ລາຍງານວີດີໂອກ່ຽວກັບທີມ USA ໃນການແຂ່ງຂັນກັບທີມບຣາຊິລກ່ອນໄປໂອລິມປິກ:
ທີມກິລາຊາຍບານບ້ວງ ຫຼື ບາສເກດບອລ ມືອາຊີບຂອງສະຫະລັດທີ່ໄປຮ່ວມແຂ່ງຂັນໂອລິມ
ປິກ ຢູ່ລອນດອນ ຈະໄດ້ຕໍ່ສູ້ກັບເພື່ອນສະມາຊິກ ສະມາຄົມບານບ້ວງແຫ່ງຊາດສະຫະລັດ ຫຼື
NBA ຂອງພວກເຂົາເຈົ້າ ເວລາຫຼິ້ນກັບທີມຝຣັ່ງ ໃນວັນອາທິດມື້ນີ້.
LeBron James ດາລາບານບ້ວງທີມ Miami Heat ແລະ Kobe Bryant ທີມ Los Angeles Lakers ຈະຫຼິ້ນກັບທີມຝຣັ່ງ ທີ່ປະກອບດ້ວຍນັກຫຼິ້ນເດັ່ນໆຈາກ NBA ເຊັ່ນ Tony Parker ແລະ Boris Diaw ຈາກທີມ San Antonio Spurs ແລະ Nicolas
Batum ຈາກທີມ Trail Blazer ຂອງເມືອງ Portland.
ວັນອາທິດມື້ນີ້ ເປັນມື້ທີ່ສອງຂອງການແຂ່ງຂັນເຕັມມື້ ທີ່ງານແຂ່ງຂັນໂອ ລິມປິກປີ 2012.
ຝ່າຍທີມ Gymnastic ຍິງ ກໍເລິ່ມຕົ້ນການແຂ່ງຂັນຂອງເຂົາເຈົ້າ ໃນວັນອາທີີດມື້ນິ້. ກິລາອື່ນໆທີ່ຈະແຂ່ງຂັນໃນມື້ນີ້ເຊ່ນກັນ ກໍມີໂຮມທັງ Badminton ຫລື ຕີດອກປີກໄກ່, Beach Volleyball ບານສົ່ງຫາດຊາຍ, diving ໂດດນໍ້າ, fencing ຟັນດາບ ປິ່ງປ່ອງ ແລະລອຍນໍ້າ.
Michael Phelps ນັກລອຍ
ນໍ້າຫຼາຍຫຼຽນຄໍາຂອງສະຫະລັດ
ໄດ້ເຂົ້າຮ່ວມແຂ່ງຂັນລອຍນໍ້າໃນ
ສະຖານທີ່ ທີ່ບໍ່ລຶ້ງເຄີຍປານໃດ
ເມື່ອວັນເສົາວານນີ້ແລະກໍແພ້ໄປ.
Phelps ບໍ່ສາມາດເອົາຊະນະ
Ryan Lochte ຄູ່ແຂ່ງທີ່ເປັນ
ເພື່ອນຮ່ວມທີມອາເມຣິກັນ ໃນ
ການແຂ່ງລອຍນໍ້າ 400 ແມັດ.
Lochte ຄວ້າເອົາຫຼຽນຄໍາໄປ.
ສ່ວນ Phelps ບໍ່ໄດ້ຫລຽນຍ້ອນໄດ້ອັນດັບສີ່ ຊຶ່ງເປັນເທື່ອທໍາອິດນັບຕັ້ງແຕ່ກິລາໂອລິມ
ປິກປີ 2000 ເປັນຕົ້ນມາ ທີ່ເຂົາບໍ່ໄດ້ຮັບແມ່ນແຕ່ຫຼຽນທອງແດງ ໃນການແຂ່ງຂັນໂອລິມປິກນັ້ນ.
ສ່ວນນາງ Lia Neal ນັກຮຽນອຸດົມປີສຸດທ້າຍຂອງສະຫະລັດ ກໍນໍາຫຼຽນໂອລິມປິກກັບເມືອ
ບ້ານເມື່ອວັນເສົາວານນີ້. ນາງແລະເພື່ອນຮ່ວມທີມໄດ້ຮັບຫລຽນທອງແດງ ໃນການແຂ່ງລອຍ
ນໍ້າປ່ຽນຜຽນກັນ 400 ແມັດ ໂດຍເສຍໄຊໃຫ້ແກ່ ທີມອອສເຕຣເລຍທີ່ຊະນະຫຼຽນຄໍາ ແລະ
ທີມ Netherland ທີ່ຊະນະຫຼຽນເງິນ.
ວີດິໂອກ່ຽວກັບມື້ທໍາອິດຂອງງານໂອລິມປິກ:
ປະເພດແຂ່ງລົດຖີບຊາຍໄລຍະທາງ 250 ກິໂລແມັດ ແມ່ນ Alexander Vinokourov ຈາກ
ປະເທດ ກາຊັກສະຖານ ໄດ້ຮັບຫຼຽນຄໍາ.
ປະເພດ ຍິງສອນ ຫຼືຍິງທະນູ ທີມສະຫະລັດໄດ້ສ້າງຄວາມຕົກຕະລຶງໃຫ້ແກ່ທີມເກົາຫຼີໃຕ້
ໄດ້ຢ່າງໜ້າຊື່ນຊົມ ໂດຍໄດ້ກ້າວໄປສູ່ການຊິງເອົາຫຼຽນຄໍາ ສູ້ກັບທີມອິຕາລີ ທີ່ຄວ້າເອົາ
ຫຼຽນຄໍາໄປ ໂດຍໄດ້ຄະແນນລື່ນທີມສະຫະລັດ ນຶ່ງແຕ້ມໃນຮອບຍິງເທື່ອສຸດທ້າຍ.
ປະເພດ ຢູໂດ ຊາຍ ນໍ້າໜັກຕໍ່າກວ່າ 60 ກິໂລ ປາກົດວ່ານາຍ Arsen Galstyan ຈາກຣັດ
ເຊຍ ຊະນະຢ່າງບໍ່ຄາດຝັນ ນັກກິລາອັນດັບສູງສອງຄົນ ໂຮມທັງ Rishod Sobirov ຈາກ
ອຸສເບກີສຖານ ທີ່ເຄີຍຄອງແຊມໂລກມາສອງເທື່ອແລ້ວນັ້ນ.
ວີດີໂອກ່ຽວກັບທີມບານບ້ວງຍິງຂອງສະຫະລັດ:
ສ່ວນທີມກິລາບານບ້ວງຍິງຂອງສະຫະລັດ ທີ່ໄດ້ຮັບຄວາມນິຍົມຢ່າງໃຫຍ່ນັ້ນ ກໍສືບຕໍ່ໄດ້ຮັບ
ໄຊຊະນະໃນເກມແຂ່ງຂັນໂອລິມປິກ ເປັນ 34 ເກມ ລຽນຕິດ ໂດຍໄດ້ຊະນະທີມ Croatia
81 ຕໍ່ 56 ເມື່ອວັນເສົາວານນີ້. ທີມບານບ້ວງຍິງສະຫະລັດ ໄດ້ຊະນະຫຼຽນຄໍາລຽນ ຕິດຕໍ່
ກັນສີ່ຄັ້ງມາແລ້ວ.
ການແຂ່ງຂັນໂອລິມປິກ ໃນກິລາ 26 ປະເພດ ຈະດໍາເນີນໄປຈົນເຖິງ ວັນທີ່ 12 ສິງຫາເດືອນໜ້ານີ້.