ພາບສ່ວນນຶ່ງຈາກມື້ທີ 11 ຂອງການແຂ່ງຂັນ:
ປະເທດອັງກິດ ທີ່ເປັນເຈົ້າພາບຈັດການແຂ່ງຂັນກິລາໂອລິມປິກປີນີ້ພາກັນຊື່ນຊົມຢ່າງໃຫຍ່ໃນ
ວັນອັງຄານວານນີ້ ທີ່ຕົນສາມາດຄວ້າເອົາຫຼຽນຄຳຈຳ ນວນນຶ່ງ ມາໄດ້ຕື່ມອີກ.
ອັງກິດໄດ້ຊະນະຫຼຽນຄໍາໃນການແຂ່ງຂັນໄຕຣກິລາຫຼື Triathelon ປະເພດຊາຍ ຄື ລອຍນໍ້າ
ຖີບລົດຖີບ ແລະແລ່ນທົນ ພ້ອມທັງຫຼຽນຄຳໃນ ໃນການແຂ່ງລົດຖີບ ຂີ່ມ້າຂ້າມຮົ້ວ ແລະກິລາ
ປະເພດແຂ່ງເຮືອໃບລົມ ແລະປະເພດໄຕຣກິລາອີກ ຄື ລອຍນໍ້າ ຖີບລົດຖີບ ແລະແລ່ນນັ້ນ.
ຕອນສິ້ນສຸດການແຂ່ງຂັນໃນວັນອັງຄານວານນີ້ ປະກົດວ່າອັງກິດສາມາດຄວ້າຫຼຽນຄໍາມາໄດ້
ຫຼາຍເປັນປະວັດການ ຄືໄດ້ຫຼາຍກວ່າ 19 ຫຼຽນຄໍາທີ່ຕົນໄດ້ສ້າງສະຖິຕິໄວ້ໃນການແຂ່ງຂັນກິ
ລາໂອລິມປີີກປີ 2008 ຜ່ານມາທີ່ກຸງປັກກິ່ງນັ້ນ.
ທີ່ສະໜາມກິລາແຂ່ງລົດຖີບ Velodrome ບັນດາແຟນໆພາກັນໂບກທຸງ ຊາດອັງກິດຢ່າງ
ພາກພູມໃຈ ໃຫ້ແກ່ນັກຖີບລົດຖີບ Chris Hoy ແລະ Laura Trott ທີ່ຊະນະໄດ້ຫຼຽນຄໍາໄປ.
ນາຍ Chris Hoy ຊະນະຫຼຽນ ຄໍາໂອລິມປິກຫົກຫຼຽນ ເປັນປະວັດການຂອງອັງກິດ.
ພ້ອມດຽວກັນ ຈີນກໍຄວ້າຫຼຽນຄໍາໄດ້ອີກສອງຫຼຽນ ໃນກິລາປະເພດກາຍະກໍາ Gymnastic.
ນາງ Deng Linlin ໄດ້ຊະນະອັນດັບນຶ່ງ ກິລາກາຍະກຳປະເພດຊົງຕົວ ແລະນາຍ Feng
Zhe ຂອງທິມຈີນ ກໍຊະນະຕຳແໜ່ງ ກາຍະກໍາຊາຍ ໄມ້ຮາວຄູ່. ສ່ວນນາງ Ally Raisman
ຈາກອາເມຣິກາ ຊະນະຫຼຽນ ຄໍາໃນກິລາກາຍະກຳຕີລັງກາຈີມນາສຕິກແລະນາຍ Epke
Zonderland ຈາກເນເທີແລນດ໌ ກໍຄວ້າຫຼຽນຄໍາໃນກິລາກາຍະກຳປະເພດໄມ້ຮາວ ຫຼື horizontal bar.
ຊາວລອນດອນພາກັນໄປເບິ່ງການແຂ່ງຂັນໂອລິມປິກຫລາຍຂຶ້ນ ຫລັງຈາກ
ບໍ່ສົນໃຈໃນເບື້ອງຕົ້ນ:
ປະເທດທີ່ໄດ້ຫລຽນຫລາຍທີ່ສຸດ ຈາກການແຂ່ງຂັນກິລາໂອລິມປິກ 2012