​ຝັນໄວ ຕັ້ງ​ແຕ່ຂ້າພ​ະ​ເຈົ້າ​ມີອາຍຸ​ 15 ປີ​.”

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG