ລິ້ງ ສຳຫລັບເຂົ້າຫາ

logo-print

ທວນໄຟ ກິລາໂອລິມປິກ ເດີນທາງຮອດ ຍີ່ປຸ່ນ ແລ້ວ


ນັກກິລາຫຼຽນຄຳໂອລິມປິກສາມຄັ້ງຂອງ ຍີ່ປຸ່ນ ນາງ ຊາໂອຣິ ໂຢຊິດະ (ຊ້າຍ) ແລະ ທ້າວ ທາດະຮິໂຣະ ໂນມຸຣະ ຈູດທວນໄຟກິລາໂອລິມປິກ ໂຕກຽວ 2020. (Photo by Philip FONG / AFP)

ທວນໄຟໂອລິມປິກ ໄດ້ໄປຮອດປະເທດຍີ່ປຸ່ນ ໃນວັນສຸກມື້ນີ້ ແລະ ນັກກິລາ ຫຼຽນຄຳ ສາມສະໄໝຂອງ ຍີ່ປຸ່ນ ນາງ ຊາໂອຣິ ໂຢຊິດະ ແລະ ທ້າວ ທາດາຮິໂຣະ ໂນມູຣະ ໄດ້ເປັນຄົນໄຕ້ໝໍ້ໄຟໂອລິມປິກ ໂຕກຽວ 2020 ດ້ວຍ ໄຟນັ້ນ.

ເຮືອບິນທີ່ນຳພາທວນໄຟໂອລິມປິກຈາກປະເທດ ກຣີສ ໄດ້ລົງຈອດຢູ່ຖານທັບ ອາກາດກະຊວງປ້ອງກັນປະເທດ ມັດຊຸຊິມະ ຂອງ ຍີ່ປຸ່ນ.

ເຮືອບິນລຳດັ່ງກ່າວ ເກືອບວ່າເປົ່າຫວ່າງ ຍ້ອນຄະນະກຳມະການ ກິລາໂອລິມປິກ ໂຕກຽວ 2020 ໄດ້ຕັດສິນໃຈທີ່ຈະບໍ່ສົ່ງຄະນະຜູ້ແທນລະດັບສູງໄປປະເທດ ກຣີສ, ຍ້ອນການລະບາດຂອງໄວຣັສ ໂຄໂຣນາ, ເຊິ່ງລວມມີຫົວໜ້າຂອງເຂົາ ເຈົ້າທ່ານ ໂຢຊິຮິໂຣະ ໂມຣິ, ແລະ ລັດຖະມົນຕີກິລາໂອລິມປິກ ທ່ານ ເຊໂກະ ຮາຊິໂມໂຕະ, ຕາມທີ່ໄດ້ວາງແຜນໄວ້ກ່ອນໜ້ານີ້.

ການແລ່ນປ່ຽນທວນໄຟຕາມປະເພນີ, ເຊິ່ງມີກຳນົດຈະເລີ່ມຂຶ້ນທີ່ແຂວງ ຟູກຸຊິມະ ໃນວັນທີ 26 ມີ ນານີ້, ຈະແລ່ນຜ່ານສະຖານທີ່ໆມີຊື່ສຽງຫຼາຍ ແຫ່ງຂອງ ຍີ່ປຸ່ນ, ລວມທັງພູໄຟ ຟູຈິ, ສວນອະນຸສອນສະຖານສັນຕິພາບ ຮິໂຣຊິມະ ແລະ ຫໍປະສາດ ຄູມາໂມໂຕະ ກ່ອນທີ່ຈະເຂົ້າໄປໃນສະໜາມ ກິລາໂອລິມປິກໃນວັນທີ 24 ກໍລະກົດ.

ບັນດາເຈົ້າໜ້າທີ່ໄດ້ແນະນຳບໍ່ໃຫ້ມີຝູງຄົນ ຢູ່ເສັ້ນທາງການແລ່ນປ່ຽນທວນໄຟ ນັ້ນ.

ແນວໃດກໍຕາມ, ບັນດາຜູ້ຈັດງານມັກຈະເວົ້າວ່າ ການແຂ່ງຂັນກິລາດັ່ງກ່າວ, ເຊິ່ງມີກຳນົດດຳເນີນຂຶ້ນແຕ່ວັນທີ 24 ກໍລະກົດ ຫາ 9 ສິງຫາ, ຈະດຳເນີນໄປ ນັ້ນ, ແຕ່ດ້ວຍການແຜ່ລະບາດຂອງ COVID-19, ການເລື່ອນເວລາ ຫຼື ຍົກ ເລີກກິລາດັ່ງກ່າວ ແມ່ນຍັງບໍ່ໄດ້ຖືກຕັດອອກຈາກການພິຈາລະນາເທື່ອ.

ອ່ານຂ່າວນີ້ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG