ລິ້ງ ສຳຫລັບເຂົ້າຫາ

ວັນອັງຄານ, ໒໘ ພຶດສະພາ ໒໐໒໔

Allyson Felix ນັກແລ່ນ ສຫລ ໄດ້ຫຼຽນຄໍາ ແລ່ນ 200 ແມັດ (ສະໄລດ໌)


ນັກແລ່ນຍິງ 200 ແມັດ Allyson Felix (ກາງ) ຂອງສະຫະລັດ ທີ່ຊະນະຫຼຽນຄໍາ
ນັກແລ່ນຍິງ 200 ແມັດ Allyson Felix (ກາງ) ຂອງສະຫະລັດ ທີ່ຊະນະຫຼຽນຄໍາ

ໄຊຊະນະ​ຂອງ​ນັກ​ແລ່ນ​ສະຫະລັດ Allyson Felix ​ໃນ​ການ​ແຂ່ງຂັນ​ແລ່ນ 200 ​ແມັດປະ​ເພດ​ຍິງ​ ເມື່ອ​ວັນ​ພຸ​ດ ວານ​ນີ້ ຂອງໂອ​ລິ​ມປິກ 2012 ທີ່​ກຸງ ລອນ​ດອນ ໄດ້ເນັ້ນ​ຍໍ້າ​ເຖິງ​ຄວາມ​ສາມາດ​ອັນ​ຍິ່ງ​ໃຫຍ່​ສໍາລັບ​ທີ​ມ​ແລ່ນ​ແລະ​ລານ​ຂອງ​ອາ​ເມຮິ​ກັນ.

​ໃນ​ທີ່​ສຸດ ນັກ​ແລ່ນ​ຍິງ Felex ກໍ​ຄວ້າ​ເອົາຫຼຽນຄໍາ​ມາ​ໄດ້ ຫຼັງຈາກ​ຢູ່​ອັນ​ດັບ​ສອງ​ລຽນຕິດ​ມາໃນ​ການ​ແຂ່ງຂັນ​ກິລາໂອ​ລິ​ມປິກ ປີ 2004 ​ແລະ 2008. ຄັ້ງ​ນີ້ Felix ທໍາ​ເວລາ​ແລ່ນ 21.88 ວິນາທີ ທີ່​ເອົາ​ຊະນະ Shelly-Ann Fraser-Pryce ຈາກຈາໄມ​ກາ ທີ່​ພະຍາຍາມ​ຈະ​ຄວ້າ​ເອົາຫຼຽນຄໍາຫຼຽນທີ່​ສອງ​ໃນ​ການ​ແຂ່ງຂັນ​ກິລາ​ໂອ​ລິ​ມປິກ ປີ 2012 ນີ້. Carmelita Jeter ຈາກ​ອາ​ເມຣິກາ ​ຊະນະຫຼຽນທອງ​ແດງ.

ສ່ວນນັກ​ແລ່ນ Veronica Campbell-Brown ຂອງ​ຈາ​ໄມ​ກາ ທີ່​ຊະນະ ຫຼຽນຄໍາ​ໃນ​ກິລາ​ໂອ​ລິ​ມປິກ ປີ 2004 ​ແລະ 2008 ນັ້ນ ຕົກມາ​ຢູ່​ອັນ​ດັບ​ສີ່​ໃນ​ປີນີ້.

ນັກກິ​ລາ​ປະ​ເພດ​ໂດດໄກ Brittney Reese ​ແລະ Janay Deloach ​ຊະນະຫຼຽນຄໍາ​ແລະຫຼຽນ​ເງິນຕາມ​ລຳດັບ​ໃນ​ຂະນະ​ທີ່ Lashinda Demus ​ຊະນະຫຼຽນ​ເງິນ ​ໃນ​ກິລາ​ແລ່ນ​ຂ້າມ​ສິ່ງ​ກີດຂວາງ 400 ​ແມັດ​ປະ​ເພດຍິງ ທີ່​ເສຍໄຊ​ໃຫ້​ແກ່​ຄູ່​ແຂ່ງ Natalya Antyukh ຈາກຣັດ​ເຊຍ ​ໃນ​ເວລາພຽງ​ສ້ຽວ​ວິນາທີນັ້ນ.

ສຳ​ຫຼັບກິລາ​ແລ່ນ​ຂ້າມ​ສິ່ງ​ກີດຂວາງ 110 ​ແມັດປະ​ເພດ​ຊາຍ ນາຍ Aries Merritt ຊະນະຫຼຽນຄໍາ ​ແລະ​ເພື່ອນ​ຮ່ວມ​ທີ​ມ Richardson ຊະນະຫຼຽນ​ເງິນ ຊຶ່ງ​ນັບ​ວ່າ​ເປັນ​ຄູ່​ແຂ່ງ​ຂອງ​ອາ​ເມຣິກັນ​ຄູ່​ທໍາ​ອິດ​ທີ່​ຊະນະຫຼຽນຄໍາແລະ ຫຼຽນ​ເງິນ ນັບ​ຕັ້ງ​ແຕ່​ການ​ແຂ່ງຂັນ​ ປີ 1996 ​ເປັນ​ຕົ້ນ​ມາ​ນັ້ນ. ສ່ວນ Dayron Robels ຂອງ​ຄິວ​ບາ ທີ່ເຄີຍ​ຊະນະຫຼຽນຄໍາ​ໃນ​ການ​ແຂ່ງຂັນປີ 2008 ນັ້ນ ເຈັບຂາ ຈົນ​ບໍ່​ສາມາດ​ແລ່ນ​ເຖິງຫຼັກ​ໄຊ.

ຂະນະ​ດຽວ​ກັນ ຊາຍ​ທີ່​ແລ່ນ​ໄວ​ທີ່​ສຸດ​ຂອງ​ໂລກ Usain Bolt ຊາວ​ຈາ​ໄມ​ກາ ​ໄດ້​ເຂົ້າຮອບ​ສຸດ​ທ້າຍແລ່ນ 200 ​ແມັດປະ​ເພດ​ຊາຍພ້ອມ​ດ້ວຍ​ເພື່ອນ ​ຮ່ວມ​ທີ​ມ ທີ່​ເປັນຄູ່​ແຂ່ງ​ສໍາຄັນ Yohan Blake.

​ໃນ​ກິລາ​ປະ​ເພ​ດອື່ນໆຂອງ​ການ​ແຂ່ງຂັນໂອ​ລິ​ມປິກນັ້ນ ປະກົດ​ວ່າ Misty May-Treanor ​ແລະ Kerri Walsh Jennings ຊະນະຫຼຽນຄໍາຫຼຽນ​ໂອ​ລິ​ມປິກສາມ​ສະ​ໄໝ​ລຽນຕິດ ​ໃນກິລາ​ບານ​ສົ່ງຫາດ​ຊາຍ ​ຮອບ​ສຸດທ້າຍ ທີ່​ເອົາ​ຊະນະ​ຄູ່​ແຂ່ງ​ອາ​ເມຣິກັນ​ເຊັ່ນດຽວ​ກັນ ຄື April Ross ​ແລະ Jennifer Kessy.

ກິລາ​ປະ​ເພດ​ປິງປ່ອງ ຈີນ​ຄວ້າ​ເອົາ​ສີ່ຫຼຽນຄໍາ​ ​ໂດຍຊະນະ​ທີມຊາຍ ​ເກົາຫຼີ​ໃຕ້. ​ແລະ​ຮັງ​ກາ​ຣີ ຊະນະຫຼຽນຄໍາ ​ໃນ​ກິລາ​ພາຍ​ເຮືອ kayak ​ຄູ່ປະ​ເພດຊາຍ 1,000 ​ແມັດ ​ແລະ​ພາຍ​ເຮືອ kayak ຍິງ​ສີ່​ຄົນ 500 ​ແມັດ.

ສະຖິຕິ​ປະ​ເທດ​ທີ່ໄດ້ຫຼຽນຫຼາຍທີ່​ສຸດມາ​ຮອດວັນ​ພຸດ​ວານ​ນີ້ ສະຫະລັດ​ນໍາ​ໜ້າ​ໝູ່ ຄື​ໄດ້ຫຼຽນທັງ​ໝົດ 81 ຫຼຽນ ສົມທຽບກັບ​ຈີນ ທີ່​ໄດ້ 77 ຫຼຽນ ​ແລະ​ອັງກິດ​ໄດ້ 48 ຫຼຽນທັງ​ໝົດ​ນັ້ນ.

ສະຖິຕິຫລຽນຫ້າສຸດ. ໂຕເລກນີ້ຈະອັບເດດມັນເອງ ເວລາມີການປ່ຽນແປງ
ໃນຈໍານວນຫລຽນ:

Loading...

See complete list at olympic.org

XS
SM
MD
LG